,

Breaking News :

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

မုံရွေးနှင့် ကြေးမုံရွာရှိ ဒေသခံများ ဖမ်းဆီးရိုက်နက်ခံရပြီး နေအိမ်တစ်ချို့ ဖမ်းရှို့ဖျက်ဆီးခံရ

စစ်ကိုင်းဒေသ မုံရွေးနှင့် ကြေးမုံရွာ လူနေအိမ်များ မီးရှို့ဖျက်ဆီးခံရသည့် မြင်ကွင်း

စစ်ကိုင်းတိုင်းဒေသကြီး မုံရွာမြို့နယ် မုံရွေးနှင့် ကြေးမုံရွာ ၂ခုတွင် စစ်ကောင်စီတပ်များက အောက်တိုဘာလ ၄ရက်နေ့ နံနက်ပိုင်း ၉နာရီဝန်းကျင်ခန့် စစ်ကြောင်းထိုးဝင်ရောက်လာခဲ့ပြီး လူနေအိမ်များကို မီးရှို့ဖျက်ဆီးသွားသည့်အပြင် ဒေသခံ ၃၀၀ ခန့်ကိုလည်း ဖမ်းဆီးရိုက်နက်မှုများ လုပ်ဆောင်နေသည်ဟု ဒေသခံများပြောဆိုသည်။

စစ်ကောင်စီစစ်ကြောင်းသည် ကျေးရွာအတွင်းသို့ လက်နက်များပစ်ခတ်ကာ ဝင်ရောက်လာခဲ့သဖြင့် လူနေအိမ်များကို ဆက်တိုက် မီးရှို့ဖျက်ဆီးမှုများပြုလုပ်ခဲ့သည်ဟု လုံခြုံရေးအရ အမည်မဖော်လိုသူ ဒေသခံတစ်ဦး KNG ကိုပြောသည်။

မနေ့ကလည်းရှို့တယ် ဒီနေ့လည်းရှို့တယ်။ နေအိမ်တွေ မီးလောင်တဲ့ မီးလုံးတွေတော်တော်ကြီးကြီးကို မြင်ရတယ်။ မနေ့က နေအိမ် ၂လုံး အရှို့ခံရတယ်။ ဒီနေ့ အခြေအနေကိုတော့ အသေးစိတ်ပြောလို့မရသေးဘူး။ အဲ့ဒီစစ်ကြောင်းက ဒီရွာကို မဝင်ခင်မှာ မိုင်းဆွဲခံရတာဟုတ်တယ်။ ပြီးနောက်တစ်ခါတည်း စစ်ကြောင်းထိုးဝင်လာတာပါ။ အခုဆို ပြည်သူ ၃၀၀ လောက်က ဘုန်းကြီးကျောင်းထဲမှာ ထွက်လို့မရအောင် ဖမ်းဆီးထားတယ်လို့ သိရတယ်ဟုဆိုသည်။

လက်ရှိတွင် ကြေးမုံရွာ ဘုန်းကြီးကျောင်းဝင်းအတွင်း ဖမ်းဆီးခံထားရသည့် ပြည်သူများကို ရိုက်နက်စစ်ဆေးမှုများလည်း ပြုလုပ်နေကြောင်းလည်း ဒေသခံများပြောသည်။

အဆိုပါ စစ်ကြောင်းသည် စစ်အင်အား ၅၀ ကျော်ခန့်ရှိပြီး အောက်တိုဘာလ ၅ရက်နေ့ စစ်ကား ၂စီးဖြင့် အင်အား ထပ်မံဖြည့်တင်းထားသည်ဟု ဒေသကာကွယ်ရေးတပ်ဖွဲ့ဝင် ရဲဘော်တစ်ဦး ထံမှသိရသည်။

မုံရွေးနှင့်ကြေးမု့ကျေးရွာ ၂ခုသည် တောင်မြောက် အလျားတွင် တစ်ဆက်တည်းရှိသည့် ရွာများဖြစ်ကြပြီး စစ်ကောင်စီတပ်ဖွဲ့ဘက်မှ ကျေးရွာအတွင်း မကြာခဏ စစ်ကြောင်းထိုး ဝင်ရောက်မှုတွင်ရှိခဲ့သော်လည်း နေအိမ်များ မီးရှို့ဖျက်ဆီးခံရမှုမှာ ပထမဆုံးအကြိမ်ဖြစ်သည်ဟု ဒေသခံများပြောဆိုသည်။

Read Previous

ကသာတွင် စစ်ကောင်စီစစ်ကြောင်း ကို ပြည်သူ့ကာကွယ်ရေးတပ်မှ မိုင်းဆွဲ တိုက်ခိုက်

Read Next

ကပ်ဘေးနှစ်ခုကို အံတုရင်း ကြပ်တည်းလာသော လူနေမူဘဝ