• Jul- 2023 -
    20 July
    သတင်းphoto- မြစ်ကြီးနားမြို့တွင်းတစ်နေရာက စစ်ကောင်စီတပ်ဖွဲ့ဝင်များ

    စစ်တပ်က ဖမ်းသွားတဲ့ ဂျာပူဒေသခံ ၃ ဦးပြန်လည်လွှတ်မြောက်လာ

    မြစ်ကြီးနား- ဗန်းမော်လမ်းမပေါ်မှာရှိတဲ့ ဂျာပူရွာမှာ စစ်ကောင်စီတပ်က ဖမ်းဆီးသွားတဲ့ ဒေသခံ ၃ ဦး ယနေ့ ပြန်လည်လွှတ်မြောက်လာပြီလို့ ဂျာပူရွာဒေသခံတွေကနေ သိရပါတယ်။ အဲဒီဂျာပူရွာဒေသခံ ၃ဦးကို စစ်ကောင်စီတပ် မနေ့ကဖမ်းဆီးခံသွားတာဖြစ်ပါတယ်။ ဒါ့ကြောင့် ယနေ့ ဇူလိုင်လ ၂၀ ရက်နေ့မှာတော့ သက်ဆိုင်ရာစစ်ရှောင်တာဝန်ခံတွေအပါအဝင်ဘာသာရေး အဖွဲ့အစည်းတွေကနေ ဖမ်းဆီးခံသွားရသူ ၃ ဦးဟာ စစ်ရှောင်ပြည်သူတွေဖြစ်တဲ့အတွက် ပြန်လွှတ်ပေးဖို့ တောင်းဆိုခဲ့တာဖြစ်တယ်လို့ ဂျာပူဒေသခံတစ်ဦးက KNG ကို ပြောပါတယ်။ “စစ်ရှောင်တာဝန်ခံနဲ့လူကြီးတွေက သွားပြောတာ စစ်ရှောင်တွေဖြစ်တယ် ပြန်လွှတ်ပေးဖို့ ပြောလို့ ဒီနေ့ပြန်လွှတ်ပေးလာပြီ” လို့ပြောပါတယ်။ ဖမ်းဆီးခံသွားရသူတွေက ဝိုင်းမော် မိုင်းနား KBC စစ်ရှောင်စခန်းနဲ့ RC စစ်ရှောင်စခန်းက ဦးမရူလှဒွဲနဲ့ အမည်မသိ နောက်ထပ်စစ်ရှောင် ၂ ဦးဖြစ်ပြီး ဇူလိုင်လ လဆန်းပိုင်းမှာ စစ်တပ်နဲ့ KIA တို့အကြား စစ်ရေးတင်းမာလာတဲ့အတွက် ဂျာပူရွာကနေ ဝိုင်းမော်မြို့နယ် ၊ မိုင်းနားစစ်ရှောင်သွားသူတွေဖြစ်ပါတယ်။ ဒါပေမယ့် စစ်ဘေးရှောင်နေရာကနေ ဇူလိုင်လ ၁၉ ရက်နေ့ ရွာကို ခေတ္တခနပြန်လာချိန် စစ်တပ်က ဖမ်းဆီးသွားတာပါဒေသခံတွေကပြောပါတယ်။ ဒါ့အပြင် စစ်ကောင်စီတပ်ဟာ ဇူလိုင်လ ၁၈နေ့မှာလည်း ဒဘတ်ကျေးရွာက အရပ်သားပြည်သူ ၅ ဦးကိုဖမ်းဆီးသွားပြီးနောက် ပြန်လွှတ်ပေးခဲ့တဲ့ဖြစ်စဉ်တွေရှိခဲ့ပါတယ်။ လက်ရှိ နမ်ဆန်ယာန်အနီးတစ်ဝိုက်မှာတော့ စစ်ကောင်စီတပ်နဲ့ ကချင်လွတ်လပ်ရေးတပ်မတော် KIA တို့အကြားမှာ စစ်ရေးတင်းမာနေဆဲဖြစ်ပြီးတော့ စစ်ကောင်စီတပ်ဘက်က ဒီည ၇ နာရီဝန်းကျင်မှာလည်း လိုင်ဇာဘက်ကို လက်နက်ကြီး ၂ကြိမ်ထက်မနည်း ပစ်ခတ်နေတယ်လို့လည်း လိုင်ဇာဒေသခံတွေကပြောပါတယ်။ မြစ်ကြီးနား- ဗန်းမော်လမ်းမပေါ်မှာရှိတဲ့ နမ်ဆန်ယာန်မှာ စစ်တပ်ကခြေကုပ်တပ်စွဲနေထိုင်နိုင်ဖို့ ကြိုးစားနေပြီး ဒီကနေ့ညမှာလည်း အလော့ဘွမ်ဘက်ကို စစ်အင်အားဖြည့်တင်းနေတယ်လို့ KIA ရှေ့တန်းသတင်းရင်းမြစ်တွေကပြောပါတယ်။ နမ်ဆန်ယာန်မှာ ဇူလိုင်လ လဆန်းပိုင်းကနေစပြီး စစ်ကောင်စီတပ်ဘက်က စစ်ကြောင်းထိုးလာရာကနေ လက်ရှိထိ နှစ်ဖက်စစ်ရေးတင်းမာနေတာပါ။

