,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

တနိုင်းတွင် Covid-19 လက္ခာဖြင့် နေ့စဉ် သေဆုံးသူ ရှိနေ

တနိုင်းမြို့တွင် Covid-19 လက္ခာဖြင့် သေဆုံးမှုများ တစ်ရက်လျှင် အနည်းဆုံး ၄ ဦးခန့် ပုံမှန်ရှိနေကြောင်း တနိုင်း လူမှုရေးအဖွဲ့တစ်ခုထံမှ သိရသည်။

ပြီးခဲ့သော ဇူလိုင်လကုန်ပိုင်းမှစပြီး တနိုင်းမြို့ လူနေရပ်ကွက်များတွင် နေ့စဉ် လူသေဆုံးမှုနှုန်းမြင့်မားလျက်ရှိနေပြီး လက်ရှိအချိန်အထိ သေဆုံးသူဦးရေ ၇၀ နီးပါးရှိပြီဟု တနိုင်းမြို့ လူမှုကူညီရေးအဖြစ် ဆောင်ရွက်ပေးနေသည့် တာဝန်ရှိသူတစ်ဦးက KNG သတင်းဌာနကို ယခုလို ပြောဆိုခဲ့သည်။

“ကျနော်တို့ တနိုင်းမှာက ကိုဗစ်နဲ့ပတ်သက်ပြီး တာဝန်ယူဆောင်ရွက်ပေးမယ့်သူမရှိကြဘူး။ အဲ့လိုဘဲ ပြည်သူတွေလည်း လက်ရှိအစိုးရကို အယုံအကြည်မရှိတော့ ဖျားရင်လည်း အိမ်ထဲမှာဘဲနေကြတယ်။ အခုဖြစ်နေတာက တစ်ရက်ကို လူ ၄ဦး၊ ၅ဦးက နေ့တိုင်းလိုလို ဆုံးနေကြတယ်။ ဘာကြောင့်ဆုံးတယ်ဆိုတာကို အတည်မပြုနိုင်ဘူး။ အတည်ပြုပေးမယ့်သူတွေလည်းမရှိဘူး” ဟု ပြောဆိုသည်။

ဩဂုတ်လ ၁၈ ရက် ယနေ့တစ်ရက်တည်း သေဆုံးသူ ၃ ဦးအထိရှိခဲ့ပြီး မြို့ပေါ် ရပ်ကွက် ၈ခုရှိသည့်အနက် ဆမ့်ဆ ရပ်ကွက်တွင် လူသေဆုံးမှုအများဆုံးဖြစ်ပေါ်နေကြောင်း သိရသည်။

ထို့အပြင် မြို့ပေါ် ရပ်ကွက်တိုင်းတွင် ကိုဗစ်လက္ခာဖြင့် ဖျားနာသူများရှိနေကာ မြို့လူဦးရေ၏ ထက်ဝက်ခန့်မှာ အနံ့ပျောက်လက္ခာဖြစ်နေသည်ဟု သူက ဆက်လက်ပြောဆိုသည်။

လက်ရှိ တနိုင်းမြို့တွင် အာဏာသိမ်းစစ်ကောင်စီအဖွဲ့က ကိုဗစ်လူနာများအတွက် မြို့တွင်း နေရာ ၃ ခုတွင် Quarantine Center အဖြစ်သတ်မှတ်ထားသော်လည်း အုပ်ချုပ်ရေးအဖွဲ့မှ ထိရောက်စွာ ကြပ်မတ်ဆောင်ရွက်ပေးခြင်း မရှိကြောင်း သိရသည်။

ထို့အပြင် တနိုင်းမြို့နယ် ရှိန်ဗွေယန်မြို့နယ်ခွဲတွင်လည်း Covid-19 ကူးစက်သူ များပြားကာ လူမှုကူညီရေးအဖွဲ့များဖြင့်သာ ရောဂါတိုက်ဖျက်နေရကြောင်း သိရသည်။

Covid-19 ကူးစက်ရောဂါကာကွယ်ရန်အတွက် ဟူးကောင်းချိုင့်ဝှမ်းဒေသနှင့် တနိုင်း ရှိန်ဗွေယန်ဒေသများတွင် လူစုလူဝေး ပွဲလမ်းသဘင်ပြုလုပ်ခြင်း၊ စာသင်ကျောင်းများ ဖွင့်လှစ်သင်ကြားခြင်း၊ အားကစားပွဲများ၊ စျေးတန်း စျေးရောင်းခြင်း များကို ရောဂါပပျောက်တဲ့အထိ ပြုလုပ်ခြင်းမပြုရန် ကချင်လွတ်လပ်ရေးအဖွဲ့ KIO အုပ်ချုပ်ရေးအဖွဲ့က ပြီးခဲ့သည့် ဇူလိုင်လ နောက်ဆုံးအပတ်တွင် ထုတ်ပြန်ထားသည်။

Read Previous

ပစ်ခတ်ခံရသော စစ်ကောင်စီ သင်္ဘောတစ်စီး ရွှေကူမြို့သို့ ရောက်လာ

Read Next

ဝိုင်းမော် ခလရ ၅၈ တပ်ရင်း ပစ်ခတ်သည့် လက်နက်ကျည်အချို့  ကျေးရွာအတွင်း ကျရောက်ပေါက်ကွဲ