,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

လီဒိုလမ်းမပေါ် ပြည်သူ ၂ ဦး ပစ်ခတ်ခံရ၊ တစ်ဦးသေဆုံးပြီး တစ်ဦးဖမ်းဆီးခံရ

မြစ်ကြီးနား-ဗန်းမော်လမ်းတစ်နေရာတွင် တွေ့ရသော စစ်ကောင်စီတပ်သားများ

ဖားကန့်မြို့နယ် လဝါးကျေးရွာအနီးတွင် စစ်တပ်ဂိတ်အနီးဖြတ်သွားသော ပြည်သူ ၂ဦးကို စစ်ကောင်စီက သေနတ်ဖြင့် လိုက်လံပစ်ခတ်သောကြောင့် တစ်ဦးသေဆုံးပြီး တစ်ဦးကို သေနတ်ဒဏ်ရာဖြင့် ဖမ်းဆီးထားကြောင်း သိရသည်။

စက်တင်ဘာလ ၂၈ ရက် ယမန်နေ့ ညနေပိုင်း ၅နာရီဝန်းကျင်ခန့်က ဒွမ်ဘုန်းကျေးရွာဘက်မှ လဝါးကျေးရွာအဝင် ဆိုင်လင်းချောင်းတံတား (Sai Ling Hka)ပေါ်တွင် တပ်စွဲနေရာယူထားသော စစ်ကောင်စီတပ်သားများက ဆိုင်ကယ်ဖြင့် ဖြတ်လာသည့် ပြည်သူ ၂ဦးကို သေနတ်ဖြင့် ပစ်ခတ်ခဲ့သည်ဟု လဝါးဒေသခံတစ်ဦးက KNG သတင်းဌာနကို ပြောဆိုခဲ့သည်။

“အဲ့တံတားပေါ်ရှိနေတဲ့ စစ်သားတွေက ဆိုင်ကယ်နဲ့စီးလာတဲ့ ၂ယောက်ကို ရပ်ခိုင်းတာတဲ့။ အဲ့ ၂ယောက်က ဘာလို့မရပ်ပေးတာ တော့ ကျနော်တို့လည်းမသိဘူး။ မရပ်ပေးတော့ နောက်ကနေ စစ်သားတွေက သေနတ်နဲ့ ပစ်လိုက်တယ်လို့ကြားတဲ့။ နောက်မှာစီးတဲ့ သူက အဲ့နေရာမှာဘဲ လှဲကျပြီး သေဆုံးသွားတယ်လို့ ကြားတယ်။ ရှေ့မှာမောင်းတဲ့သူရဲ့ လက်ဖက်မှာ သေနတ်ဒဏ်ရာ ၂ နေရာ ရထားတယ်” ဟု ပြောဆိုသည်။

အာဏာသိမ်းစစ်တပ်၏ သေနတ်ပစ်ခတ်မှုကြောင့် သေဆုံးသွားသူမှာ အမျိုးသားတစ်ဦးဖြစ်ပြီး ဒဏ်ရာရရှိကာ အဖမ်းခံရသူမှာ အမျိုးသမီးဖြစ်သည်။

သေနတ် ဒဏ်ရာရရှိထားသည့် အမျိုးသမီးကို လက်ရှိ စစ်ကောင်စီတပ်ဖွဲ့က ဖမ်းဆီးထားပြီး စစ်ဆေးရုံတွင် ဆေးကုသပေးမည်ဟု ပြောဆိုကာ ပြန်လွတ်ပေးခြင်းမရှိသေးကြောင်း လဝါးဒေသခံတစ်ဦး ထံမှ သိရသည်။

စက်တင်ဘာလ ၂၈ရက်နေ့ နံနက်ပိုင်းမှ အဆိုပါ လဝါးကျေးရွာအဝင် ဆိုင်လင်းချောင်းတံတားပေါ်တွင် အာဏာသိမ်းစစ်တပ်အဖွဲ့က စခန်းချပြီး လုံခြုံရေးခေါင်းစဉ်ဖြင့် သွားလာဖြတ်လာသန်းသည့် ခရီးသွားပြည်သူများကို စစ်ဆေးရေးမှုများ ပြုလုပ်လျက်ရှိကြောင်း သိရသည်။

ထို့အပြင် လဝါးကျေးရွာနှင့် ခွမ်ဆိုင်ယန် ကျေးရွာ ၂ခု၏ ကျေးရွာအတွင်း အပြင် နေရာများတွင် အာဏာသိမ်းစစ်တပ်အဖွဲ့ အင်အား ၂၀၀ ကျော်ခန့် တပ်စွဲနေရာ ယူထားသည်မှာ ၁ ပတ်ခန့်ကြာမြင့်လာပြီ ဖြစ်သည်။

ထို့ကြောင့် ခွမ်ဆိုင်ယန် ဒေသခံ အိမ်ခြေ ၁၅၀ ခန့်မှာ တိုက်ပွဲဖြစ်ပွားလာလျှင် ထိခိုက်မှုများဖြစ်ပေါ်လာမည်ကို စိုးရိမ်သည့်အတွက် လဝါးကျေးရွာဘက်သို့ ရွှေ့ပြောင်းနေထိုင်လျက်ရှိနေကြောင်း သိရသည်။

Read Previous

လီဒိုလမ်းမပေါ်တွင် စစ်ကောင်စီတပ်ကို KIA တိုက်ခိုက်

Read Next

မုံးကိုးမြို့နယ်ခွဲ မှာ စစ်ကောင်စီနဲ့ ကိုးကန့် MNDAA တို့ တိုက်ပွဲ ပြင်းထန်