    Read More »
  • 20 July
    သတင်းဓာတ်ပုံ-ဇူလိုင်၂၀ ဒီကနေ့ မနက်ပိုင်းထွက်ပြေးရေတဲ့ ခင်ဦးက စစ်ဘေးရှောင်များ(ခင်ဦး သတင်းမှန်ပြန်ကြားရေး)

    ခင်ဦးမှာ လက်နက်ကြီးကြောင့် ၅ ရက်အတွင်း ကလေးငယ် ၁ ဦးအပါအဝင် ၄ဦးသေဆုံး

    စစ်ကိုင်းတိုင်း ခင်ဦးမှာ စစ်ကောင်စီတပ်ဖွဲ့ရဲ့ လက်နက်ကြီးပစ်ခတ်မူကြောင့် ၅ ရက်အတွင်းမှာ ကလေးငယ် ၁ဦးအပါအဝင် ၄ဦးသေဆုံးပြီး ၇ဦးဒဏ်ရာရခဲ့တယ်လို့ ဒေသခံတွေဆီကနေ သိရပါတယ်။ ဒီကနေ့မနက်ပိုင်း ၈နာရီဝန်းကျင်မှာ ရေဦးမြို့တိုင်းရင်းဆေးရုံမှာ အထိုင်ချထားတဲ့စစ်ကောင်စီတပ်တွေက လက်နက်ကြီးတွေနဲ့ရမ်းသမ်းပစ်ခတ်ခဲ့တဲ့အတွက် ခင်ဦးနယ် မူးသာရွာက ဒေသခံအမျိုးသမီးတစ်ဦးနဲ့ အမျိုးသားတစ်ဦးသေဆုံးခဲ့ရတဲ့ အတွက် ၅ရက်အတွင်း သေဆုံးသူ၄ဦးအထိရှိလာတာဖြစ်ပါတယ်။ “သူတို့ကရေဦးနဲ့အစပ် ခင်ဦးဘက်ကရွာတွေကို လက်နက်ကြီးနဲ့ရမ်း သမ်းပစ်ခတ်နေတာ…

    Read More »
  • 20 July
    သတင်းphoto- မိုးညှင်းပြည်သူ့ကာကွယ်ရေးတပ်ဖွဲ့ ဒရုန်းစမ်းသပ်နေပုံ( Crd- မိုးညှင်း PDF)

