,

Breaking News :

ကုန်းလောတွင် စစ်တပ်သတင်းပေးဟု ယူဆရသူတစ်ဦး ပစ်သတ်ခံရ

ကနီနယ်တွင် NUG အစိုးရ လမ်းညွန်မှုဖြင့် မီးသတ်သင်တန်းများပို့ချ

စစ်ကိုင်းတိုင်း ရေဦးမြို့တွင် စစ်ကောင်စီတပ် အရာရှိတစ်ဦးနှင့် စစ်သား ၂ဦးသေဆုံး

ဗန်းမော်-လွယ်ဂျယ် နယ်စပ်ကုန်သွယ်ရေးလမ်းပိုင်းတွင် မော်တော်ယာဉ်များပုံမှန်အတိုင်းသွားလာနိုင်ပြီဟုသိရ

ဖားကန့် လမ်းမပေါ်တွင် စစ်ကောင်စီတပ်သား ၆ ဦးကို KIA ဖမ်းဆီး

စစစ ရုံး‌ရှေ့ ဝင်ရောက်လာသည့် စစ်ကားတစ်စီး မိုင်းခွဲခံရ

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ရေဦးမြို့နယ် အင်တော်အုပ်စု အထက်တန်းကျောင်း ကော်မတီဝင် ၂ဦးကို စစ်ကောင်စီတပ်မှ မီးရှို့သတ်ဖြတ်

ပြည်သူ ၂ ဦးကို မီးရှို့သတ်ဖြတ်ထား

စစ်ကိုင်းတိုင်း၊ ရေဦးမြို့နယ် အင်တောအုပ်စု အင်တောကျေးရွာမှ ကျောင်းကော်မတီဝင် ၂ ဦးအား စစ်ကောင်စီတပ်မှ မီးရှို့သတ်ဖြတ်သွားကြောင်း ဒေသခံရင်းမြစ်တစ်ဦးက KNG သတင်းဌာနကို ပြောသည်။

” အမှန်တော့ အဲရွာက တစ်ရွာလုံးနီးပါး စစ်ရှောင်နေတာ။ အဲဒါ ကျောင်းကော်မတီဝင် နှစ်ယောက်က ရွာထဲကို ရိက္ခာပြန်ယူတာ။ အဲမှာစစ်ကောင်စီတပ်က ပစ်သတ်သွားတယ်ဆိုတာတော့ သိရတယ်။ ဒီနေ့မှ စစ်သားတွေလည်း ရွာကထွက်သွားမှ မိသားစုဝင်တွေ အလောင်းကိုပြန်ရှာတာ စာသင်ကျောင်းနောက်ဘက်မှာ မီးရှို့သတ်ထားတာတွေ့ရတယ်” ဟု ဒေသခံရင်းမြစ်တစ်ဦးက ပြောသည်။

မီးရှို့ခံရသည့် ကျောင်းကော်မတီဝင် ၂ဦးသည် ဦးမောင်မြင့်(၄၅)နှစ်နှင့် ဦးတင်သောင်း(၄၀)နှစ်တို့ဖြစ်‌ကြောင်း သေဆုံးသူ နှစ်ဦးသည် ညီအစ်ကို ဝမ်းကွဲတော်စပ်ကြောင်း ၎င်းက ဆက်ပြောသည်။

စစ်ကောင်စီတပ်သည် ဇန်နဝါရီလ လဆန်းမှစတင်ကာ အင်တောရွာ အထက်တန်းကျောင်းတွင် ဝင်ရောက်တပ်စွဲထားခြင်းဖြစ်ကာ ယနေ့မှ ရွာမှပြန်လည်ထွက်ခွာသွားကြောင်း သိရသည်။

” မနေ့က သတ်တာလား ဘယ်နေ့သတ်တာလဲဆိုတာတော့ တိတိကျကျ မသိရဘူး။ ဒီနေ့ စစ်သားတွေရွာက ထွက်သွားတဲ့နောက်မှ မီးရှို့ခံထားရတာ သူတို့နှစ်ယောက်မှန်း သိရတယ်။ တစ်ကယ်ရိုးသားတဲ့သူတွေကိုဗျာ လုပ်ရက်ကြတယ်” ဟု ဒေသခံတစ်ဦးက ပြောသည်။

ယင်းကဲ့သို့ စစ်ကောင်စီတပ်မှ စစ်ကိုင်းတိုင်းရှိ ကျေးရွာများတွင် ဝင်ရောက်တပ်စွဲခြင်းများ ဒေသခံပြည်သူများအား မတရားဖမ်းဆီး သတ်ဖြတ်မှုများ ပိုမိုလုပ်ဆောင်လာသည့်အတွက် စစ်ကိုင်းတိုင်းဒေသကြီးတွင် စစ်ဘေးရှောင်များလည်း ပိုမိုများလာဆဲဖြစ်သည်။

Read Previous

မြစ်ကြီးနားမြို့ ဂျန်မိုင်ကောင်းရပ်ကွက်နေ အမျိုးသမီးတစ်ဦးထံမှ မူးယစ်ဆေးဝါး အများအပြား ဖမ်းဆီးရမိ

Read Next

တိရိစ္ဆာန်မျိုးပေါင်း ၂၀ ကျော်ခန့်ပါသော တိရိစ္ဆာန် ဥယျာဉ်တစ်ခု မြစ်ကြီးနားမြို့ပြင်တွင် ဖွင့်လှစ်ရန် စီစဉ်နေ

Leave a Reply

Your email address will not be published.