,

Breaking News :

အောင်ဟိန်းမင်း ဦးဆောင်သည့် PDF အဖွဲ့မှ ပိုက်ဆံလုယက်သည် ဆိုပြီး သတင်းအမှားဖြန့်

KIO နယ်မြေမှာဖွင့်လှစ်တဲ့ Kachin State Comprehensive University (KSCU)

မိုးညှင်း နှင့် မော်ဟန်ကြားတွင် စစ်ကောင်စီတပ်မှ ခရီးသွားယာဉ်များကို စစ်ဆေးနေ

ဗန်းမော်တွင် မီတာကြေးမဆောင်သည့် နေအိမ်များမှ မီတာဘောက်များ စစ်ကောင်စီအဖွဲ့ လိုက်လံဖြုတ်သိမ်းနေ

စစ်ကောင်စီတပ်၏ စက်လှေ ၄စီးပစ်ခံရပြီး မိုးစစ်ရွာမှ ကလေးငယ် ၅ဦးခန့် ထိခိုက် သေဆုံးမှုရှိ

ထီးချိုင့်နယ် ငွေကြေးကောက်ခံနေသည့် စစ်တပ်ဂိတ်တစ်ခု မိုင်းဆွဲတိုက်ခိုက်ခံရပြီး တပ်သား ၃ဦးခန့်သေဆုံးဟုဆို

မင်းကင်းနယ်ရှိ စစ်တပ်ဂိတ်စခန်းတစ်ခုတိုက်ခိုက်ခံရပြီး သေဆုံးမှုရှိ၊ လက်နက်ခဲယမ်းတစ်ချို့သိမ်းဆည်းရရှိ

နန့်ယား ပြည်သူ့စစ်ခေါင်းဆောင် သတ်ခံရပြီးနောက် နန့်ယားကျေးရွာတွင် စစ်ဆေးရေးပိုမိုတင်းကြပ်ထား

မြစ်ကြီးနားတွင် စစ်ကောင်စီအဖွဲ့ ကင်းပုန်းချ ဖမ်းဆီးမှုလုပ်ဆောင်နေ၊ တစ်ရက်အတွင်း လူငယ် ၂ဦး ဖမ်းဆီးခံရ

ငွေသာကျေးရွာ မီးရှို့ခဲ့သည့် စစ်ကောင်စီတပ်ကို ဒေသကာကွယ်ရေးတပ်များ တိုက်ခိုက်

စစ်ကောင်စီ၏ မြင်း ၉ကောင် သယ်ဆောင်လာသော ၁၂ ဘီးကားကို KIA မီးရှို့ ဖျက်ဆီး

မြင်းသယ်ဆောင်လာသည့် ၁၂ ဘီးကား KIA မီးရှို့ဖျက်ဆီး

ဝိုင်းမော်မြို့နယ် မန်ဒေါင်ကျေးရွာတွင် ချီဖွေ ဘက် မှ ဆင်းလာသော မြင်း ၉ ကောင် သယ်ဆောင်လာသည့် ၁၂ ဘီကားကို ကချင်လွတ်လပ်ရေးတပ်မတော် KIA က ယနေ့ နံနက်ပိုင်းတွင် မီးရှို့ဖျက်ဆီးလိုက်ကြောင်း ဒေသခံများထံမှ သိရသည်။

အဆိုပါ ၁၂ ဘီးကားကို မန်ဒေါင်ကျေးရွာအဝင်တွင် KIA အဖွဲ့က ပစ်ခတ်ခဲ့ခြင်း ဖြစ်သည်ဟု မျက်မြင် မန်ဒေါင်ဒေသခံတစ်ဦး KNG သတင်းဌာနကို အတည်ပြုပြောဆိုသည်။

“KIA က အဲ့ ၁၂ ဘီးကားကို ရပ်ဖို့တားမြစ်တယ်။ ဒါပေမယ့် အဲ့ကားက မရပ်ဘူး။ ပြေးမောင်းသွားတယ်။ အဲ့ကြောင့် သေနတ်နဲ့ ၄ ကြိမ်လောက် လှမ်းပစ်တယ်။ ကားမှာပါလာတဲ့ မြင်းက ၉ ကောင် ဟုတ်တယ်။ ၉ကောင်ထဲမှာ ၄ကောင်က KIA ဖမ်းယူသွားတယ်။ ၄ ကောင် က သေသွားတယ်။ တစ်ကောင်က လွတ်သွားတယ်” ဟု မျက်မြင်သက်သေ က ဆိုသည်။

မြင်း ၉ ကောင်အနက် အသက်ရှင်သော ၄ ကောင်ကို KIA အဖွဲ့က ချီဖွေဘက်သို့ ဆွဲခေါ်သွားသည်ဟု သူက ဆက်ဆိုသည်။

ထို့နောက် ၁၂ ဘီးကားကို ယနေ့နံနက်ပိုင်းမှ KIA က မီးရှို့ဖျက်ဆီးလိုက်ကြောင်းသိရသည်။

အဆိုပါ မြင်းကောင်များမှာ စစ်ကောင်စီတပ်ပိုင် ဖြစ်သောကြောင့် ကချင်လွတ်လပ်ရေးတပ်မတော် KIA တပ်ရင်း ၄ အဖွဲ့က လာရောက်ပစ်ခတ်ခြင်း ဖြစ်သည်ဟု KIO ဗဟိုဌာနချုပ် ပြန်ကြားရေး တာဝန်ခံ ဗိုလ်မှူးကြီး နော်ဘူက ပြောသည်။

“နေရာက တပ်ရင်း ၃ နေရာ၊ လာပစ်တာက တပ်ရင်း ၄ အဖွဲ့တွေ လာပစ်တာထင်တယ်။ စစ်ကောင်စီရဲ့ မြင်း ဖြစ်လို့ ပစ်တာတဲ့” ဟု ပြောဆိုသည်။

ဝိုင်းမော်မြို့နယ်တွင် ယခုလဆန်းပိုင်း စစ်ကောင်စီ နှင့် ပြည်သူ့စစ် စခန်းများကို ကချင်လွတ်လပ်ရေးတပ်မတော် KIA မှ တိုက်ခိုက်ဖျက်ဆီးမှုများ ရှိခဲ့သည်။

Read Previous

ပြည်သူ့စစ်စခန်း KIA ပြန်တိုက်ခိုက်ပါက လူနေအိမ်များကို ငဲ့ညှာမည်မဟုတ်ကြောင်း မင်းဇင်သန့် ပြော

Read Next

မမုံ သပိတ်ခေါင်းဆောင်နှင့် ဟိုပင်လွှတ်တော်ကိုယ်စားလှယ် ၂၁ မိုင် ဂိတ်တွင် ဖမ်းခံရ

Leave a Reply

Your email address will not be published.