    ရွှေကူမြို့ဘက်ကိုတက်လာတဲ့ စစ်ကောင်စီစစ်ကြောင်း ဒရုန်းနဲ့တိုက်ခိုက်ခံရ

    ကချင်ပြည်နယ် ရွှေကူမြို့နယ် တောပုန်းကျေးရွာကနေ မြို့ဘက်ကိုတက်လာတဲ့ စစ်ကောင်စီစစ်ကြောင်း ဒရုန်းနဲ့တိုက်ခိုက်ခံရတယ်လို့ ရွှေကူကာကွယ်ရေးတပ်ကနေ သိရပါတယ်။ ဒီကနေ့ ဇူလိုင် ၂၀ ရက်နေ့ မနက် ၉နာရီလောက်မှာ ရွှေကူမြို့အောက်ဘက် တောပုန်းကျေးရွာကနေ ရွှေကူမြို့တွင်းဘက်ကိုတက်လာတဲ့ အင်အား ၁၀၀ လောက်ရှိတဲ့စစ်ကြောင်းကို တောပုန်းရွာကနေ မြောက်ရွာကြားကလမ်းခုလတ်တစ်နေရာမှာ ရွှေကူPDF က ဒရုန်းနဲ့ ပစ်ခတ်တိုက်ခိုက်ခဲ့တယ်လို့ ရွှေကူ PDF နဲ့…

    Read More »
  • 19 July
    သတင်းphoto- ရွှေကူမြို့ရဲ့ မြို့တွင်းတစ်နရာ

    ရွှေကူမြို့က ထွေအုပ်ရုံးနှင့်စည်ပင်ရုံးဒရုန်းနဲ့တိုက်ခိုက်ခံရပြီး ဝန်ထမ်းနှစ်ဦးထိခိုက်ဒဏ်ရာရရှိ

    ကချင်ပြည်နယ် ဗန်းမော်ခရိုင် ရွှေကူမြို့ပေါ်က စစ်ကောင်စီလက်အောက် ထွေအုပ်ရုံးနှင့်စည်ပင်ရုံး ဒရုန်းနဲ့ တိုက်ခိုက်ခံလိုက်ရတာကြောင့် ဝန်ထမ်းနှစ်ဦးထိခိုက်တဲ့အပြင် ရုံးအဆောက်အဉီးလည်းပျက်ဆီးသွားတယ်လို့ ရွှေကူမြို့နေ ဒေသခံတွေဆီကနေ သိရပါတယ်။ ရွှေကူမြို့အမှတ် ၄ ရပ်ကွက်မှာရှိတဲ့ မြို့နယ် ထွေအုပ်ရုံးနဲ့ မြို့နယ်စည်ပင်ရုံးကို ဒီနေ့မနက် ၁၁ နာရီခွဲ အချိန်မှာ ရွှေကူ PDF က ဒရုန်းနဲ့ပစ်ခတ်…

    Read More »
  • 19 July
    သတင်းPhoto-နောင်မွန်းမြို့အဝင်ဆိုင်းဘုတ်

    နောင်မွန်ဆေးရုံကြီးမှာ ဆေးဝါးလုံလောက်မှုမရှိတာကြောင့် ဒေသခံတွေအခက်တွေ့နေ

    ကချင်ပြည်နယ် ပူတာအိုခရိုင် နောင်မွန်မြို့နယ်မှာရှိတဲ့ ဆေးရုံကြီးမှာ ဆေးဝါးလုံလောက်မှုမရှိတဲ့အတွက် ဒေသခံ တွေအခက်အခဲဖြစ်နေတယ်လို့ ဆေးရုံနဲ့နီးစပ်သူတွေကနေ သိရပါတယ်။ နောင်မွန်မြို့ပေါ်မှာရှိတဲ့ ပြည်သူဆေးရုံကြီးမှာ လွန်ခဲ့တဲ့ ၃လ လောက်ကနေစပြီး ဆေးဝါးတွေအလုံအလောက်မရှိတော့ တာကြောင့် ဆေးရုံတက်မယ့်လူနာတွေအခက်အခဲ ဖြစ်နေတယ်လို့ နောင်မွန်းမြို့ အမှတ် ၂ရပ်ကွက်မှာနေထိုင်တဲ့ ဒေသခံအမျိုးသမီးတစ်ဦးက KNG ကိုအခုလိုပြောပါတယ်။ “ဆေးက တခါတလေဆို ပါရာတောင်မရှိဘူး အများပိုင်းကမရှိတာများတယ် ဆရာဝန်တစ်ယောက်နဲ့ဆရာမ…

    Read More »
  • 19 July
    သတင်းphoto; လက်နက်ကြီးကျည်ထိမှန်ပြီးထိခိုက်ဒဏ်ရာရရှိခဲ့တဲ့ နမ့်ဖတ်ကာဒေသခံများ

