,

Breaking News :

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ထီးချိုင့် တိုက်ပွဲတွင် စစ်ကောင်စီဘက်မှ ဗိုလ်ကြီး ၁ ဦး အပါအဝင် ၉ ဦး သေဆုံး

လူမရှိသည့် နေအိမ်များကို မီးရှို့မည်ဟု ခြိမ်းခြောက်ကာ မိုးမောက်ဒေသခံများကို နေရပ်ပြန်ခေါ်ကာ အကာအကွယ်ယူနေ

ဖားကန့်တွင် ​မြေစာပုံပြိုကျပြီး ရေမဆေးသမား ၁ ဦးသေဆုံး၊ တစ်ဦးပြင်းထန်ဒဏ်ရာရ

စစ်ကိုင်းတိုင်း ရေဦးမြို့တွင် စစ်ကောင်စီတပ် အရာရှိတစ်ဦးနှင့် စစ်သား ၂ဦးသေဆုံး

ရေဦးမြို့နယ် ပြည်သူ့ကာကွယ်ရေးတပ် PDF

စစ်ကိုင်းတိုင်းဒေသကြီး ရေဦးမြို့ပေါ်ရှိ စစ်ကောင်စီတပ်စွဲထားသည့် တိုင်းရင်းဆေးရုံတွင် PDF အဖွဲ့ထောင်ထားသည့် မိုင်းပေါက်ကွဲမှုကြောင့် စစ်ကောင်စီဘက်မှ ဗိုလ်ကြီးအဆင့်ရှိ အရာရှိတစ်ဦးနှင့် တပ်သား ၂ဦး သေဆုံးကာ ၁၀ ဦးထက်မနည်း ထိခိုက်ဒဏ်ရာရရှိခဲ့ကြောင်း သိရသည်။

ဖြစ်စဉ်သည် တိုင်းရင်းဆေးရုံအတွင်း စစ်ကောင်စီတပ်မှ တပ်စွဲထားသဖြင့် ဇူလိုင်လ ၃ရက်နေ့ ဆေးရုံဝင်းအတွင်းသို့ SNAKE EYES-PDF နှင့် မဟာမိတ်တပ်ပေါင်းတပ်တို့ မိုင်းဝင်ရောက်ထောင်ထားခဲ့ရာ ထိုနေရာတွင် ပေါက်ကွဲခြင်းမရှိဘဲ ဇူလိုင်လ ၅ရက်နေ့ နံနက်ပိုင်း စစ်ကောင်စီဘက်မှ အဆိုပါ မိုင်းကို ပြန်လည်သိမ်ယူခဲ့သည့်အချိန်တွင် ပေါက်ကွဲသွားသည့်အတွက် ထိခိုက်သေဆုံးမှုရှိခဲ့သည်ဟု SNAKE EYES-PDFထုတ်ပြန်ချက်အရသိရသည်။

“ညပိုင်း လူရှင်းတဲ့အချိန် သူတို့တပ်စွဲထားတဲ့နေရာမှာ မိုင်းသွားထောင်ထားပေးတာ။ အဲ့မိုင်းက မကွဲဘဲ အဲ့ဒီညမှာဘဲ သူတို့တွေ ပြန်တွေ့သွားတယ်။ သူတို့သိမ်းယူသွားတဲ့အချိန်မှာလည်း မကွဲသေးဘူး။ နောက် တစ်ရက်ခြားမှ သူတို့အရာရှိ တစ်ယောက်ကို ခေါ်ပြတဲ့အချိန်မှာဘဲ ကွဲသွားတာ။ အဲ့နေရာမှာ ပွဲချင်းပြီး ၂ယောက်က သေသွားတယ်”ဟု SNAKE EYES PDF မှပြန်ကြားရေးတာဝန်ခံ ကဆိုသည်။

ထိုနေရာတွင် မိုင်းပေါက်ကွဲမူကြောင့် စစ်အရာရှိတစ်ဦး၏ ရုပ်အလောင်အပါအဝင် သေဆုံးသည့် ရုပ်အလောင်း ၃လောင်း ဒဏ်ရာရရှိသူများကို ဇွန်လ ၅ရက်နေ့ ညနေပိုင်း ၃နာရီဝန်းကျင်တွင် ရဟတ်ယာဉ်ဖြင့် လာရောက်သယ်ယူသွားကြောင်း ဆက်သိရသည်။

Read Previous

ဗန်းမော်-လွယ်ဂျယ် နယ်စပ်ကုန်သွယ်ရေးလမ်းပိုင်းတွင် မော်တော်ယာဉ်များပုံမှန်အတိုင်းသွားလာနိုင်ပြီဟုသိရ

Read Next

ကနီနယ်တွင် NUG အစိုးရ လမ်းညွန်မှုဖြင့် မီးသတ်သင်တန်းများပို့ချ