,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ကလေး တောင်ပိုင်းက လည်ခြားကျေးရွာ ဒုတိယအကြိမ် မီးရှို့ဖျက်ဆီးခံရပြီး ရွာလုံးကျွတ် နီးပါးပြာကျ

လည်ခြာကျေးရွာ တစ်ခုလုံး မီးရှို့ဖျက်ဆီးခံလိုက်ရသော မြင်ကွင်း

စစ်ကိုင်းတိုင်း ကလေးမြို့တောင်ပိုင်းရှိ လည်ခြားကျေးရွာ ဒုတိယအကြိမ်ဝင်ရောက်မီးရှို့ခံလိုက်ရာ တစ်ရွာလုံးနီးပါး ပြာကျသွားပြီး လည်ခြားကျေးရွာနှင့်တစ်ဆက်တည်းတည်ရှိသည့် ရေရှင်ရွာအထက် တန်းကျောင်းလည်း မီးရှို့ဖျက်ဆီးခံလိုက်ရကြောင်း ဒေသခံများထံမှ သိရသည်။

စစ်ကောင်စီတပ် အင်အားတစ်ရာကျော်သည် မေလ ၁၈ ရက်နေ့ နံနက် ၃နာရီခန့်မှ စတင်ကာ လည်ခြားကျေးရွာမှ အိမ်ခြေ ၁၀၀ ကျော်ကိုမီးရှို့ဖျက်ဆီးခဲ့ရာ တစ်ရွာလုံးနီးပါးပြာကျ ခဲ့ပြီး ယင်းလည်ခြားကျေးရွာနဲ့ တစ်ဆက်တည်းတည်ရှိသည့် ရေရှင်ရွာ အထက်တန်းစာသင်ကျောင်းကိုလည်း မီးရှို့ခဲ့ကြောင်း ကလေးဒေသခံတစ်ဦးက KNGသတင်းဌာနသို့ပြောသည်။

“ဒီမနက်ရွာကလူတွေဖုန်းခေါ်လာတာကတော့ တစ်ရွာလုံးနီးပါးပြာကျသွားပြီတဲ့ လည်ခြားရွာကအိမ်ခြေ ၃၀၀ နီးပါးရှိတာ နှစ်ကြိမ်ရှို့ခံလိုက်ရတော့ တစ်ရွာလုံးပြာကျသွားပြီတဲ့ သူတို့ ၁၅ ရက်နေ့မှာလည်ခြားရွာကိုတစ်ကြိမ် မီးရှို့ခဲ့တယ် စစ်ကြောင်းကတော့ဒီနေ့ နေ့လယ်ပိုင်းအထိလည်ခြားရွာပတ်ဝန်းကျင်မှာပဲရှိ ရွာသားတွေလည်း ပြန်မကပ်နိုင်တော့ဘူး”ဟု ၎င်းကပြောသည်။

အလားတူ ယနေ့ ရေရှင်ရွာမှ လူနေအိမ်များလည်းမီးရှို့ဖျက်ဆီးခံခဲ့ရပြီး မီးရှို့ခံရသည့် နေအိမ်စာရင်းအတိအကျ မရသေးသော်လည်း ကျေးရွာအထက်တန်းစာသင်ကျောင်းမီးထဲပါသွားကြောင်း ဒေသခံများထံမှ သိရသည်။

လည်ခြား ကျေးရွာအပါအဝင် ကလေးတောင်ပိုင်းကျေးရွာများအားလုံးနီးပါသည် တိုက်ပွဲကြောင့် မေလဆန်းပိုင်းတည်းက ရွာလုံးကျွတ်နီးပါးတိန်းရှောင်နေကြရသောကြောင့် ကျေးရွာတွင်းဝင်ရောက် မီးရှို့ရာဝင် လူဖမ်းဆီး သတ်ဖြတ်ခံရမှု မရှိခဲ့ကြောင်း သိရသည်။

ကလေးတောင်ပိုင်းတွင် စစ်ရှောင်ပြည်သူ သောင်းချီရှိနေပြီး အချို့မှာ တောတောင်များထဲတွင်ခက်ခက်ခဲခဲတိန်း ရှောင်နေရပြီး နေရာထိုင်ခင်း အစားအသောက်နှင့် ဆေးဝါးအကူအညီများလည်း အထူးလိုအပ်နေကြောင်းသိရသည်။

မေလ ၁၇ ရက်နေ့ကလည်း ကလေးတောင်ပိုင်းနတ်ချောင်းကျေးရွာတွင် လေပြင်းမုန်တိုင်းတိုက်ခတ်ခဲ့ပြီး စစ်ရှောင်တဲတစ်ခုအတွင်းသစ်ကိုင်းကျိုးကျခဲ့ရာ အသက် ၁၄ နှစ်အရွယ်အမျိုးသမီးငယ်တစ်ဦးကို ထိမှန်ခဲ့ရာ ဆေးဝါးမရှိသောကြောင့်အသက်ဆုံးရှုံးခဲ့ရကြောင်း သိရသည်။

Read Previous

တနိုင်း-ရှင်ဗွေယန်ကြား ကန့်သတ်ချိန် ကျော်လွန်မောင်းသည့် ကားနှစ်စီး ထမ်မံ မီးရှို့ဖျက်ဆီးခံရ

Read Next

သူနာပြု သင်တန်း ကျောင်းမတက်ပါက ပယ်စာရင်းထဲ ထည့်လိုက်မည်ဟု သတိပေးခြိမ်းခြောက်မှုရှိနေ