    နမ့်ဖတ်ကာမှာ စစ်တပ်ကပစ်လိုက်တဲ့လက်နက်ကြီးကြောင့် အရပ်သားပြည်သူ ၁ ဦးသေဆုံးပြီး ၄ ဦးထိခိုက်ဒဏ်ရာပြင်းထန်

    ရှမ်းမြောက် ကွတ်ခိုင်မြို့နယ် နမ့်ဖတ်ကာရွာနားမှာ စစ်ကောင်စီတပ်နဲ့KIA တပ်တို့အကြား တိုက်ပွဲပြင်းထန်နေချိန် စစ်တပ်ကလက်နက်ကြီး ဆက်တိုက်ပစ်ခတ်မှုကြောင့် နမ့်ဖတ်ကာမှ အရပ်သားပြည်သူ ၁ ဦးသေဆုံးပြီး ၄ ထိခိုက်ဒဏ်ရာပြင်းထန်တယ်လို့ ဒေသခံတွေပြောပါတယ်။ ဇူလိုင် ၁၈ မနေ့ကညနေပိုင်း ၃ နာရီလောက်ကနေ…

    Read More »
  • 19 July
    သတင်းPhoto- မနေ့က ပစ်ခတ်ခံရတဲ့အိမ်စီးကား( Crd-Oi Ye Kyaw)

    ဗန်းမော်-မြစ်ကြီးနားလမ်း အိမ်စီးကားတစ်စီးပစ်ခံရပြီး တရုတ်လုပ်ငန်းရှင်အပါအဝင် ၂ ဦးထိခိုက်ဒဏ်ရာရ

    စစ်ရေးတင်းမာနေတဲ့ ဗန်းမော်-မြစ်ကြီးနားလမ်းမှာ မနေ့က အိမ်စီးကားတစ်စီးပစ်ခတ်ခံရပြီး တရုတ်စီးပွားရေးလုပ်ငန်းရှင်တစ်ဦးနဲ့ စကားပြန်မြန်မာအမျိုးသမီးငယ်တစ်ဦး ကျည်ထိမှန်သွားတယ်လို့ KIA ရှေ့တန်းသတင်းရင်းမြစ်တွေကနေ သိရပါတယ်။ ဇူလိုင်လ ၁၈ ရက် နေ့လည် ၁၂နာရီဝန်းကျင် မြစ်ကြီးနား-ဗန်းမော်လမ်း ဒဘတ်ယန်ရွာနဲ့ ဆမားရွာလမ်းခွဲအထက်မှာ မောင်းနှင်လာချိန် ပစ်ခတ်ခံရတာဖြစ်ပါတယ်။ “အဲလမ်းက ခုသွားလို့မရဘူးလေ သိသိရက်နဲ့မောင်းချလာတာ ဘယ်ဘက်ကပစ်လိုက်တာလဲ ဆိုတော့ မသိဘူး။ ခုအဲဒီနေရာမှာက ရွှေမင်းအဖွဲ့နဲ့ဒီဘက်ကလူတွေ စစ်ရေးတင်းမာ နေတဲ့ချိန်လေ” လို့ KIA ရှေ့တန်းသတင်းရင်းမြစ်တာဝန်ရှိသူတစ်ဦးက ပြောပါတယ်။ ပစ်ခတ်ခံရတဲ့ ၂ ဦးအနက် တရုတ်လူမျိုး လုပ်ငန်းရှင်တစ်ဦးက ခြေထောက်ကျည်ထိမှန်သွားပြီး စကားပြန်အမျိုးသမီးက လည်ပင်းနဲ့နားမှာ ကျည်ထိမှန်ပြီးဒဏ်ရာပြင်းထန်တဲ့အတွက် ဝိုင်းမော်မြို့ ပြည်သူ့ဆေးရုံမှာဆေးကုမှုခံယူနေတယ်လို့ သိရပါတယ်။…

    Read More »
  • 19 July
    သတင်းphoto- ချင်းတွင်းမြစ်ရေတက်လာတဲ့အတွက် လူနေအိမ်ရပ်ကွက်ရေဝင်ရောက်နေ(Crd- The Vioce of Shan-ni)

