,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ခင်ဦး သာဂရကျေးရွာကို စစ်ကောင်စီတပ်ကမီးရှို့သဖြင့် ဒေသခံ ၃၀၀၀ ထပ်မံ တိမ်းရှောင်

ခင်ဦးမြို့နယ် သာဂရကျေးရွာကို စစ်ကောင်စီက လူနေအိမ်များမီးရှို့ဖျက်ဆီး မြင်ကွင်း

စစ်ကိုင်းတိုင်းဒေသကြီး ခင်ဦးမြို့နယ် သာဂရကျေးရွာရှိ နေအိမ်များကို စစ်ကောင်စီတပ်က မီးရှီု့ဖျက်ဆီးခဲ့ပြီးနောက် ပြည်သူ ၃၀၀၀ ကျော် ဘေးလွတ်ရာသို့ ထွက်ပြေးတိမ်းရှောင်နေရကြောင်း သိရသည်။

ဇွန်လ ၃ရက်နေ့ ညပိုင်းက အင်အား ၁၅၀ ကျော်ခန့်ဖြင့်ဝင်ရောက်လာသည့် စစ်ကောင်စီတပ်သည် သာဂရကျေးရွာအတွင်းသို့ တပ်စွဲနေထိုင်နေပြီး ယနေ့နံနက် ၇ နာရီခန့်မှ စတင်ကာကျေးရွာအတွင်းရှိလူနေအိမ် များကိုစတင်မီးရှို့ဖျက်ဆီးနေပြီး လတ်တလော သာဂရကျေးရွာအပါအဝင် ကျေးရွာရွာ ၅ ရွာမှ ပြည်သူ သုံးထောင် ကျော်သည် စစ်ကောင်စီတပ်၏ လက်နက်ကြီးယမ်းသမ်းပစ်ခတ်မှုများကြောင့် ဘေးလွတ်ရာထွက်ပြေးနေရကြောင်း ဒေသခံတစ်ဦးက KNGသတင်းဌာနသို့ ပြောသည်။

“အင်အားက အတော်များတယ် ရေဦးက ကား ၇စီးအင်အားပါတယ်။ ခင်ဦးက ကား၂စီးအင်အားပါတယ်။ ပြီးတော့ အဲ့အနီးနားက ပျူစောထီးတွေလည်းပါတယ်။ မီးကတော့မနက် ၇နာရီခွဲလောက်မှာစရှို့တာ ဒေသခံတွေကတော့ မနေ့ညနေပိုင်းကတည်းကထွက်ပြေးရတာ။ အခုချိန်ထိမီးခိုးတွေက မြင်နေရတုန်း။ ဒေသခံတွေကခုချန်ထိရွာကို မကပ်နိုင်ကြသေးဘူး။ အဲ့ကြောင့်အိမ်ခြေဘယ်လောက်ပါသွားလဲဆိုတာတော့ မသိရသေးဘူး။ မီးခိုးကတော့ ထွက်နေတုန်း” ဟု ဒေသခံတစ်ဦးက ပြောသည်။

သာဂရကျေးရွာသည် လူနေအိမ်ခြေ ၃၀၀ ကျော်ရှိပြီး အိမ်ခြေအရေအတွက်မည်မျှမီးရှို့ခံလိုက်ရသည်ကိုမှု စုံစမ်းအတည်ပြုနေဆဲဖြစ်သည်။

စစ်ကောင်စီတပ်သည် ယမန်နေ့က သာဂရကျေးရွာအတွင်းသို့ဝင်ရောက်စဉ် လက်နက်ကြီးယမ်းသမ်းပစ်ခတ်ခဲ့သော်လည်း လယ်ကွင်းများအတွင်းကျရောက်ပေါက်ကွဲခဲ့သောကြောင့် လူထိခိုက်မှုမရှိခဲ့ကြောင့် ယင်းသို့လက်နက်ကြီးများပစ်ခတ်မှုကြောင့် လတ်တလော မြင်းဒေါင်း၊သာဂရ ၊ မြို့သစ်၊ ဂွေးကုန်း ကံကြီးကုန်းကျေးရွာများသည် ထွက်ပြေးတိမ်းရှောင်နေရဆဲဖြစ်ကြောင်း သိရသည်။

“ရွာကတော့ ငါးရွာထွက်ပြေးတိန်းရှောင်နေရတယ်။ ဒေသခံကတော့ သုံးထောင်ကျော်လောက်တော့ ထွက်ပြေးနေရတယ်။ တောထဲမှာတော့မဟုတ်ဘူး။ နီးစပ်ရာရွာတွေမှာ တောထဲမှာပြေးဖို့က အခုရာသီဥတုကြောင့်ရယ် ပြီးတော့ပြီးတော့ တောထဲမှာက လက်နက်ကြီးတွေရမ်းပစ်တော့ တချို့ရွာတွေမှာ တိန်းရှောင်ရေတာ” ဟု ခင်ဦးပြည်သူ့ကာကွယ်ရေးတပ်ဖွဲ့ဝင်တစ်ဦးက ပြောသည်၊

လတ်တလောတွင် သာဂရကျေးရွာမှ မီးဘေးသင့်နေသည့်ပြည်သူများနှင့် ဘေးလွတ်ရာတိန်းရှောင်နေရသည့် စစ်ဘေးရှောင်များအတွက် အစားအ သောက်နှင့်အဆေးဝါအကူညီများပေးရန်လိုအပ်ကြောင်းသိရဿည်။

စစ်ကိုင်းတိုင်းမြို့နယ် ကျေးရွာများတွင် နေ့စဉ်ဆိုသလို စစ်ကောင်စီတပ်မှ နေအိမ်များ လိုက်လံမီးရှို့နေပြီး ၂၀၂၂ ခုနှစ် ဇန်နဝါရီလမှ စတင်ကာ ဧပြီလအထိ စစ်ကောင်စီ မီးရှို့ခဲ့သည့် လူနေအိမ်အရေအတွက်မှာ ၇ ထောင်ငါးရာကျော် ရှိကြောင်း Data For Myanmar စာရင်းများက ဖော်ပြထားသည်။

Read Previous

ကန့်ဘလူတိုက်ပွဲတွင် အထိနာသော စစ်ကောင်စီတပ် လေ‌ကြောင်းသုံး တိုက်ခိုက်

Read Next

World Environment Day အထိမ်းအမှတ်အဖြစ် လိုင်ဇာမြို့တွင် အပင်ပေါင်း ၂၀၀၀ ကျော် စိုက်ပျိုး