,

Breaking News :

ပန်ဆိုင်း (ကြူကုတ်) တိုက်ပွဲမှာ အရပ်သား ပြည်သူ ၃ ဦး သေဆုံး

မြစ်ကြီးနားအခြေစိုက် သတင်းထောက်အားလုံး လွတ်မြောက်

နောင်မွန်မြို့မှ ဖမ်းဆီးခံရသည့် ဆရာတော် ၃ ဦး ပြန်လည် လွတ်မြောက်လာ

မြစ်ကြီးနား KBZ ဘဏ်ရှေ့ ဗုံးပေါက်ကွဲမှု ဗီဒီရိုက်ကူးခဲ့သည့် လူငယ် ပြန်လည်လွတ်မြောက်လာ

KNO ဥက္ကဋ္ဌ ဒူဝါဘောမ်ဝမ်လရော် ကွယ်လွန်

မချမ်းဘော့ဒေသခံများ၏ စိုက်ပျိုးမြေကို စစ်ကောင်စီအောက် ပြည်သူ့စစ်အဖွဲ့က ရွှေတူးရန် သတ်မှတ်ယူ

ရှမ်းမြောက်တွင် တိုက်ပွဲ ဆက်လက်ပြင်းထန်နေ

တရုတ်နယ်စပ်တိုက်ပွဲအတွင်း ဒေသခံတစ်ဦး လက်နက်ကြီးထိမှန် ဒဏ်ရာ ရ

မုံးကိုး နဲ့ တီးမ ကျေးရွာဘက် စစ်ကောင်စီ နဲ့ MNDAA ၊ KIA တို့ တိုက်ပွဲဖြစ်

အုပ်ချုပ်ရေးဒိုင်း ဘောလုံးပွဲကြောင့် နောင်မွန်တွင် Covid-19 ပိုးတွေ့ လူနာပိုများလာ

စစ်ကောင်စီတပ်များ တိုက်ခိုက်မှု မခံရအောင် ပြည်သူတစ်ဦးကို ပြန်ပေးဆွဲ ခေါ်ဆောင်

ဟူးကောင်း လီဒိုလမ်းမပေါ်တွင် သွားလာနေသော စစ်ကောင်စီတပ်များသည် ၎င်းတို့စစ်ကြောင်း တိုက်ခိုက်မှု မခံရအောင် နောင်းမီကျေးရွာမှ လူငယ် တစ်ဦးကို ပြန်ပေးဆွဲကာ ရှဒူးဇွပ်မှ ဒွမ်ဘန်အထိ ဖြတ်ကျော်သွားကြောင်း သိရသည်။

ယနေ့နံနက် ၈နာရီဝန်းကျင်တွင် ရှဒူးဇွပ်ကျေးရွာမှ နောင်းမီဘက်သို့ ဆင်းလာခဲ့သော စစ်ယာဉ်တန်းကို လုံခြုံရေးယူပေးသည့် စစ်ကောင်စီတပ်ဖွဲ့ အင်အား ၁၀၀ ကျော်ကို နောင်းမီကျေးရွာအထွက်တွင် KIA က မိုင်းခွဲတိုက်ခိုက်ခဲ့သည်။

ထိုသို့ တိုက်ခိုက်ခံရပြီးနောက် နောင်းမီ ကျေးရွာမှ လူငယ်တစ်ဦးကို ပြန်ပေးဆွဲကာ စစ်ကားများကို ဒွမ်ဘန်အထိ မောင်းနင်သွားခဲ့သည်ဟု ဒေသခံတစ်ဦးက KNG သတင်းဌာနကိုပြောဆိုခဲ့သည်။

“နောင်းမီမှာ ရောက်နေတဲ့ စစ်သားတွေက လုံခြုံရေးယူပေးဖို့ ၈နာရီလောက်မှာ ရွာကနေ ထွက်ခွာသွားကြတယ်။ မကြာဘူး KIA က ရွာထွက်အနားမှာဘဲ မိုင်းတစ်ကြိမ်ဖောက်ခွဲလိုက်တယ်။ မိုင်းကွဲတဲ့အချိန်မှာ လူငယ်တစ်ယောက်က ဆိုင်ကယ်နဲ့ ဖြတ်လာတယ်။ အဲ့ဒီလူငယ်ကို ဖမ်းဆီးပြီး ပြန်ပေးဆွဲသဘောနဲ့ခေါ်သွားတယ်” ဟု ပြောဆိုသည်။

ပြန်ပေးဆွဲ ဖမ်းဆီးခံရသည့် လူငယ်မှာ အသက် ၂၀ အရွယ် ဇင်ထုန်းနောင်လတ် (ZingHtung Nawng Lat) ဖြစ်သည်။

ထို လူငယ်ကိုပြန်လွတ်ပေးရန်အတွက် နောင်းမီရပ်မိရပ်ဖများက တောင်းဆိုမှုပြုလုပ်ခဲ့သော်လည်း နောင်းမီကျေးရွာအနီးတွင် ‘KIA ထပ်မံ တိုက်ခိုက်ရင် မလွတ်ပေးဘူး။ ပြန်မတိုက်ရင်လွတ်ပေးမယ်’ဟု ပြောဆိုခဲ့ကြောင်း သိရသည်။

အဆိုပါ စစ်ယာဉ်တန်းများတိုက်ခိုက်ခံရမှု မရှိသောကြောင့် နေ့လည် ၁၁ နာရီခွဲခန့်တွင် ဖမ်းဆီးခံရသော လူငယ်ကို ပြန်လွတ်ပေးလိုက်ကြောင်း မိသားစုဝင်များနှင့် နီးစပ်သူများထံမှ သိရသည်။

ယနေ့နံနက် ၈နာရီခွဲဝန်းကျင် နောင်မီကျေးရွာအထွက် အာဏာသိမ်းစစ်တပ်ကို KIA က မိုင်းခွဲတိုက်ခိုက်ခဲ့ရာတွင် စစ်တပ်ဘက်က ၅ဦးထက်မနည်း ထိခိုက်ဒဏ်ရာရရှိခဲ့ကြောင်း သိရသည်။

အဆိုပါစစ်ကြောင်းမှာ စစ်ကောင်စီ ယာဉ်တန်းများ တနိုင်းထိ တက်သွားနိုင်ရန် လမ်းကြောင်းတစ်လျှောက် လုံခြုံရေး ယူပေးနေသော အဖွဲ့ဖြစ်သည်။

Read Previous

ပန်ဆိုင်း (ကြူကုတ်) မြို့အနီး စစ်ကောင်စီနဲ့ MNDAA ထိတွေ့ တိုက်ပွဲ ဖြစ်ပွား

Read Next

မုံးကိုး ဖောင်းဆိုင်ဘက် စစ်ကောင်စီနဲ့ ကိုးကန့် MNDAA တို့ တိုက်ပွဲ ဆက်လက် ဖြစ်ပွားနေ

Leave a Reply

Your email address will not be published. Required fields are marked *