,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ခင်ဦးမြို့နယ်တွင် လူသားဒိုင်းအဖြစ်အသုံးပြုခံရသည့် ပြည်သူနှစ်ဦးကို စစ်ကောင်စီပစ်သတ်

ခင်ဦးမြို့နယ် ကြို့ကန်ကျေးရွာကို မီးရှို့ဖျက်ဆီးခဲ့သည့် မြင်ကွင်းဖြစ်ပါသည်။

စစ်ကိုင်းတိုင်းဒေသကြီး ခင်ဦးမြို့နယ် ကြို့ကန်ကျေးရွာကို မီးရှို့ရန် စစ်ကောင်စီတပ်ဖွဲ့မှ လူသားဒိုင်းအဖြစ် ခေါ်ဆောင်သွားသည့် အင်တိုင်းကျေးရွာပြည်သူနှစ်ဦးကို ကြို့ပင်ကျေးရွာအနီးတွင် ပစ်သတ်ခဲ့ကြောင်း ဒေသခံများထံမှ သိရသည်။

ဇွန်လ ၁၁ ရက်နေ့က ကြို့ကန်ကျေးရွာဘက်သို့ စစ်ကြောင်းထိုးဝင်ရောက်လာသည့် စစ်ကောင်စီတပ်သည် အင်တိုင်းကျေးရွာနေပြည်သူနှစ်ဦးကို လူသားဒိုင်းအဖြစ်ခေါ်ဆောင်လာခဲ့ပြီးနောက် ကြို့ကန်ကျေးရွာအနီးတွင်သာ ပြန်လည်သတ်ပစ်ခဲ့ကြောင်း ခင်ဦးမြို့နယ် ပြည်သူ့ကာကွယ်ရေးတပ်ဖွဲ့ဝင်တစ်ဦးက KNG သို့ပြောသည်။

“ဟုတ်တယ်ဗျ ကြို့ကန်ရွာ ကိုမီးလာရှို့တဲ့နေ့က လမ်းသွားလမ်းလာတွေကိုစစ်တာပေါ့ စစ်တဲ့အခါမှာ ခင်ဦးနယ်ခံနှစ်ဦးစလုံးက အင်တိုင်းကလို့သိရတယ် သူတို့နှစ်ဦးကို ဖမ်းခေါ်သွားတယ် ခေါ်သွားပြီ ကျေးရွာကနေပြန်ထွက်တဲ့အခါမှာ ပစ်သတ်ခဲ့တာ”ဟု ခင်ဦးမြို့နယ်ပြည်သူ့ကာကွယ်ရေးတပ်ဖွဲ့ဝင်တစ်ဦးကပြောသည်။

ပစ်သတ်ခံရသည့် နှစ်ဦးအနက် တစ်ဦးမှာ ကိုချမ်းသာ တစ်ဦးအမည်စုံစမ်းဆဲတို့ဖြစ်ပြီး အသက် ၃၀ ကျော်အရွယ်များဖြစ်ကြောင်းသိရသည်။

စစ်ကောင်စီတပ်သည် ကြို့ကန်ကျေးရွာမှ နေအိမ် ၃၅ လုံးကိုလည်း မီးရှို့ဖျက်ဆီးခဲ့သည့်အပြင် နေအိမ်နှစ်လုံးလည်း စစ်ကောင်စီပစ်ခတ်သည့် လက်နက်ကြီးကျည်ကြောင့် ထိခိုက်ပျက်စီးခဲ့ကြောင်း ဒေသခံများထံမှသိရသည်။

“နေအိမ်ကတော့မီးရှို့ခံရတာရယ် လက်နက်ကြီးထိလို့ပျက်စီးတာရယ်ဆိုရင် ၃၇ လုံးပေါ့ပျက်စီးတာ အခုတော့ရွာသားတွေကမနေ့ကတည်း ကရွာပြန်ကပ်နိုင်ပါပြီ သတ်ခံရတဲ့နှစ်ယောက်ကလ​ည်း မနေ့က ရွာပြန်ဝင်မှ အလောင်းတွေ့တာ”ဟုဒေသခံတစ်ဦးကပြောသည်။

လတ်တလောတွင်အဆိုပါမီးဘေးသင့်သည့်ပြည်သူ များ၏ နေထိုင်စားသောက်ရေးကို ကျေးရွာနေပြည်သူများက ဝိုင်းဝန်းကူညီပေးနေကြောင်းသိရသည်။

ခင်ဦးမြို့နယ်အတွင်းတွင် လက်ရှိအချိန်ထိ စစ်ကောင်စီ လက်ချက်ကြောင့်သေဆုံးခဲ့သည် ပြည်သူနဲ့ ကာကွယ်ရေးတပ်ဖွဲ့ဝင်ပေါင်း စုစုပေါင်း ၁၅၇ ဦးအထိရှိပြီဖြစ်ကြောင်း သိရသည်။

Read Previous

စစ်ကောင်စီတပ်ဖွဲ့၏ ခြေလျှင်စစ်ကြောင်းကို မြို့လှ KPDF စောင့်ကြိုတိုက်ခိုက်

Read Next

ထီးချိုင့်နယ် အလယ်တောဘက်သို့ စစ်ကြောင်းထိုးလာသည့် စစ်ကောင်စီတပ်ဖွဲ့ မိုင်းခွဲတိုက်ခိုက်ခံရ