,

Breaking News :

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ထီးချိုင့် တိုက်ပွဲတွင် စစ်ကောင်စီဘက်မှ ဗိုလ်ကြီး ၁ ဦး အပါအဝင် ၉ ဦး သေဆုံး

လူမရှိသည့် နေအိမ်များကို မီးရှို့မည်ဟု ခြိမ်းခြောက်ကာ မိုးမောက်ဒေသခံများကို နေရပ်ပြန်ခေါ်ကာ အကာအကွယ်ယူနေ

ဖားကန့်တွင် ​မြေစာပုံပြိုကျပြီး ရေမဆေးသမား ၁ ဦးသေဆုံး၊ တစ်ဦးပြင်းထန်ဒဏ်ရာရ

အင်းတော်နယ်တွင် ထောင်ထားသည့် မိုင်းကြိုးစဆွဲမိသဖြင့် အမျိုးသား၂ဦးသေဆုံး

ထောင်ထားသည့် မိုင်းကြိုးစဆွဲမိသဖြင့် အမျိုးသား ၂ဦးသေဆုံးမြင်ကွင်း

အင်းတော်မြို့နယ် နန့်ကင်ရွာတွင် ထောင်ထားသည့် မိုင်းဝါယာကြိုးစဆွဲမိရာမှ ပေါက်ကွဲမှုဖြစ်ပွားခဲ့ပြီး အမျိုးသား ၂ဦး ထိုနေရာတွင် ပွဲချင်းပြီးသေဆုံးသွားကြောင်း ဒေသခံများထံမှ သိရသည်။

ဇူလိုင်လ ၂ ရက်နေ့ ညနေပိုင်း ၂ နာရီအချိန်တွင် နန့်ကင်ကျေးရွာမှ အမျိုးသား ၂ဦးသည် ရထားသံလမ်းအနီး နွား ကျောင်းရန်ထွက်လာစဉ် အနီးတဝိုက်ထောင်ထားသည့် မိုင်း၏ ဝါယာကြိုးစကို မသိဘဲ ဆွဲမိရာ မိုင်းပေါက်ကွဲ သေဆုံးမှုဖြစ်ပွားခဲ့သည်ဟု ဒေသခံတစ်ဦးက KNG သို့​ပြောသည်။

“သူတို့နှစ်ယောက်က နွားလာဆွဲတာ။ တစ်ယောက်က တဲပေါ်မှာနေနေပြီး တစ်ယောက်က နွားသွားဆွဲနေတာ ပေါက်ကွဲတဲ့ မိုင်းက ကြိုးဆွဲမိုင်းတဲ့။ အစပေါ်နေတဲ့ မိုင်းကြိုးစဆွဲမိလိုက်တာကနေ ပေါက်ကွဲသွားတာ။ ပြီးနှစ်ယောက်စလုံးသေသွားတာပါ”ဟု ဒေသခံတစ်ဦးကပြောသည်။

သေဆုံးသွားသည့် အမျိုးသား ၂ဦးသည် အသက် ၅၂နှစ်ရှိသူ ဦးလှထွန်း (မိုင်းကြိုးစဆွဲမိသူ)နှင့် ဦးချစ်ဝင်း(တဲပေါ်တွင်ရှိ)သူ တို့ဖြစ်ကြသည်။

အဆိုပါ ရထားသံလမ်းအနီးတွင် ပေါက်ကွဲသွားသည့် မိုင်းသည် မည်သည့်ဘက်မှ ထောင်ထားသည့် မိုင်းဖြစ်ကြောင်းကို အင်းတော်ပြည်သူ့ကာကွယ်ရေးတပ်ဖွဲ့မှ စုံစမ်းစစ်ဆေးနေဆဲဖြစ်သည်ဟု အင်းတော် PDF အဖွဲ့မှတာဝန်ရှိသူတစ်ဦးက KNG သတင်းဌာနကို ယခုလိုပြောဆိုထားသည်။

“ကျွန်တော်တို့လည်းစုံစမ်းနေတုန်းဗျ။ ဘယ်ဘက်ကလုပ်တယ်ဆိုတာ စစ်ကောင်စီတပ်ဘက်က လုပ်တာဆိုရင်လည်း ပြည်သူတွေသတိထား ရအောင်။ နောက်ပြီးတော့ အဲ့မှာက စစ်သားတွေတော်တော် ခြေရှုပ်တယ်။ သူတို့လာတဲ့လမ်းကြောင်းမှာ ကျနော်တို့ဘက်က အဖွဲ့ခွဲလေးတွေက များတော့ ကိုယ့်ဘက်က လုပ်တယ်ဆိုလို့ရှိရင်လည်း ပြန်ပြီးမှ တောင်းပြန်လို့ရအောင်ပြန်ပြီးတော့စိစစ်နေတယ်”ဟုပြောဆိုသည်။

ထို့နောက် အင်းတော်မြို့နယ် မဲဇာရွာတွင်လည်း ပြီးခဲ့သော ဇွန်လ ၆ ရက်နေ့ လူနေအိမ်ခြံဝင်းတစ်ခုတွင် ဗုံးသီးတစ်လုံးတွေ့ရှိရသဖြင့် ထိုဗုံးသီးကို ဖမ်ရှားနေစဉ် အသက် ၅၀နှစ်အရွယ်ရှိ အိမ်ရှင်အမျိုးသမီး ဒေါ်မလွေ ထိမှန်သေဆုံးခဲ့ကြောင်းသိရသည်။

Read Previous

ကသာတွင် စစ်ကောင်စီ သတင်းပေးသူဟု ဆိုရသော ရာအိမ်မှူးတစ်ဦးဖမ်းဆီးခံရ

Read Next

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး