,

Breaking News :

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

KIA ၊ PDF အဖွဲ့မှ ဒေသခံလူငယ်များကို ဖမ်းဆီးခေါ်ဆောင်သည်ဟူသော သတင်းအမှား ထပ်ဖြန့်

သတင်းအမှားရေးသားဖော်ပြနေသည့် လူမှုကွန်ယက်စာမျက်နှာ

အောင်ဟိန်းမင်း ခေါင်းဆောင်သည့် KIA/PDFအဖွဲ့မှ ဖားကန့်မြို့နယ် အေးမြသာယာရပ်ကွက် မျောက်ဖြူကျေးရွာရှိ ဒေသခံလူငယ်အချို့ကို အတင်းအဓမ္မဖမ်းဆီးခေါ် ဆောင်သွားပြီး ငွေကြေးပစ္စည်းများအား လုယူသွားကြောင်းသိရသည်ဆိုပြီး သတင်းအမှား တစ်ခု ဖြန့်ဝေထားသည်ကို တွေ့ရသည်။

အဆိုပါသတင်းအမှားကို စက်တင်ဘာလ ၂၆ ရက်နေ့တွင်ဗလမင်းထင် ဆိုသည့် ဖေ့စ်ဘုတ်အကောင့်သည် “Manaw Myay” “Oo Sitt” “Kachin Land”  အကောင့်များနှင့်အတူချိတ်ကာ ဖြန့်ဝေခဲ့သည်ကို တွေ့ရသည်။

ဖော်ပြထားသောအကြောင်းအရာတွင်ဖားကန့်မြို့နယ် အေးမြသာယာရပ်ကွက် မျောက်ဖြူကျေးရွာရှိ ဒေသခံ လူငယ် ၁၆ ဦး ခန့်အား ယနေ့ နံနက် ၆နာရီခန့်က အောင်ဟိန်းမင်းခေါင်းဆောင်သော PDF အဖွဲ့မှ အတင်းအဓမ္မ ဖမ်းဆီးသွားခဲ့ပြီး ငွေကြေးပစ္စည်းများ ယူဆောင်သွားကြောင်း သိရသည် ဆိုပြီး ဖော်ပြထားပါသည်။

ဒီအကြောင်းအရာနှင့်ပတ်သက်ပြီး ဒေသအခြေစိုက် The 74 Media တွင် ဖော်ပြထားသည်မှာဖားကန့်မြို့နယ် အေးမြသာယာရပ်ကွက် မျောက်ဖြူကျေးရွာရှိ ဘိန်းခန်းများကို ယနေ့ နံနက် () နာရီခန့်က ကချင်ပြည်နယ်လွတ်မြောက်ရေးတပ် (KIA)နှင့် ရပ်ကွက်နေပြည်သူများက ဝင်ရောက်ရှင်းလင်းခဲ့ကြောင်း သိရသည်။ သွားရောက်ရှင်းလင်းချိန်တွင် ပြန်လည်ခုခံသူများလည်းရှိပြီး ဆေးသုံးစွဲနေသူ ၁၆ ဦးကိုလည်း မူးယစ်ဆေးဝါးများနှင့်အတူ ဖမ်းဆီးရမိခဲ့သည်ဟု မူးယစ်တိုက်ဖျက်ရေးပြုလုပ်နေသူတစ်ဦးက The 74 Media ကိုပြောသည် ဟုသာ ဖော်ပြထားသည်။

ထို့ကြောင့် ဖားကန့်မြို့နယ် အေးမြသာယာရပ်ကွက် မျောက်ဖြူကျေးရွာ ဒေသခံလူငယ် ၁၆ ဦးကို အတင်းအဓမ္မဖမ်းဆီးခေါ်ဆောင်သွားပြီး ငွေကြေးပစ္စည်းများ လုယူခဲ့သည် ဆိုသည့်အကြောင်းအရာသည် ဝါဒဖြန့်သတင်းအမှားတစ်ခုသာ ဖြစ်ကြောင်းကို တွေ့မြင်နိုင်သည်။

လွန်ခဲ့သော စက်တင်ဘာလ (၂၁) ရက်နေ့မှာလည်း အဆိုပါဗလမင်းထင်ဆိုသည့်ဖေ့စ်ဘုတ်အကောင့်သည် ကချင်ပြည်နယ်၊ ဖားကန့်မြို့ ငှက်ပျောတောရပ်ကွက်တွင် အောင်ဟိန်းမင်းခေါင်းဆောင်သည့် PDF အဖွဲ့မှ သေနတ်နှင့် လက်ပစ်ဗုံးကိုင်ဆောင်ကာ ပိုက်ဆံလုယက်ခဲ့သည်ဟု သတင်းအမှားတစ်ခု ဖြန့်ဝေခဲ့သည်။

အထူးသဖြင့် ယခုသတင်းအမှားဖော်ပြနေသော facebook account များသည် ဖားကန့် ပြည်သူ့လွှတ်တော်ကိုယ်စားလှယ် အောင်ဟိန်းမင်းနှင့် ပတ်သက်ပြီး သတင်းအမှားများ ပုံမှန် ဖန်တီကာ ဖြန့်ဝေနေသည်ကို တွေ့ရသည်။

သို့ဖြစ်ပါ၍ မိဘပြည်သူများအနေဖြင့် နေ့စဥ်လူမှုကွန်ယက်ပေါ်ကသတင်းများကို ဖတ်ရှုရာတွင် သတင်းအကြောင်းအရာမှန် မမှန်ကို သိရှိလိုလျှင် ဒေသတွင်း သတင်းမီဒီယာများက ဖော်ပြထားသော အကြောင်းအရာများနှင့် တိုက်စစ်ပြီးမှသာ ယုံကြည်သင့်ပါသည်။

Read Previous

အင်းတော်တွင် စစ်ကောင်စီ စစ်ကြောင်း နှစ်ကြိမ်တိုက်ခိုက်ခံရပြီး  စစ်သား ၆ ဦးသေဆုံး၊ အရပ်သား ၂၀ ဦးကို လူသားဒိုင်းပြုလုပ် ရန် စစ်ကောင်စီဖမ်းဆီးထား

Read Next

ကသာမြို့မှ လူငယ် ၆ ယောက်အား စစ်ကောင်စီတပ်မှ ဖမ်းဆီးကာ ထောင်ဒဏ် ၁လစီချမှတ်