,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

တရုတ်နိုင်ငံ ကျယ်ဂေါင်ဘက် ပိတ်မိနေတဲ့ ကုန်တင်ကားတွေကို မကြာခင် မြန်မာဘက် သယ်ဆောင်ခွင့်ပြုတော့မည်

တရုတ် မြန်မာ နယ်စပ် တရုတ်ဘက်ခြမ်း ကျယ်ဂေါင်မှာ အချိန်ကြာ ပိတ်မိနေတဲ့ မြန်မာကုန်တင်ကားနဲ့ ပစ္စည်းတွေကို မကြာမီရက်ပိုင်းအတွင်း မြန်မာဘက်ကို တင်သွင်းခွင့်ပြုတော့မှာဖြစ်လို့ ကြိုတင်ပြင်ဆင်ထားကြရန် မူဆယ် – နမ့်ခမ်း နယ်စပ်ကုန်သွယ်ရေး ကုန်သည်များအသင်းက အောက်တိုဘာ ၃ ရက်နေ့ အသိပေးထုတ်ပြန်ထားတာ တွေ့ရပါတယ်။

“အဲဒါ ဘယ်ရက် ဖြစ်မလဲတော့ တိတိကျကျ မသိသေးဘူး။ အဆင်သင့်လုပ်ထားလို့ရအောင် ပြင်ဆင်သင့်တာ ပြင်ဆင်ထားလို့ရအောင်ဆိုပြီးတော့ စာထွက်ထားတာပါ။” လို့ မူဆယ် – နမ့်ခမ်း နယ်စပ် ကုန်သွယ်ရေး ကုန်သည်များအသင်းက တာဝန်ရှိသူ တစ်ဦးက ပြောပါတယ်။

အဆိုပါ ထုတ်ပြန်ချက်အရ ကျယ်ဂေါင်မှာ ကုန်တင်ပြီး ပိတ်မိနေတဲ့ မြန်မာကုန်တင်ကားများ၊ ဂိုဒေါင်နဲ့ ကုန်ဂိတ်များကို တရုတ်ဘက်က မြန်မာဘက်ကို တင်သွင်းဖို့ ရက်ပိုင်းအတွင်း ခွင်ပြုတော့မှာဖြစ်တယ်လို့ ဆိုထားပါတယ်။

ခန့်မှန်းကားအစီးရေ ၇၀၀ စာ သွင်းကုန်ပစ္စည်း‌တွေ မြန်မာဖက်ကို အကုန်သွင်းပေးတော့မှာဖြစ်ပြီး ၁၀ လပိုင်းအကုန် အပြီးသယ်ယူရမည်ဖြစ်ကာ ယာဉ်မောင်းအစားထိုး (ရှန်တိန်) စနစ်နဲ့သာ ကျယ်‌‌ဂေါင်အတွင်းသို့ ဝင်ရောက်တင်ဆောင်ခွင့်ပြုမယ်လို့ သိရပါတယ်။

ကျယ်ဂေါင်ဘက် ပိတ်မိနေတဲ့ ကုန်တင်ကားတွေကို မြန်မာဘက်ပေးဝင်တော့မယ်လို့ သတင်းထွက်နေပေမယ့် ယာဉ်ထိန်းရဲတပ်ဖွဲ့ဆီတော့ လက်ရှိအထိ စာမဝင်သေးဘူးလို့ မူဆယ် ယာဉ်ထိန်းရဲတပ်ကြပ်ကြီး ဦးမျိုးမင်းသူက ပြောပါတယ်။

“ကျယ်ဂေါင်ဘက် ပိတ်မိနေတဲ့ ကုန်ကားတွေနဲ့ ကုန်ပစ္စည်းတွေကို ထုတ်ပေးမယ်တော့ သိရတယ်။ ခုက မန့်ဝိန်းပေါက်ဘက် ကနေထုတ်ပေးမယ် ပြောတာပဲ။” လို့ စိုင်းမြင့်ဗိုလ် သစ်သီးပွဲရုံက မနန်းခမ်းခင်က ပြောပါတယ်။

ကုန်တင်သမား၊ ကုန်သည် နဲ့ စီးပွားရေးလုပ်ငန်းရှင်၊ ကားသမားတွေ ကြိုတင် ပြင်ဆင်နိုင်ဖို့သာ ထုတ်ပြန်ပေးခြင်းဖြစ်ကာ ဖြတ်သန်းခွင့်ရမယ့်ရက်ကိုတော့ နှစ်နိုင်ငံ တာဝန်ရှိတွေက ညှိနှိုင်းပြီးမှသာ အတည်ဖြစ်မယ်လို့ သိရပါတယ်။

တရုတ်-မြန်မာ နှစ်နိုင်ငံ ကုန်သွယ်ရေး မန့်ဝိန်းဂိတ်ကို Covid-19 အကြောင်းပြချက်နဲ့ ပြီးခဲ့တဲ့ ဧပြီလဆန်းပိုင်းကတည်းက တရုတ်ဘက်က ပိတ်ထားခဲ့တာ ဖြစ်ပါတယ်။

Bum Shep

Read Previous

ထီးချိုင့် အလယ်တောရဲစခန်း မီးရှို့ဖျက်ဆီးခံရပြီးနောက် စစ်ကောင်စီတပ် အင်အားတိုးမြှင့်ချထား

Read Next

သယံဇာတတူးဖော်မှုများ ဆက်လက်ရပ်နားမည်ဟု စစ်ကောင်စီထုတ်ပြန်သော်လည်း မြေပြင်တွင် ဆက်လက်တူးဖော်နေ