,

Breaking News :

အောင်ဟိန်းမင်း ဦးဆောင်သည့် PDF အဖွဲ့မှ ပိုက်ဆံလုယက်သည် ဆိုပြီး သတင်းအမှားဖြန့်

KIO နယ်မြေမှာဖွင့်လှစ်တဲ့ Kachin State Comprehensive University (KSCU)

မိုးညှင်း နှင့် မော်ဟန်ကြားတွင် စစ်ကောင်စီတပ်မှ ခရီးသွားယာဉ်များကို စစ်ဆေးနေ

ဗန်းမော်တွင် မီတာကြေးမဆောင်သည့် နေအိမ်များမှ မီတာဘောက်များ စစ်ကောင်စီအဖွဲ့ လိုက်လံဖြုတ်သိမ်းနေ

စစ်ကောင်စီတပ်၏ စက်လှေ ၄စီးပစ်ခံရပြီး မိုးစစ်ရွာမှ ကလေးငယ် ၅ဦးခန့် ထိခိုက် သေဆုံးမှုရှိ

ထီးချိုင့်နယ် ငွေကြေးကောက်ခံနေသည့် စစ်တပ်ဂိတ်တစ်ခု မိုင်းဆွဲတိုက်ခိုက်ခံရပြီး တပ်သား ၃ဦးခန့်သေဆုံးဟုဆို

မင်းကင်းနယ်ရှိ စစ်တပ်ဂိတ်စခန်းတစ်ခုတိုက်ခိုက်ခံရပြီး သေဆုံးမှုရှိ၊ လက်နက်ခဲယမ်းတစ်ချို့သိမ်းဆည်းရရှိ

နန့်ယား ပြည်သူ့စစ်ခေါင်းဆောင် သတ်ခံရပြီးနောက် နန့်ယားကျေးရွာတွင် စစ်ဆေးရေးပိုမိုတင်းကြပ်ထား

မြစ်ကြီးနားတွင် စစ်ကောင်စီအဖွဲ့ ကင်းပုန်းချ ဖမ်းဆီးမှုလုပ်ဆောင်နေ၊ တစ်ရက်အတွင်း လူငယ် ၂ဦး ဖမ်းဆီးခံရ

ငွေသာကျေးရွာ မီးရှို့ခဲ့သည့် စစ်ကောင်စီတပ်ကို ဒေသကာကွယ်ရေးတပ်များ တိုက်ခိုက်

မမုံ သပိတ်ခေါင်းဆောင်နှင့် ဟိုပင်လွှတ်တော်ကိုယ်စားလှယ် ၂၁ မိုင် ဂိတ်တွင် ဖမ်းခံရ

၂၁မိုင်ဂိတ်တွင် ဖမ်းဆီးခံလိုက်ရသည့် ကိုစိုင်းမောင်နှင့် ကိုမျိုးကျော်

ဖားကန့်မြို့နယ် မမုံကျေးရွာ သပိတ်ခေါင်းဆောင်နှင့် မိုးကောင်းမြို့နယ် ဟိုပင်မြို့မှ လွှတ်တော်ကိုယ်စားလှယ်တို့ ယမန်နေ့ မြစ်ကြီးနားမြို့အထွက် ၂၁ မိုင်စစ်ဆေးရေးဂိတ်တွင် ဖမ်းစီးခံလိုက်ရကြောင်း ဒေသခံများ ထံမှ သိရသည်။

ဩဂုတ်လ ၁၄ရက်နေ့တွင် မမုံသပိတ်ခေါင်းဆောင် အသက် ၃၇နှစ် ကိုစိုင်းမောင်နှင့် လွှတ်တော်ကိုယ်စားလှယ် အသက် ၃၀နှစ် ကိုမျိုးကျော်တို့ ၂ဦး မြစ်ကြီးနားမှ ဖားကန့်ဘက်သို့ ဆင်းလာစဉ် ၂၁မိုင် စစ်ဆေးရေးဂိတ်၌ ဖမ်းဆီးခံလိုက်ရကြောင်း မမုံကျေးရွာ အမျိုးသားတစ်ဦးက KNG ကိုပြောသည်။

“ကိုစိုင်းမောင် အဖမ်းခံလိုက်ရတယ်ဆိုပြီး မနေ့က ၁၀ နာရီခွဲလောက်မှာ ဖုန်းဝင်လာတယ်ဗျ။ စိတ်မကောင်း ဖြစ်မိတယ်။ သူနဲ့အတူ လွတ်တော်ကိုယ်စားလှယ် ကိုမျိုးကျော်လည်း ကားတစ်စီးအတူစီးလာတာ ဖမ်းခံလိုက်ရတယ်။ ဘာကြောင့်ဖမ်းလည်းဆိုတော့ ငွေတိုက်စာချုပ်နဲ့ ကိုစိုင်းမောင်ဖုန်းမှာ PDF နဲ့ ဆက်စပ်တဲ့ ဓာတ်ပုံတွေတွေ့လို့ ဖမ်းခံလိုက်ရတာလို့သိရတယ်”ဟု ဆိုသည်။

ကိုစိုင်းမောင် နှင့် ကိုမျိုးကျော်အဖမ်းခံလိုက်ရသည့် အဓိကအကြောင်းမှာ NUG အစိုးရ ငွေတိုက်စာချုပ် စစ်ဆေး တွေ့ရှိမှုနဲ့ လက်ကိုင်ဖုန်းတွင် PDF နဲ့ ဆက်စပ်သည့် ဓာတ်ပုံများ တွေ့ရှိသွားသည့်အတွက် ဖမ်းခံလိုက်ရခြင်းဖြစ်ပြီး လက်ရှိအချိန်အထိ အဆက်အသွယ်မရရှိသေးကြောင်း သိရသည်။

“သိရသလောက်တော့ စစ်ကြောရေးမှာပဲ ရှိသေးတယ်လို့သိရတယ်။ ခေါ်သွားတာ ကတော့ ၂၁မိုင်က မြစ်ကြီးနားနဲ့နီးတော့ မြစ်ကြီးနားဘက်ခေါ်သွားတယ်တဲ့ ခုထိဘာ သတင်းချက်လက်မှမသိရသေးဘူး အဆက်သွယ်လည်းမရသေးဘူး”ဟု ကိုစိုင်းမောင်နဲ့ရင်းနှီးသည့် ဒေသခံတစ်ဦးက ပြောသည်။

ယခုဖမ်းခံလိုက်ရသည့် ကိုမျိုးကျော်နှင့် ကိုစိုင်းမောင်တို့နှစ်ဦးသည့် ရပ်ရွာအကျိုး ပြုလုပ်ငန်းများတွင် စွမ်းစွမ်းတမံ ပါဝင်ဆောင်ရွက်ပေးလျက်ရှိသောကြောင့် တစ်စုံတစ်ခုဖြစ်သွားမည်ကို ဒေသခံများက အထူးစိုးရိမ်နေကြကြောင်း သိရသည်။

မြစ်ကြီးနားမြို့နယ် ၂၁ မိုင်စစ်ဆေးရေးဂိတ်တွင် စစ်ကောင်စီ စစ်သားနဲ့ရဲများ ပူးပေါင်းကာ တင်းတင်းကြပ်ကြပ် စစ်ဆေးနေပြီး နိုင်ငံရေးသမားများ၊ တက်ကြွလှုပ်ရှားသူ နှင့် လူငယ်များ ဖမ်းခံရမှု နှင့် လက်နက်ခဲယမ်းများ ဖမ်းခံရမှု မကြာခဏ ဖြစ်နေသောကြောင့် သတိထားသွားလာဖို့ လိုအပ်ကြောင်း အများပြည်သူ သုံးသပ်ပြောဆိုနေကြသည်။

Read Previous

စစ်ကောင်စီ၏ မြင်း ၉ကောင် သယ်ဆောင်လာသော ၁၂ ဘီးကားကို KIA မီးရှို့ ဖျက်ဆီး

Read Next

အင်းတော်နယ်တွင် စစ်ကောင်စီထုတ် ဘီယာအဖာ ၂၀၀ တိတိကို KIA နှင့် PDF ဖျက်ဆီး

Leave a Reply

Your email address will not be published.