,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

KIO ပညာရေး တက္ကသိုလ်ဝင်တန်းများ စာမေးပွဲကြီး ယခုအပတ် စတင်တော့မည်

ကချင် လွတ်လပ်ရေး အဖွဲ့ ကေအိုင်အို ထိန်းချုပ်နယ်မြေမှာ ကချင်ပြည်နယ်နဲ့ ရှမ်းပြည်နယ် မြောက်ပိုင်းမှာ ရှိတဲ့ စာသင်ကျောင်းတွေမှာ တက္ကသိုလ်ဝင်တန်း စာမေးပွဲတွေကို ဒီတပါတ်ထဲမှာ စတင်ကျင်းပဖို့ ပြင်ဆင်နေပါတယ်။

ဒီနှစ်ရဲ့ ထူးခြားချက်ကတော့ အခုလို တက္ကသိုလ်ဝင်တန်း စာမေးပွဲ စစ်နိုင်ဖို့အတွက် ပြီးခဲ့တဲ့ ဇန်နဝါရီလကနေ အခုထိ ၄ လခန့် ဆယ်တန်းကျောင်းသားသူ၊ သားတွေကို တစ်နေရာထဲမှာ ထားပြီး နေ့မပြတ်သင်ကြားပြီးတဲ့နောက် စာမေးပွဲကြီး မေးမြန်းတော့မှာဖြစ်ပါတယ်။

စာမေးပွဲကြီးကို အခုအပတ် ဧပြီလ ၂၁ ရက်ကနေ ၂၈ ရက်အထိ KIO နယ်မြေက ပညာရေးကျောင်းအားလုံးမှာ လုပ်ဆောင်သွားမှာဖြစ်တယ်လို့ KIO ဗဟိုပညာရေးဌာန တာဝန်ရှိသူတစ်ဦးက အခုလိုပြောပါတယ်။

“Covid-19 ဖြစ်ပေမယ့် ကျောင်းဆက်ဖွင့်ပြီး သင်ကြားနိုင်ဖို့ ဒီဘက် ၃ လကျော်လောက် ကောင်းကောင်း စာသင် ပေးတယ်။ ဇန်နဝါရီလဆန်းပိုင်းကတည်းက အခုထိ စာကောင်းကောင်းသင်နိုင်ခဲ့တယ်။ ဟိုအဲဒီရှေ့လတွေမှာတော့ ခဏခဏ ကျောင်းပိတ်ရတယ်။ ဇွန်ကနေ ကျောင်းဖွင့်ခဲ့ပေမယ့် ဇူလိုင်ကနေ ကျောင်းပိတ်လိုက်ရတယ်လေ။ ဒါကြောင့်အခုနှစ် စာသင်သက်တမ်းက ၄ လ လောက်ပဲ ရပါတယ်။ အဲလောက်သာဖြစ်ပေမယ့် ကလေးတွေ မနစ်နာစေဖို့ ကြိုးစားလုပ်ဆောင်နေတာ ဖြစ်ပါတယ်။”

အခုနှစ် စာမေးပွဲလုပ်မယ့် နေရာတွေကတော့ အလင့်ဘွမ်အထက်တန်းကျောင်း၊။ လိုင်ဇာမြို့ ကျောင်း၊ မိုင်ဂျာယန်အထက်တန်းကျောင်း၊ အင်ဘာပါ ကျောင်း၊ မုန်မစ်ဆင်လီကျောင်း၊ အင်ဂွမ်းလကျောင်း၊ ကျိန်ထောင်ပါကျောင်း၊ မုန်ဘော်ကျောင်းနဲ့ လော့ဒ်အောင်ကျောင်းတို့ဖြစ်ပါတယ်။

ကျောင်းဖွင့်တဲ့ ကာလ ၄ လသာရှိပေမယ့် သင်ကြားရမယ့် သင်ရိုးတွေကို သင်ကြားပြီးစီး ပြီဖြစ်တာကြောင့် ကျောင်းသား ၂ ထောင်ကျော် စာမေးပွဲ ဖြေဆိုတော့မှာဖြစ်တယ်လို့ သိရပါတယ်။

အောင်မြင်လာတဲ့သူတွေဟာ KIO အစိုးရရဲ့ တက္ကသိုလ်ပညာရေးကျောင်းအသီးသီးမှာ ဝင်ရောက် သင်ကြားခွင့်ရမှာ ဖြစ်တဲ့အကြောင်း KIO ပညာရေးဌာန တာဝန်ရှိသူတစ်ဦးက အခုလိုပြောပါတယ်။

“ဒီနှစ်က ကျောင်းသားတွေလို ပိုများလာတယ်။ စာမေးပွဲဖြေဆိုသူဦးရေ ပိုတိုးလာတယ်။ ကျနော်တို့အတွက် ဆယ်တန်းပြီးရင် တက်ဖို့ ကျောင်းတွေလည်း ပြင်ဆင်ထားပါတယ်။ KIO ကဖွင့်ထားတဲ့ ကျောင်းတွေ အချိန်နှင့်တပြေးညီ နောက်မကျအောင် ကျောင်းသားတွေကို လက်ခံနိုင်အောင်ဆိုပြီး ရည်ရွယ်ချက်နဲ့ လုပ်ဆောင်နေတာဖြစ်တယ်။ တစ်နှစ်မှ မနစ်နာအောင်ပေါ့။”

နောက်ထပ် အထက်တန်းကျောင်းသားအသစ်တွေကိုလည်း လာမယ့် မေလမှာ ပြန်လည်လက်ခံမှာဖြစ်ပြီး ဇွန်လမှာ ပုံမှန်အတိုင်း ကျောင်းပြန်ဖွင့်တော့မယ်လို့ သိရပါတယ်။

မြန်မာအစိုးရရဲ့ကျောင်းမှာ ၆ ဘာသာသင်ကြားဖြေဆိုရတာဖြစ်ပေမယ့် KIO ကျောင်းမှာတော့ ကချင်ဘာသာရပ်တစ်ခု ထပ်တိုးသင်ကြားရတာကြောင့် ၇ ဘာသာရှိပါတယ်။

စစ်တပ်အာဏာသိမ်းပြီးနောက် အရင်က မြန်မာကျောင်းမှာ စာသင်ခဲ့တဲ့ ကျောင်းသားတွေဟာ ၂၀၂၁ ခုနှစ်ကစတင်ပြီး KIO နယ်မြေ စာသင်ကျောင်းတွေမှာ ပြန်လည်သင်ကြား ခံယူနေတာဖြစ်ပါတယ်။

Read Previous

မံစီမြို့နယ်တွင် စစ်ကောင်စီကားတစ်စီး မိုင်းနင်းမိသဖြင့် ပျက်စီး

Read Next

ဖားကန့်တွင် စစ်တပ်ပိုင် Mytel အင်တာနက်လိုင်း ပြန်ပိတ်