,

Breaking News :

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

မန်ခိန် အ.ထ.က ကျောင်းတွင် ဆိုင်ကယ်ခိုးမှု မကြာခဏကြုံတွေ့နေရ

မြောင်တွင် စစ်ကောင်စီ နှင့် ပျူစောထီးအဖွဲ့များတိုက်ခိုက်ခံရပြီး ၂ဦး သေဆုံး

အင်းတော်တွင် ကလေးအပါအဝင် အရပ်သား ၁၀ ဦး စစ်ကောင်စီ က လူသားဒိုင်းအဖြစ် ဖမ်းဆီးခေါ်ဆောင်

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

အင်းတိန်ရွာအနီး စစ်ကောင်စီ ယာဉ်တန်း မိုင်းဆွဲခံရ ထိခိုက်သေဆုံးမှု များနိုင်

ထီးချိုင့် ဧရာဝတီမြစ်ကူးတံတား

မိုးညှင်းမြို့နယ်မှ ဆင်းလာသော စစ်ကောင်စီတပ် ရိက္ခာယာဉ်တန်း ၃၃ စီးသည် ထီးချိုင့်မြို့နယ် အင်းတိန်ရွာအနီးတွင် ယနေ့ နံနက်ပိုင်းက မိုင်းဆွဲတိုက်ခိုက်ခံလိုက်ရသည့်အတွက်  စစ်ကောင်စီဘက်မှ ထိခိုက်သေဆုံးမူများနိုင်ကြောင်း သိရသည်။

” ကား ၃၃စီးဟုတ်တယ် ဒါပေမယ့် ဒီကောင်တွေက ကျနော်တို့နယ်ဘက်ရောက်တော့ ရှိတဲ့ကားတွေအကုန်လုံးဖြန့်ပြီး ဆင်းလာတော့ အကုန်မမိလိုက်ဘူး မဟုတ်ရင်အကုန်ပြုတ်နိုင်တယ်” ဟု ထီးချိုင့် PDF နှင့် နီးစပ်သူတစ်ဦးက KNG ကို ပြောသည်။

အဆိုပါ စစ်ကောင်စီယာဉ်တန်းသည် ယနေ့ နံနက် ၆နာရီဝန်းကျင်တွင် ထီးချိုင့်မြို့နယ် ကျောက်အိုက်၊ ဘိုတဲကုန်း၊ အင်းတိန်၊ အလယ်တော၊ ဆားတွင်း၊ ပေါက်ကုန်းနှင့် ကျက်သရေချောင်းရွာအနီးတဝိုက်တို့တွင် မိုင်း အလုံး ၂၀ ကျော်နှင့် နေရာ ၇ နေရာ၌ မိုင်းဆွဲတိုက်ခိုက်ခဲ့ခြင်း ဖြစ်‌ကြောင်း ၎င်းက ဆက်ပြောသည်။

ယင်းကဲ့သို့ တိုက်ခိုက်ခံလိုက်ရသည့်အတွက် စစ်ကောင်စီတပ်ဖွဲ့ဝင်အချို့သည် ထီးချိုင့်တံတားအနီးသို့ ထပ်မံဝင်ရောက်လာကာ ကြက်သွန်ခင်းရွာအနီးတွင် ပြည်သူများ၏ နေအိမ်များအား ပစ်ခတ်ခဲ့ကြောင်း ထီးချိုင့် ဒေသခံတစ်ဦး ပြောသည်။

” သူတို့အထိနာလို့ထင်တယ် ကားတစ်ချို့ဝင်လာပြီး သေနတ်တွေ ပစ်တာ ပစ်တာဆိုလေ မိုးပေါ်ထောင်မပစ်ဘူး ဘေးတွေ လျှောက်ရမ်းပစ်တာ အိမ် ၆အိမ်လောက်တော့ တော်တော်ထိသွားတယ်” ဟု ထီးချိုင့်ဒေသခံတစ်ဦးက ပြောသည်။

ထို့ပြင် စစ်ကောင်စီတပ်သည် ဒေသခံလူငယ် ၁၀ ဦးခန့်ကို ဖမ်းဆီးထားပြီး စစ်ဆေးမှုများ ပြုလုပ်ခဲ့ကြောင်း သိရသည်။

” ခုချိန်ထိတော့ မြို့ထဲကနေ ဘယ်သူမှ မထွက်ရဲသေးဘူး လောလောဆယ် ကြားရ‌သလောက်တော့ ဖမ်းသွားတာ ပြည်သူတွေထိတာတွေတော့ မကြားရသေးဘူး ” ဟု ယနေ့ မွန်းလွဲ ၃ နာရီခွဲခန့်တွင် ဒေသခံတစ်ဦးက ပြောသည်။

‌‌ထီးချိုင့် PDF အဖွဲ့၏ ပြောပြချက်အရ မိုင်းဆွဲ တိုက်ခိုက်‌မူကြောင့် ကား ၂စီး မောင်းမရတော့ဘဲ ပျက်စီးသွားသည့်အပြင် စစ်ကောင်စီဘက်မှ ထိခိုက်သေဆုံးမှု များနိုင်ကြောင်း သိရသည်။

စစ်ကောင်စီတပ်သည် မကြာခနဆိုသလို စစ်ကိုင်းတိုင်းနှင့် ကချင်ပြည်နယ် နယ်စပ်ဖြစ်သည့် ထီးချိုင့်၊ အင်းတော်၊ မော်လူး၊ မော်ဟန် လမ်းမကြီးပေါ်တစ်လျှောက်တွင် ဒေသခံကာကွယ်ရေးတပ်များ၏ မိုင်းဆွဲတိုက်ခိုက်ခံရမြဲ ဖြစ်သည်။

Read Previous

စစ်တပ်ထုတ်ကုန်များ ဖျက်ဆီးခံရပြီးနောက် စစ်ကောင်စီဘက်က တန်ပြန်လှုပ်ရှားမှု ပိုများလာ

Read Next

မုံးကိုး ဖောင်းဆိုင်ကြား စစ်ကောင်စီယာဉ်တန်းကို KIA တိုက်ခိုက်

Leave a Reply

Your email address will not be published.