,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

ထီးချိုင့် နှင့် အရာတော် တွင် စစ်ကောင်စီတပ်မှ ဝင်ရောက်စီးနှင်းပြီး ဖမ်းဆီးမှုများပြုလုပ်နေ

Photo – the MIMU

စစ်ကိုင်းတိုင်းဒေသကြီး ထီးချိုင်းမြို့နယ်ရှိ လေသာကျေးရွာတွင် ယနေ့ နံနက်ပိုင်းကစတင်ပြီး စစ်ကောင်စီဘက်မှ အင်အားသုံး ဝင်ရောက်စီးနှင်းလာသည့်အတွက် ဒေသခံ PDF နှင့် တိုက်ပွဲဖြစ်ခဲ့ရာ PDF ဘက်မှ ၄ ကျဆုံးကာ စစ်ကောင်စီဘက်မှလည်း သေဆုံးသူရှိကြောင်း မြေပြင်သတင်းပေးပို့ချက်အရ သိရသည်။

“ကျနော်တို့ သိထားသလောက် အနည်းဆုံး ၇ ဦးလောက် ထိထားတယ်လို့ သိရတယ်။ အဲထဲမှ ပအဖ ဘက်က ၄ယောက် သေဆုံးသွားတယ်လို့ သတင်းရရှိထားတယ်။ ပြီးတော့ ဘယ်သူဘယ်ဝါမှန်း မသိတဲ့အလောင်းတွေလည်း ရှိသေးတယ်လို့ သိရတယ်။” ဟု မြေပြင်သတင်းပေးပို့သူများက ပြောသည်။

စစ်ကောင်စီတပ် အင်အား ၁၀၀ ခန့်သည် ယနေ့နံနက် ၄ နာရီဝန်းကျင်တွင် လေသာကျေးရွာသို့ အရပ်ဝတ်ဖြင့် ဝင်ရောက်ပစ်ခတ်လာသည့်အတွက် ပအဖ (ပြည်သူ့အုပ်ချုပ်ရေးအဖွဲ့)မှ သွားရောက်ပစ်ခတ်ခဲ့ခြင်းဖြစ်ကြောင်း ၎င်းက ဆက်ပြောသည်။

စစ်ကောင်စီတပ်သည် အောက်တိုဘာလ ၉ ရက်နေ့ကလည်း အလယ်တောကျေးရွာအား အဝင်အထွက် ပိတ်ကာ ရွာတွင်း ဒေသခံအချို့လည်း ဖမ်းဆီးခံရကြောင်း ဒေသခံများမှ သိရသည်။

ထို့ပြင်  အရာတော်မြို့နယ် ဇရစ်ကျေးရွာတွင်လည်း ယနေ့ နံနက်ပိုင်းကစတင်ပြီး စစ်ကောင်စီတပ်မှ ဝင်ရောက်စီးနှင်းနေသည့်အတွက် ‌ဒေသခံပြည်သူများ ရွာလုံးကျွတ်ထွက်ပြေး‌တိမ်းရှောင်နေရကြောင်း မြေပြင်သတင်းပေးပို့ချက်အရ သိရသည်။

“ဒီနေ့ နေ့လည်လောက်မှာ ရဲကားတွေရော၊ စစ်သားတွေ ဆိုင်ကယ်နဲ့ကော လာပြီးတော့ ပစ်ခတ်တာတွေ လိုက်လံဖမ်းဆီးတာတွေ လုပ်နေတဲ့အတွက် ဒေသခံတွေလည်း အားလုံးနီးပါး ထွက်ပြေးနေရပြီလို့ သတင်းရထားပါတယ်” လို့ ဒေသခံတစ်ဦးထံမှ သိရသည်။

ဇရစ်ကျေးရွာသည် အရာတော်အရှေ့နယ် မုံရွာ‌-ရွှေဘိုလမ်းပေါ်တွင်ရှိသည့် ကျေးရွာဖြစ်ပြီး ယနေ့ စစ်ကောင်စီမှ ဝင်ရောက်စီးနှင်းမူများ ပြုလုပ်နေသည့်အတွက် ဒေသခံပြည်သူ ၂ ဦးထက်မနည်း ဖမ်းဆီးခံထားရကြောင်း သိရသည်။

စစ်ကောင်စီတပ်သည် ယခုရက်ပိုင်း စစ်ကိုင်းတိုင်းမြို့နယ်ရှိ ကျေးရွာအချို့တွင် ဝင်ရောက်စီးနှင်းမူများ ပြုလုပ်နေသည့်အပြင် ဒေသခံပြည်သူများအား လိုက်လံဖမ်းဆီးမူများ ပြုလုပ်နေကြောင်း စစ်ကိုင်းတိုင်း ဒေသခံများမှ သိရသည်။

“ခုဒီရက်ပိုင်း စစ်ကောင်စီကနေ စစ်ကိုင်းတိုင်းထဲကို သိသိသာသာ ပြည်သူတွေကို လိုက်လံဖမ်းဆီးနေတာတွေ့ရတယ်။ မနေ့ညလည်း အရာတော်မြို့ပေါ်ရပ်ကွက်က လူတွေတစ်ချို့ဖမ်းခံရတယ်လို့ သိရတယ်” ဟု နီးစပ်သူများက ပြောသည်။

အရာတော်မြို့နယ်သည် စက်တင်ဘာလ ၂၃ ရက်နေ့မှစကာ လက်ရှိချိန်ထိ အင်တာနက်ဖုန်းလိုင်းများ ဖြတ်တောက်ထားရဆဲ ဖြစ်သည်။

စစ်ကိုင်းတိုင်းတွင် စက်တင်ဘာလ ၂၂ ရက်နေ့မှ ၂၄ ရက်နေ့ထိ ဖြစ်ပွားခဲ့သည့် တိုက်ပွဲအပြီး စစ်ကောင်စီဘက်မှ စစ်အင်အားများ ပိုမိုတိုးမြင့်ကာ ကျေးရွာအချို့အား ဝင်ရောက်စီးနှင်းမှုများ စဉ်ဆက်မပြတ် လုပ်ဆောင်နေဆဲဖြစ်သည်။

Read Previous

ပင်လည်ဘူး PDF တပ်ဖွဲ့ဝင်တစ်ဦးဖြင့် ဆက်သွယ်မေးမြန်းခြင်း

Read Next

နောင်မွန်ဒေသ စစ်တပ်ဆန့်ကျင်သူများကို ပြန်လည် ဖမ်းဆီးမည်ဟု သတင်းများထွက်ပေါ်နေ