,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ဝိုင်းမော် ဂွေရွတ်ယန်သို့ လည်ပတ်သူများ အမှိုက်စနစ်တကျစွန့်ပစ်ရန် ဒေသခံများတောင်းဆို

ဂွေရွတ်ကြိုးတံတားအောက်တွင် မြင်တွေ့နေရတဲ့ အမှိုက်များ

ဝိုင်းမော်မြို့နယ် ဝါးရှောင်ကျေးရွာနှင့် တဆက်တည်းရှိသော ဂွေရွတ်ယန် (Gwi Rut Yang) ကြိုးတံတားသို့ လာရောက်အပန်းဖြေသူများအနေဖြင့် စမ်းချောင်းအတွင်း အမှိုက်များကို စွန့်ပစ်ခြင်းမပြုရန် ဂွေရွတ်ယန်ဒေသခံများ တောင်းဆိုနေကြသည်။

ကြိုးတံတားပေါ်သို့ လာရောက်အပန်းဖြေသော ပြည်သူများသည် အမှိုက်များကို စနစ်တကျ စွန့်ပစ်ခြင်းမပြုဘဲ N Myen Hka ချောင်းလမ်းကြောင်းပိတ်ဆို့မှုဖြစ်ပေါ်သည်အထိ အမှိုက်ပိတ်ဆို့နေကြောင်း ဂွေရွတ်ယန်ဒေသခံ အမျိုးသားတစ်ဦးက KNG သတင်းဌာနကို ပြောဆိုသည်။

“တံတားပေါ်မှာ အပန်ဖြေရောက်လာတဲ့ သူတွေက သူတို့ယူလာတဲ့ အမှိုက်တွေကို စနစ်တကျ စွန့်ပစ်တာမရှိဘူး။ ချောင်းတစ်ကြောင်းလုံးက အမှိုက်တွေကြီးဘဲ။ အဲ့တော့ ရေလမ်းကြောင်း ပိတ်ဆို့တာတွေဖြစ်လာတယ်။ နောက် ချောင်းအတွင်းမှာရှိတဲ့ ရေသတ္တဝါတွေလည်း မရှိတော့ဘူး။ ဒီလိုသာဆိုရင် ချောင်းရဲ့ ဂေဟစနစ်တွေ ပျက်စီးသွားဖို့ဘဲရှိတော့တယ်” ဟု ပြောဆိုသည်။

ဂွေရွတ်ယန်တွင် ရေကစားအပန်းဖြေရန် နေရာများပြုလုပ်ထားပြီး ပြည်သူအချို့လည်း ထိုနေရာသို့ လာရောက် လည်ပတ်မှုများ ပုံမှန်ရှိနေသည်။ ဂွေရွတ်ယန်ကြိုးတံတားပေါ်တွင် စားဝတ်နေရေးအတွက် တစ်နိုင်တစ်ပိုင် ဆိုင်ခန်းများ ဖွင့်ထားသည့် ဆိုင်ရှင်များအနေဖြင့်လည်း အမှိုက်များကို တနစ်တကျ စွန့်ပစ်ပေးရန်လည်း အထူးလိုအပ်ကြောင်း သူက ဆက်လက်ပြောဆိုသည်။

အဆိုပါကျေးရွာတွင် နွေရာသီ ရေတွင် ရေကန်ခမ်းခြောက်မှုဒဏ်ကြောင့် ဒေသခံများ၏ တကိုယ်ရေသန့်ရှင်းရေးအတွက် အင်မြန့်ခချောင်းကိုသာ အသုံးပြုနေရသောကြောင့် မြစ်ချောင်းပျက်စီးသွားမည်ကို စိုးရိမ်ကြောင်းသူက ဆက်ဆိုထားသည်။

“ဒီမှာက နွေရာသီရောက်ရင် ရွာအတွင်းမှာရှိတဲ့ ရေတွင်း ရေခမ်းတာရှိတယ်။ မိုးတွင်းလောက်ဘဲ သုံးလို့ရတယ်။ အဲ့ကြောင့် နွေရာသီရောက်ရင် တစ်ကိုယ်ရေအတွက် ချောင်းရေဘဲသုံးကြတာ။ အခုက မနေ့ညနေ ကျနော်ကိုယ်တိုင် သွားချိုးတယ်။ ယားယံတာတွေဖြစ်လာတယ်။ အရင်တုန်းက ယားယံတာတွေ မဖြစ်ဘူး။ အဓိကတော့ အမှိုက်တွေ ပိတ်ဆို့ပြီး ရေဓာတ် ပျက်စီးလာတယ်လို့ပြောလို့ရတယ်။ ဒါကြောင့် တံတားပေါ်မှာလာရောက်တဲ့သူတွေတိုင်း သဘာဝပတ်ဝန်းကျင်ထိန်းသိမ်းတဲ့ အနေဖြင့် အမှိုက်များကို စနစ်တကျ စွန့်ပစ်ပေးကြရန် တောင်းဆိုချင်ပါတယ်” ဟု ပြောဆိုသည်။

ယခုနှစ် သင်္ကြန်ကာလအတွင်း ဂွေရွတ်ယန် ကြိုးတံတားပေါ်တွင် လာရောက်အပန်းဖြေသူများရှိခဲ့ပြီး ချောင်းတစ်လျှောက် အမှိုက်စုပုံထားမှု အများအပြား တွေ့ရသည်ဟု သိရပါသည်။

Read Previous

စစ်ကောင်စီ အခြေခံပညာရေးကျောင်းများ ဇွန်လမှာ ထပ်ဖွင့်ရန် ပြင်ဆင်နေ

Read Next

ဆီဆိုင်များ ထပ်မံ ပိတ်ထားရ