,

Breaking News :

အင်းတော် ကျေးရွာနေအိမ်အချို့ကို စစ်ကောင်စီတပ်မီးရှို့၊ ထွက်မပြေးနိုင်သည့် သက်ကြီးရွယ်အိုများကို ဖမ်းဆီးထား

‘Kachin News Group (official)’ YouTube အတု နှင့် ‘Kachin News Group’ YouTube အစစ် ခွဲခြား သိရှိစေရန်

နန်းမားတွင် လင်မယားနှစ်ဦးဖမ်းဆီးခံရပြီး အမျိုးသားဖြစ်သူကို သတ်ဖြတ်ထား

ကသာမြို့မှ လူငယ် ၆ ယောက်အား စစ်ကောင်စီတပ်မှ ဖမ်းဆီးကာ ထောင်ဒဏ် ၁လစီချမှတ်

KIA ၊ PDF အဖွဲ့မှ ဒေသခံလူငယ်များကို ဖမ်းဆီးခေါ်ဆောင်သည်ဟူသော သတင်းအမှား ထပ်ဖြန့်

အင်းတော်တွင် စစ်ကောင်စီ စစ်ကြောင်း နှစ်ကြိမ်တိုက်ခိုက်ခံရပြီး  စစ်သား ၆ ဦးသေဆုံး၊ အရပ်သား ၂၀ ဦးကို လူသားဒိုင်းပြုလုပ် ရန် စစ်ကောင်စီဖမ်းဆီးထား

နောင်မွန်တွင် ကိုဗစ်ကူးစက်ခံရသူ ၂၀၀ ကျော်ရှိနေပြီး Mask နှင့် ဆေးဝါးအကူအညီတွေ အရေးပေါ်လိုအပ်နေ

စိတ်ဝင်စားဖွယ် သတင်းခေါင်းစဉ်ဖြင့် ဝင်ငွေရှာနေသည့် Youtube ချန်နယ်

စစ်တပ်ပြုလုပ်မည့် ရွေးကောက်ပွဲနှင့် ပတ်သက်ပြီး NUG အစိုးရ၏ လျှို့ဝှက် ညွန်ကြားစာ အတု ပြန့်နှံ့နေ

အင်းတော်နယ်တွင် စစ်ကောင်စီတပ် စစ်အင်အား ၄၀၀ ကျော်တိုးချဲ့ထား၊ ကျေးရွာ ၇ခု ထွက်ပြေးတိမ်းရှောင်နေရ

Silent strike day နေ့ ဒီပဲယင်းမြို့နယ်၊ နဂါးတွင်းကျေးရွာမှ ပြည်သူ ၄ဦးအား စစ်ကောင်စီတပ်မှ သတ်ဖြတ်သွား

အသတ်ခံရသောပြည်သူများ

ဒီဇင်ဘာလ ၁၀ရက်နေ့ စစ်ကိုင်းတိုင်း၊ ဒီပဲယင်းမြို့နယ်၊ နဂါးတွင်းကျေးရွာမှ ပြည်သူ ၄ဦးအား စစ်ကောင်စီတပ်ဖွဲ့မှ သတ်ဖြတ်သွားကြောင်း ဒေသခံရင်းမြစ်မှ သိရသည်။

“စစ်တပ်ရွာကနေ ထွက်သွားတဲ့နောက် စစ်ဆေးကြည့်တာ ရက်ရက်စက်စက်သတ်သွားတာဗျာ လေးယောက်လုံးကို သတ်သွားတာ တစ်ပုံစံထဲဘဲ” ဟု ဒေသခံသတင်းရင်းမြစ်မှ တာဝန်ရှိသူတစ်ဦးကပြောသည်။

လက်ရှိ သတ်ခံထားရသူများမှာ မည်သူမည်ဝါဖြစ်ကြောင်း အသေးစိတ်မသိရသေးဘူးဟု ၎င်းကဆက်ပြောသည်။

