,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

မြန်မာ ငွေစျေး ကျဆင်းတာကြောင့် တရုတ် နယ်စပ် ကုန်သည်အချို့ လုပ်ငန်း ရပ်နားထားရ

တရုတ်နယ်စပ်မှာ မြန်မာငွေတန်ဖိုး စျေးကျမှုကြောင့် လုပ်ငန်းရှင်ကုန်သည်အချို့  တရုတ် ကုန်ပစ္စည်းရောင်းဝယ်မှု ရပ်နားထားရတယ်လို့ သိရပါတယ်။

နယ်စပ် ကနေ အိမ်သုံး ကုန်ပစ္စည်းရောင်းချနေရတဲ့ လားရှိုးဒေသခံတစ်ဦးကတော့ “ရောင်း/၀ယ်ဖို့ အရမ်းခက်ခဲသွားပြီ။ ငွေစျေးက ဆက်တိုက် တက်နေတော့ မလုပ်တတ်တော့ဘူး။ ခုရှိတာတွေ ထုတ်ရောင်းလိုက်ရင်လဲ ပြန်ဝယ်ရင်ရှုံးတယ်။ စိတ်ဓါတ်ကျနေတယ်။ မရောင်း ပိတ်ထားမှ ရတော့မယ်” လို့ ပြောပါတယ်။

ယနေ့ အောက်တိုဘာ ၁ ရက်နေ့မှာတော့ တရုတ်ငွေယွမ် ၁၀၀ ကို မြန်မာငွေ ၃၁၀၀၀ ထိ ရှိနေတယ်လို့ ဆိုပါတယ်။

ကုန်သည်များအနေနဲ့လည်း နိုင်ငံခြားငွေလဲနှုန်း ပုံမှန်အနေအထားပြန်ရမှသာ လုပ်ကိုင်စားသောက်ဖို့ အဆင်ပြေလာမှာဖြစ်တယ်လို့ ပြောပါတယ်။

လားရှိုးမြို့မှာ အိမ်သုံးပစ္စည်း အရောင်းဆိုင်အများစုကလည်း လက်ကား မရောင်းပေးတော့သလို စက်သုံးဆီဆိုင် အများစုကလည်း ပိတ်ထားတာကို တွေ့ရတယ်လို့ ဒေသခံတွေက ပြောပါတယ်။

“အရင်က ဂျုံ တစ်အိတ်ကို သုံးသောင်း။ အခု ၉ သောင်း ပေါက်နေပြီ။ ရောင်းတဲ့သူရော ဝယ်တဲ့ သူရော ဘယ်လို မှ မကိုက်တော့ဘူး” လို့ ကုန်သည် တစ်ဦးကပြောပါတယ်။

လျှပ်စစ်ပစ္စည်းဆိုင် တစ်ဆိုင်ကလည်း ငွေစျေးကျနေတဲ့အတွက် ပစ္စည်းရှိရင်တောင် အရောင်းရပ်ထားရတော့မယ် လို့ဆိုပါတယ်။

လားရှိုးနဲ့ နမ့်ဖတ်ကာ ယဉ်မောင်းနေသူတစ်ဦးကလည်း ကားခ ဈေးတင်လည်း မရသလို၊ မတင်ရင်လည်း ဆီဈေး အဆမတန် တက်နေတာကြောင့် အလုပ်ရပ်နားထားတော့မယ်လို့ ပြောပါတယ်။

‌ငွေကြေး ဖောင်းပွမှုကြောင့် လက်ရှိမှာ အရောင်းအဝယ် ရပ်ဆိုင်းထားရသလို စက်သုံးဆီ ပြတ်လပ်မှုကြောင့် ဆိုင်ကယ်၊ ကား အသုံးပြုပြီး အလုပ်လုပ်ကိုင် သွားလာနေရတဲ့ ပြည်သူတွေမှာလည်း အကျပ်အတည်း ဖြစ်နေတာ တွေ့ရပါတယ်။

Bum Shep

Read Previous

ဖားကန့်မြို့ အင်တာနက်သုံးစွဲခ တစ်နာရီ ၅၀၀၀ မှ တစ်သောင်း ကျပ်ထိ မြင့်တက်လာ

Read Next

နောင်းမီ ဝါရာဇွပ် ကျေးရွာကြား အာဏာသိမ်းတပ်ကို KIA မိုင်းခွဲ တိုက်ခိုက်