,

Breaking News :

ကုန်းလောတွင် စစ်တပ်သတင်းပေးဟု ယူဆရသူတစ်ဦး ပစ်သတ်ခံရ

ကနီနယ်တွင် NUG အစိုးရ လမ်းညွန်မှုဖြင့် မီးသတ်သင်တန်းများပို့ချ

စစ်ကိုင်းတိုင်း ရေဦးမြို့တွင် စစ်ကောင်စီတပ် အရာရှိတစ်ဦးနှင့် စစ်သား ၂ဦးသေဆုံး

ဗန်းမော်-လွယ်ဂျယ် နယ်စပ်ကုန်သွယ်ရေးလမ်းပိုင်းတွင် မော်တော်ယာဉ်များပုံမှန်အတိုင်းသွားလာနိုင်ပြီဟုသိရ

ဖားကန့် လမ်းမပေါ်တွင် စစ်ကောင်စီတပ်သား ၆ ဦးကို KIA ဖမ်းဆီး

စစစ ရုံး‌ရှေ့ ဝင်ရောက်လာသည့် စစ်ကားတစ်စီး မိုင်းခွဲခံရ

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ပူတာအိုဒေသတွင် စပါးဖျက်နှံကောင်များကို နှိမ်နင်းမည့် နည်းလမ်း အကူညီလိုအပ်နေ

ကချင်ပြည်နယ် ပူတာအို ဒေသတွင် စပါးဖျက် နှံကောင်ကျရောက်ပြီး ဒေသခံ ပြည်သူများ၏ တောင်ယာစပါးဧကအများစု ဖျက်ဆီးခံရသောကြောင့် ကာကွယ်နှိမ်နင်းရန် နည်းလမ်းအကူညီလိုအပ်နေသည်ဟု သိရသည်။

အထူးသဖြင့် ပူတာအိုမြို့နယ်နှင့် ဆွမ်ပရာဘွမ်မြို့နယ်တစ်လျှောက် တောင်ယာများတွင် ဖြစ်ပေါ်နေခြင်းဖြစ်ကာ ပြီးခဲ့သည့် ဩဂုတ်လမှစတင်ကာ စပါးဖျက်အကောင် ပိုမိုများလာသည်ဟု လုံရှာယန်ဒေသခံတစ်ဦးက KNG ကို ပြောသည်။

“ရာသီဥတုကြောင့်နဲ့ မိုးကြောင့် ပြောရမလား၊ နဂိုကတည်းက စပါး အထွက်မကောင်းတဲ့ကြား ဒီစပါး ဖျက်နှံကောင်က အရမ်းများလာပြီး အကုန်ဖျက်ဆီးပေးလိုက်တာ ဟုတ်တယ်။ တချို့တောင်ယာဆို စပါးတစ် တင်းခွဲ အဲလောက်ပဲရတယ်။ အရင်တစ်ခါမှမဖြစ်ဖူးဘူး။ စပါးဖျက်နှံကောင်တွေ အများကြီးပဲ။ ကျနော်တို့ ရိုက်သတ်နိုင်တာက နည်းနည်းပဲ။” ဟု ပူတာအို လုံရှာယန် ဒေသခံတစ်ဦးပြောသည်။

လုံရှာယန်တွင် အိမ်ထောင်စုအားဖြင့် ၉၂ စုရှိပြီး ၎င်းတို့မှာ တောင်ယာ နှင့် လယ်ယာခင်းကိုသာ မှီခိုနေရသောကြောင့် လက်ရှိတောင်ယာမှ ပိုးများ လယ်ယာကို ကူးစက်မည်ကိုလည်း ထပ်မံ ပူပန်နေရသည်ဟု ဆိုသည်။

ထို့ကြောင့် စိုက်ပျိုးရေးကိုသာ အားကိုးပြီး အသက်မွေးဝမ်းကြောင်းပြုနေရသော ပူတာအို လုံရှာယန်ပြည်သူများသည် ယခုလိုအဖြစ်အပျက်ကြုံတွေ့ပြီးနောက် နောက်ဆက်တွဲ စိုက်ပျိုးရေး လုပ်ငန်းဖြင့်ဆက်လက်ရပ်တည်မည့်အရေး တွေးပူနေကြသည်ဟု သိရသည်။

“အရင်မဖြစ်ဖူးတာဆိုတော့ စိုက်ပျိုးရေးလုပ်လို့ မရတော့မှာ အရမ်းစိုးရိမ်တယ်။ ပြီးတော့ တောင်းဆိုချင်တာတစ်ခုက ဒီစပါးဖျက်နှံကောင်တွေကို ဘယ်လိုကာကွယ်နှိမ်နင်းနိုင်သလဲပေါ့။ ဘယ်လိုလုပ်သင့်တယ်ဆိုတဲ့နည်းလမ်းတော့ လိုအပ်လာလိမ့်မယ်။ ပိုးသတ်ဆေးပဲသုံးရင်လည်း မဖြစ်ဘူး။” ဟု လုံရှာယန် ဒေသခံတစ်ဦး ပြောသည်။

မြစ်ကြီးနား- ပူတာအိုလမ်းပိုင်းနှင့် အင်ဂျန်ယန် စသည့်ဒေသများတွင် ယခုနှစ်မှစတင်ကာ စပါးဖျက်ပိုးကောင်၊ နှံကောင်နဲ့ ကြွက် အလွန်များပြားလာပြီး ဒေသခံပြည်သူများ၏ စပါးခင်း၊  တောင်ယာများကို ဖျက်ဆီးနေခြင်းဖြစ်သည်။

Read Previous

ဖမ်းဆီးခံထားရသည့် KNC ပါတီဥက္ကဋ္ဌအား ရုံးထုတ်စစ်ဆေးခြင်းမရှိဘဲ အကျဉ်းထောင်ပို့

Read Next

တရုတ်နိုင်ငံတွင် အကြောင်းအမျိုးမျိုးကြောင့် ဖမ်းဆီးထိန်းသိမ်းခံထားရသူများ ရက်ပြည့်သော်လည်း မလွတ်မြောက်သေး

Leave a Reply

Your email address will not be published.