စစ်ကောင်စီတပ်သည် ဒီဇင်ဘာလ ၈ရက်နေ့မှစကာ ဒီပဲယင်းမြို့နယ် အနောက်ခြမ်း နဂါးတွင်းကျေးရွာသို့ လက်နက်ကြီးများဖြင့် ရမ်းသမ်းပစ်ခတ်ဝင်ရောက် တပ်ဆွဲနေထိုင်ခဲ့ပြီး တပ်ဖွဲ့ (၃)ဖွဲ့ခွဲကာ စတင်လှုပ်ရှားခဲ့ကြောင်း သိရသည်။

ယင်းကဲ့သို့ စစ်ကောင်စီတပ်များ ရွာတွင်းတပ်ဆွဲနေထိုင်မူ၊ ရွာတွင်းလက်နက်များ ပစ်ခတ်သည့်အတွက် ကျေးရွာနေပြည်သူများ ထွက်ပြေးတိမ်းရှောင်နေရကြောင်း ဒေသခံသတင်းရင်းမြစ်ကဆိုသည်။

အသတ်ခံထားရသော ပြည်သူများ

“ရွာထဲက တစ်ချို့တော့ စစ်ရှောက်သွားပြီ ခုသတ်ခံရတာက မရှောင်ဘဲကျန်နေတဲ့သူနဲ့ လက်တလောသိရသလောက် ရွာပြန်ပြီး နွားစာကျွေးဖို့ပြန်တဲ့လူတွေ သတ်ခံရတာလို့ သိရတယ်” ဟု ဒေသခံသတင်းရင်းမြစ်က ဆိုသည်။

ထို့အပြင် စစ်ကောင်စီတပ်သည် ဒီဇင်ဘာလ ၇ရက်နေ့တွင်လည်း စစ်ကိုင်းတိုင်း၊ဒီပဲယင်းမြို့နယ်၊ အနောက်ဘက်ခြမ်း၊ အောင်စည်ကျေးရွာဘက်သို့ လက်နက်ကြီးများဖြင့် မြေပြင်ပစ်ခတ်မူများအပြင် လေကြောင်းဖြင့် ပစ်ခတ်မူများ ပြုလုပ်ခဲ့သည်။

ယင်းသို့ စစ်ကောင်စီတပ်မှ ကျေးရွာအတွင်း ပစ်ခတ်မူများ ပြုလုပ်‌သည့်အတွက် DPY LC PDFအဖွဲ့မှ သတိပေးချက် ထုတ်ပြန်ထားသည်။

အဆိုပါ သတိပေးချက်တွင် ပြည်သူများဘေးအန္တရာယ်ကင်းရှင်းစေရန်နှင့် လူသားဒိုင်းအဖြစ် အသုံးပြုခံရခြင်းမှ ကာကွယ်ရန် ဒီပဲယင်း – စိုင်ပြင် လမ်းပိုင်း နှင့် အနောက်ဖက်အခြမ်းရှိ မူးဘောင်များကို လုံးဝ အသုံးမပြုကြရန် တိုက်တွန်းထားကာ မိမိဒေသသသို့ စစ်ဘေးရှောင်များရောက်ရှိလာပါကလည်း ညီရင်းမောင်နှမသဖွယ် ကူညီစောင့်ရှောက်ကြရန် မေတ္တာရပ်ခံထားသည်။

လက်ရှိ ဒီပဲယင်းမြို့နယ်သည် စစ်ဘေးရှောင်နေရသည့် ကျေးရွာ ၁၀ခုထက်မနည်း ရှိနေပြီး စစ်ရှောင်ပြည်သူ ၅၀၀၀ ဝန်းကျင်ရှိနေပြီဖြစ်သည်။

Read Previous

အင်းတော်ကြီးဒေသ အများပြည်သူသွားလာရန်အချိန်ကန့်သတ်ချက်ကို KIA နှင့် PDF တို့ ထုတ်ပြန်

Read Next

မြို့လှ PDF နှင့် စစ်ကောင်စီ တိုက်ပွဲဖြစ်ပွား စစ်ကောင်စီဘက်မှ ၁၄ ဦးထက်မနည်း သေဆုံး

Leave a Reply

Your email address will not be published.