,

Breaking News :

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ဆားလင်းကြီး PDF ရဲဘော် ၂ ဦးဖမ်းဆီးခံရ

ဆိပ်မူအထက်တန်းကျောင်းဝင်းတွင် မိုင်းပေါက်ကွဲမှုဖြစ်ပွား၊ ထိခိုက်ပျက်စီမှုရှိ

တနိုင်းတွင် ချောင်းရေကြီးမှုကြောင့် မြို့ပေါ်ရပ်ကွက် ၃ခုတွင် ရေဝင်ရောက်မှု ကြုံတွေ့နေရ

KIO အုပ်ချုပ်နယ်မြေအချို့တွင် ငှက်ဖျားရောဂါကူးစက်မှု အဖြစ်များနေ

တိုက်ပွဲပြင်းထန်နေဆဲ အင်းတော်- ဗန်းမောက်လမ်း လုံးဝဖြတ်သန်းသွားလာခြင်း မပြုရန် အင်းတော် PDF ထုတ်ပြန်

ကသာမြို့နယ် တစ်ပတ်အတွင်း တိုက်ပွဲများတွင် စစ်ကောင်စီ တပ်သား ၁၀၀ ကျော် သေဆုံး

မိုးညှင်း-နမ့်စီးအောင် ကြားရှိ စစ်တပ် စစ်ဆေးရေးဂိတ် အားလုံး ပြန်ရုပ်သိမ်း

မိုးညှင်းမြို့နှင့် မော်ဟန်ကျေးရွာ ၂ခုကြားတွင် စစ်ကောင်စီတပ်ဖွဲ့က ဂိတ်ထပ်တိုး နေရာတစ်ချို့

ကချင်ပြည်နယ် မိုးညှင်းမြို့ နှင့် နမ့်စီးအောင်ကြားလမ်းပိုင်း ရှိ စစ်ကောင်စီတပ် စစ်ဆေးရေးဂိတ်များ အားလုံး ပြန်ရုတ်သိမ်းသွားပြီ ဖြစ်ကြောင်း ဒေသခံများထံမှ စုံစမ်း သိရှိရသည်။

မိုးညှင်း နှင့် နမ့်စီးအောင် လမ်းပိုင်းတွင် ၂၀၂၂ ခုနှစ် ဧပြီလ ၅ ရက်နေ့ နောက်ပိုင်း စစ်တပ် စစ်ဆေးရေးဂိတ် ၄ ခုအထိ ထပ်တိုးလာခဲ့သော်လည်း ယခု ပြန်လည်ရုပ်သိမ်းသွားပြီ ဖြစ်ကြောင်း မော်ဟန် ကျေးရွာနေ အမျိုးသားတစ်ဦးက KNG သတင်းဌာနသို့ ပြောသည်။

“မိုးညှင်း-နန့်စီးအောင်လမ်းပိုင်းကတော့ အခုအေးဆေးပဲဗျ ဂိတ်တွေလည်းမရှိတော့ဘူး သိမ်းသွားပြီ။ သိမ်းသွားတာ နည်းနည်းကြာပြီ။ အခုက နန့်စီးအောင်ဂိတ်တစ်ခုထဲပဲရှိတော့တယ်။ အားလုံးကို တစ်ပြိုင်နက်ထဲ သိမ်းသွားတာ အခုကတော့ သွားတာ လာတာလည်း ချောချောမွေ့မွေ့ပဲ စစ်ဆေးရေးဂိတ်တွေ မရှိတော့” ဟု မော်ဟန်ကျေးရွာနေ အမျိုးသားတစ်ဦး ပြောသည်။

ယခု ရုပ်သိမ်းသွားသည့် စစ်ဆေးရေးဂိတ် ၄ ခုသည် မိုးညှင်း နန့်စီးအောင် လမ်းပိုင်းရှိ စစ်တပ် နှင့် နီး စပ်သည့် နေရာများတွင် ချထားခဲ့ပြီး မေလ ဆန်းပိုင်းကတည်းက ရုပ်သိမ်းသွားခြင်းဖြစ်ကြောင်း သိရသည်။

“ဘာလို့ သိမ်းသွားတာလဲတော့ မသိရဘူး။ အဲ့ဂိတ်တွေ ရှိတုန်းကတော့ ဆိုင်ကယ်တွေတော့ မစစ်ဘူး ကားတွေကတော့ ရပ်တန့်စစ်ဆေးတာမျိုးလုပ်တယ် ပစည်းတွေ စစ်တယ်” ဂိတ် မရုပ်သိမ်းမှီ ဖြတ်သန်းသွားလာဖူးသည့် ခရီးသည်တစ်ဦးက ပြောသည်။

ကချင်ပြည်နယ်တွင် စစ်အာဏာသိမ်းပြီးနောက် စစ်ကောင်စီတပ်၏ စစ်ဆေးရေးဂိတ်များ မကြာခဏ တိုက်ခိုက်ခံရပြီး လွန်ခဲ့သည့် မတ်လတွင်လည်း နမ့်စီးအောင် စစ်ဆေးရေးဂိတ်နှင့် မြစ်ကြီးနားမြို့ အထွက် ၂၁ မိုင် ဂိတ်တို့ တိုက်ခိုက်ခံရကာ စစ်ကောင်စီတပ်သားများ သေဆုံးမှု ရှိခဲ့သည်။

သို့သော်လည်း စစ်ကောင်စီတပ်များနှင့် ၎င်းလက်အောက်ခံ ပြည်သူ့စစ်များသည် ပြည်နယ်အတွင်း နေရာအချို့တွင် စစ်အင်အားတိုး‌နေသည့်အပြင် စစ်ဆေးရေးဂိတ်များတိုးချဲ့ကာ အကောက်အခွန်နဲ့စစ်ဆေးမှုများ ပိုမိုလုပ်ဆောင်နေကြောင်း ဒေသအသီးသီး ပြည်သူများ၏ ပြောဆိုမှုမှတဆင့် သိရသည်။

Read Previous

လားရှိုး-မြစ်ကြီးနား ခရီးသည်ယာဉ်ပေါ်တွင် စိတ်ကြွဆေးပြားနှင့် ဘိန်းဖြူများ ဖမ်းဆီးရမိ

Read Next

အင်းတော်တွင်ဇနီးသည်ထံပြန်မည့်အမျိုးသား ယမ်းမှုန့်မိရာမှ စစ်ကောင်စီကသတ်ဖြတ်

Leave a Reply

Your email address will not be published.