,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

KIA/PDF အဖွဲ့ အချင်းချင်း ဖမ်းဆီးသတ်ဖြတ်မှု ဖြစ်ပွားခဲ့သည်ဟူသော သတင်းအမှား ထပ်ဖြန့်နေ

ဖားကန့် လွှတ်တော်ကိုယ်စားလှယ် ‘အောင်ဟိန်းမင်းခေါင်းဆောင်သည့် KIA နှင့် PDF အဖွဲ့မှ ဓားမြတိုက်ထားသော ငွေများဖြင့် ဖားကန့်မြို့ KTVတွင် ပျော်ပါးနေချိန် အချင်းချင်း ဖမ်းဆီးသတ်ဖြတ်မှုဖြစ်ပွားခဲ့သည်’ ဆိုပြီး ဝါဒဖြန့်သတင်းအမှား ဖြန့်ဝေထားသည်ကို တွေ့ရသည်။

အဆိုပါ ဝါဒဖြန့်သတင်းအမှားကို အောင်ဟိန်းမင်းနှင့်ပတ်သက်၍ မကြာမန သတင်းအမှားဖြန့်ဝေနေသော “ဗလမင်းထင်” ဆိုသည့် ဖေ့စ်ဘုတ်အကောင့်သည် “Manaw Myay” “Kachin Land” “Oo Sitt” စသည့်အကောင့်များနှင့်အတူချိတ်ကာ စက်တင်ဘာလ (၃၀) ရက်နေ့တွင် ဖြန့်ဝေခဲ့သည်။

ဖြန့်ဝေ ဖော်ပြထားသောအကြောင်းအရာတွင် “ကချင်ပြည်နယ် ဖားကန့်မြို့နယ် KTV တွင် စက်တင်ဘာ ၂၉ ရက်နေ့ နံနက်ပိုင်းက အောင်ဟိန်းမင်း ခေါင်ဆောင်သည့် KIA/PDF အဖွဲ့မှ ဓားမြတိုက်ငွေများ ခွဲဝေရာတွင် ဝေစုမတည့်သောကြောင့် အချင်းချင်း ဖမ်းဆီးသတ်ဖြတ်မှုများ ဖြစ်ပွားခဲ့ကြောင်း သိရသည်” ဟု ဖော်ပြထားသည်။

ထိုအကြောင်းအရာနှင့်ပတ်သက်ပြီး အောင်ဟိန်းမင်း၏ ဖေ့စ်ဘုတ်အကောင့်တွင် ဖော်ပြထားသည်မှာ “ဖားကန့်မြို့နယ်အတွင်း PDF အ​ယောင်​ဆောင်ကာ ဓါးပြတိုက်မှု ​​ဆောင်ရွက်​နေသူများကို KIA&KPDF ပူး​ပေါင်းအဖွဲ့က ​ရှောင်တခင်ဝင်​ရောက်စီးနင်း ဖမ်းဆီးလိုက်​ကြောင်း သိရသည်။ တရားခံစုစု​ပေါင်း (၆)​ယောက်ဖြစ်ပြီး ၎င်းတို့ကို စက်တင်ဘာ ၂၉ ရက်၊ ယ​နေ့နံနက်ပိုင်း (၄)နာရီဝန်းကျင်ခန့်က ဆိပ်မူ​ကျေးရွာအုပ်စုတွင် ဖမ်းဆီးမိခြင်းဖြစ်ကာ  လက်နက်နှင့် ကျည်ဆံများလည်း သိမ်းဆည်းရမိ​ကြောင်း သိရသည်” ဆိုပြီး ဖော်ပြထားသည်ကို တွေ့မြင်နိုင်သည်။

ထို့ကြောင့် အောင်ဟိန်းမင်းခေါင်းဆောင်သည့် KIA/PDF အဖွဲ့ ဝေစုမတည့်သောကြောင့် အချင်းချင်း ဖမ်းဆီးသတ်ဖြတ်မှုဖြစ်ပွားခဲ့သည်ဆိုသည့် အကြောင်းအရာသည် ဝါဒဖြန့်သတင်းအမှားတစ်ခုသာ ဖြစ်နေသည်ကို လေ့လာတွေ့ရှိခဲ့ရပါသည်။

“ဗလမင်းထင်” ဆိုသည့်စစ်တပ်လော်ဘီ ဖေ့စ်ဘုတ်အကောင့်သည် စက်တင်ဘာလထဲတွင် အောင်ဟိန်းမင်း၊ KIA/PDFနှင့်ပတ်သက်ပြီး ပြည်သူလူထုများ အထင်မှား အမြင်မှားဖြစ်အောင် ရည်ရွယ်ချက်ရှိရှိ ဝါဒဖြန့်သတင်းအမှား (၃)ကြိမ် ရေးသားဖြန့်ဝေခဲ့သည်ကို စောင့်ကြည့်လေ့လာတွေ့ရှိခဲ့ရသည်။

ယခုအချိန်ကာလသည် တော်လှန်ရေးနှင့်ပတ်သက်ပြီး ဆိုရှယ်မီဒီယာပေါ်တွင် သတင်းတု၊ သတင်းအမှားကို စစ်တပ်လော်ဘီအကောင့်များမှ ရေးသားဖြန့်ဝေနေသောကြောင်း ပြည်သူများအနေဖြင့် အကောင့်တုများက ဖော်ပြထားသော သတင်းအကြောင်းအရာများကို အလွယ်တကူ မယုံကြည်ပဲ မိမိသိရှိလိုသော နေ့စဥ်သတင်းအကြောင်းအရာများကို ယုံကြည်ရသော ဒေသတွင်းသတင်းမီဒီယာများမှ တဆင့်သာ သတင်းများကို အဓိကထား ဖတ်ရှုသင့်ပါတယ်။

Read Previous

လယ်ယာမြေ ဖော်ထုတ်ရန် လျာထားမြေနေရာကို ရွှေတူးဖော်ရန် ကြိုးစားနေမှု တိန်းကောက်ဒေသခံများ ကန့်ကွက်

Read Next

ဟောင်ပါးရောက် ဆယ်ဇင်းစစ်ရှောင်များအတွက် စားနပ်ရိက္ခာ ကူညီမှုများ လိုအပ်နေ