,

Breaking News :

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

KIO တက္ကသိုလ် ဝင်တန်း စာမေးပွဲ စတင်

တက္ကသိုလ်ဝင်တန်း စာမေးပွဲဖြေဆိုနေတဲ့ မြင်ကွင်း

ကချင်လွတ်လပ်ရေးအဖွဲ့ KIO ထိန်းချုပ်ရာ နယ်မြေရှိ စာသင်ကျောင်းများတွင် ၂၀၂၁ -၂၀၂၂ ခုနှစ် ပညာသင်နှစ် တက္ကသိုလ်ဝင်တန်း စာမေးပွဲကို ယနေ့ စတင် စစ်ဆေးနေပြီ ဖြစ်သည်။

ယနေ့ ဧပြီလ ၂၁ ရက်နေ့မှာ ၂၈ ရက်နေ့အထိ ပြုလုပ်မည့် စာမေးပွဲတွင် ကျောင်းသူ ၊ ကျောင်းသား စုစုပေါင်း ၂၁၉၂ ယောက်ထိ ဖြေဆိုနေပြီး ယခင် ၂၀၂၀-၂၀၂၁ ခုနှစ် ပညာသင်နှစ်တွင် တက္ကသိုလ်ဝင်တန်း စားမေးပွဲဖြေဆိုသည့် ကျောင်းသူ ၊ ကျောင်းသား လူဦးရေ ၈၀၀ ခန့်သာ ရှိခဲ့သည်ဟု သိရသည်။

“ကျောင်းသားဦးရေကတော့ မနှစ်ကထက် ဒီနှစ် အများကြီး တိုးလာတယ်။ မနှစ်က ကျောင်းသား ရာဂဏန်းပဲ ရှိတာ အများဆုံး ၈၀၀ လောက်ပေါ့။ ဒီနှစ်တော့ ၂၁၉၂ ယောက်တောင် ဖြေကြတယ်။ နိုင်ငံရေးမကောင်း တာကြောင့် အနယ်နယ်အရပ်ရပ်ကနေပြီး ဒီမှာလာပြီး ကျောင်းလာတတ်ကြတယ်။ ဆယ်တန်းပြီးရင် ကိုယ်တတ်ချင်တဲ့ ကျောင်းတတ်ဖို့ ကျနော်တို့ KIO ကနေပြီး ဖွင့်ထားပါတယ်။ ကျနော်တို့ အကောင်းဆုံးဖြစ်အောင် လုပ်ဆောင်နေပါတယ်။” ဟု KIO ဗဟိုပညာရေးဌာနမှ ဆရာနော်ထွယ်က KNG ကချင်သတင်းဌာနကိုပြောသည်။

စာမေးပွဲပြုလုပ်နေသော ကျောင်းများမှာ လိုင်ဇာမြို့ ၊ အလမ့်ဘွမ်အထက်တန်းကျောင်း ၊ မိုင်ဂျာယန် အထက်တန်းကျောင်း၊ အင်ဘာပါကျောင်း၊ မုန်မစ်ဆင်လီကျောင်း၊ အင်ဂွမ်းလကျောင်း၊ ကျိန်ထောင်ပါကျောင်း၊ မုန်ဘော်ကျောင်း နှင့် လော့ဒ်အောင်ကျောင်း တို့ဖြစ်သည်။

ဖြေဆိုထားသည့် အဖြေလွှာများကို ၂၀၂၂ ခုနှစ် မေလ တစ်လလုံး စစ်ဆေးသွားမည်ဖြစ်ပြီး ၂၀၂၂ ခုနှစ် ဇွန်လတွင် အောင်စာရင်းများ ကြေညာသွားမည်ဖြစ်သည်။

“ကျောင်းတွေအားလုံးက စာမေးပွဲစစ်ပြီးတာနဲ့ အဖြေစာရွက်တွေကို ဒီကို အကုန်စုယူလာပြီး မေလ တစ်လလုံး စားမေးပွဲ အဖြေစာရွက်တွေကို စစ်သွားမယ်။ နောက်ပြီး ဇွန်လဆန်းပိုင်းမှာ အောင်စာရင်းကို ကြေညာမှာ ဖြစ်တယ်။ နောက်ထပ် အထက်တန်း ကျောင်းသားအသစ်တွေကိုလည်း မေလမှာ ပြန်လက်ခံပြီး ဇွန်လမှာ ပုံမှန်အတိုင်း ကျောင်းပြန်ဖွင့်တော့မယ်။” ဟု ၎င်းက ဆက်ဆိုထားသည်။

KIO ထိန်းချုပ်နယ်မြေများတွင် ကိုဗစ်-၁၉ ရောဂါ ကူးစက်မှုများကြောင့် ယခင်က စာသင်ကျောင်းများ ပိတ်ပင်ထားရာမှ ယခုနှစ် ဇန်နဝါလမှစပြီး ၁၀ တန်းဖြေဆိုမည့် ကျောင်းသူ ၊ ကျောင်းသားများကို Camp အနေဖြင့် ၄ လကြာ တစ်နေရာထဲ ထားကာ သင်ကြားရမယ့် သင်ရိုးများကို အပြတ်သင်ကြားပြီးမှသာ စာမေးပွဲ စစ်ဆေးခဲ့ခြင်းဖြစ်ကြောင်း သိရသည်။

Read Previous

ရှဒေါင် မိဘမဲ့ဂေဟာတွင် ကူညီထောက်ပံ့မှုများ လိုအပ်နေ

Read Next

မော်ဟန်တွင် လေပြင်းတိုက်ခတ်ခံရပြီးနောက် အချိန်ပိုင်းဖြင့်သာ မီး ရရှိ

Leave a Reply

Your email address will not be published.