,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

စစ်ကောင်စီကို ဝင်ငွေ ရှာပေးသည့် အကောက်ခွန်ဂိတ်ကို KIA နှင့် PDF မီးရှို့ဖျက်ဆီး

အင်းတော် နဘား လမ်းဆုံ စစ်ကောင်စီ အကောက်အခွန်ဂိတ် မီးရှို့ဖျက်ဆီး

မန္တလေး မြစ်ကြီးနားလမ်းမပေါ် အင်းတော် နဘားလမ်းဆုံရှိ စစ်ကောင်စီ၏ ဆောက်လုပ်ရေးဝန်ကြီးဌာနပိုင် အကောက်အခွန်ဂိတ်ကို ကချင်လွတ်လပ်ရေးတပ်မတော် KIA နှင့် အင်းတော် PDF ပူးပေါင်းတပ်တို့က ယနေ့ နံနက်ပိုင်းတွင် သွားရောက်မီးရှို့ဖျက်ဆီးခဲ့ပြီး ဝန်ထမ်း ၄ ဦးကိုလည်း ဖမ်းခေါ်သွားကြောင်း သိရသည်။

စစ်ကောင်စီအတွက် ဝင်ငွေရှာပေးနေသည့်ဂိတ်ဖြစ်သောကြောင့် ဖျက်စီးလိုက်ခြင်းဖြစ်သည်ဟု အင်းတော် PDF မှ တာဝန်ရှိသူတစ်ဦးက KNG ကို ပြောသည်။

“အဲ့ဂိတ်မှာက စစ်ကောင်စီ တပ်သားတွေ မထိုင်ဘူး။ အရပ်သားဝန်ထမ်းတွေကို ထိုင်ခိုင်းတာ အဲ့အရပ်သားဝန်ထမ်းတွေကိုလည်း ဖမ်းထားတယ်။ ပြီးကျရင် မေးစရာစစ်စရာပြီးရင် ပြန်လွတ်ပေးမှာ အဓိကတော့ စစ်ကောင်စီကိုင်တဲ့ ဂိတ်မို့လို့သွားလုပ်တာ။ အဲ့ဂိတ်မှာ ကုန်ကားတွေ၊ ဘတ်ဖိုးယာဥ်တွေ တွဲကားကြီးတွေကို ကတ္တားချိန်တယ်။ တန်ချိန်ပိုတဲ့ဟာတွေကို အခွန်ကောက်တယ် အဲ့ငွေတွေကို စစ်ကောင်စီကိုပေးတယ်အဲ့ကြောင့် ဖျက်ဆီးခဲ့တာပါ”ဟုပြောဆိုသည်။

ဂိတ်ထိုင်ထားသည်မှာ တစ်နှစ်ကျော်ပြီဖြစ်ပြီး ယခင်က စစ်တပ် နှင့် ရဲများထိုင်လျက်ရှိရာ ယခုနှစ်ကုန်ပိုင်းတွင် အရပ်သားများကို လခပေးငှားရမ်း၍ ဂိတ်ထိုင်ခိုင်းပြီး တန်ချိန်ပိုသည့် ကုန်ကားများကိုတစ်စီးလျှင် အများဆုံး ကျပ် ၁၅၀၀၀၀ အထိ တောင်းခံလျက်ရှိကြောင်း သိရသည်။

ဂိတ်ထိုင်နေသည့် အရပ်သား ၄ ဦးကို KIA စခန်းဘက်သို့ ခေါ်ဆောင်သွားပြီး စစ်ဆေး မေးမြန်းပြီးပါက ပြန်လွတ်ပေးမည်ဖြစ်ကြောင်း သိရသည်။

ထိုသို့ မီးရှို့နေစဉ် အင်းတော်မြို့တွင်းရှိ စစ်ကောင်စီတပ် မှ နဘားရွာဘက်သို့ လက်နက်ကြီး ၃ လုံးပစ်ခတ်ခဲ့ရာ နဘားကျေးရွာအနီးရှိ ဆီပန့်ဆိုင်အနီးကျရောက်ပေါက်ကွဲခဲ့သော်လည်း ထိခိုက်မှု မရှိခဲ့ကြောင်း သိရသည်။

အင်းတော်မြို့နယ်အတွင်း PDF နှင့် KIA အနေဖြင့် စစ်ကောင်စီ စစ်ဆေးရေးဂိတ်ကို မီးရှို့ဖျက်ဆီး တိုက်ခိုက်မှုမှာ ယခု ဒုတိယအကြိမ်ရှိပြီ ဖြစ်ကြောင်း သိရသည်။

Read Previous

ပူတာအိုတွင် အသက် ၁၈ နှစ်ပြည့်သူများ၏အမည်စာရင်း စတင်ကောက်ခံ

Read Next

ဗန်းမောက်တွင် စစ်ကောင်စီတပ်လက်နက်ကြီး ပစ်ခတ်မှုကြောင့် ပြည်သူနှစ်ဦးသေဆုံး၊ သွားလာရေးကန့်သတ်ထား