    ချင်းတွင်းမြစ်ရေတက်လာတဲ့အတွက် ဟုမ္မလင်းမြို့ပေါ်ရပ်တစ်ခုနဲ့ကျေးရွာ ၉ ရွာရေနှစ်မြှုပ်နေ

    စစ်ကိုင်းဒေသကြီး ဟုမ္မလင်းမြို့မှာ ချင်းတွင်းမြစ်ရေတက်တာကြောင့် မြို့ပေါ်ရပ်တစ်ခုနှင့်ကျေးရွာ အများစုရေနှစ်မြှုပ်နေတယ်လို့ ဟုမ္မလင်းဒေသခံတွေကနေ သိရပါတယ်။ ဟုမ္မလင်းမြို့ပေါ်နဲ့အနီးဝန်းကျင်ကျေးရွာတစ်ဝိုက်မှာ မိုးရွာသွန်းတာ သုံးရက်လောက်သာရှိသေးပေမယ့် မြစ်ဖျားဘက်မှာ တစ်လနီးပါးကြာ မိုးသည်းထန်စွာရွာသွန်းနေတာကြောင့်  ဇူလိုင် ၁၇ ရက်နေ့ညပိုင်းကစပြီး ချင်းတွင်းမြစ်ရေတက်လာတဲ့အတွက် မြို့ပေါ်ရပ်ကွက်တစ်ခုနဲ့ကျေးရွာ ၉ ရွာထက်မနည်း ရေနှစ်မြှုပ်နေတယ်လို့ ဟုမ္မလင်းမြို့နေ အမျိုးသားတစ်ဦးက KNG ကို ခုလိုပြောပါတယ်။ “ဒီမြို့ပေါ်မှာတော့မိုးရွာတာသုံးရက်လောက်ပဲရှိသေးတယ် မြစ်ဖျားဘက်ဥရုချောင်းတွေဘက် မိုးများလို့မြစ်ရေတက်လာ မြို့ ပေါ်မှာတော့ရေနှစ်တာအရမ်းမဆိုးသေးဘူး ဒါပေမယ့်…

    Read More »
  • 18 July
    သတင်းphoto- ရှေ့တန်းတစ်နေရာက KIA တပ်ဖွဲ့ဝင်များ

    KIO ဌာနချူပ်ကို ထိုးစစ်ဆင်နိုင်ဖို့ စစ်တပ်က အစွမ်းကုန်ကြိုးပမ်းနေ

    KIO ဌာနချူပ်ဘက်ကို ထိုးစစ်ဆင်နိုင်ဖို့ စစ်ကောင်စီတပ်က ရှမ်းမြောက်လမ်းကြောင်းဘက်ကနေလည်း စစ်အင်အားတွေ ပို့ဆောင်နိုင်အောင် ကြိုးပမ်းနေတဲ့အတွက် နှစ်ဖက်စစ်ရေးတင်းမာပြီး တိုက်ပွဲဆက်တိုက်ဖြစ်ပွားနေတယ်လို့ ရှမ်းမြောက်ဒေသခံတွေ ပြောပါတယ်။ စစ်ကောင်စီတပ်ဟာ ကချင်ပြည်ဘက်ကို စစ်ကြောင်းထိုးနိုင်အောင် လားရှိုး-မူဆယ် ပြည်ထောင်စု အဝေးပြေးကားလမ်းမကြီးနဲ့ တောလမ်းတွေအသုံးပြုပြီး နမ့်ခမ်းမြို့နယ်ဘက်ကို အဓိကထားစစ်ရေး လှုပ်ရှားနေတာဖြစ်တယ်လို့ ကွတ်ခိုင်ဒေသတွင် လှုပ်ရှားနေတဲ့ KIO…

    Read More »
  • 18 July
    သတင်းphoto- ဖားကန့်မြို့ပတ်လမ်းမှာတိမ်းမှောက်တဲ့ ၁၂ ဘီးကား

    ဖားကန့်မြို့ပတ်လမ်းမကြီးမှာ ၁၂ဘီးယာဉ်တစ်စီးတိမ်းမှောက်

    ဖားကန့်မြို့ပတ်လမ်းမကြီးရဲ့အပေါ်လမ်းမှာ ယနေ့ ဇူလိုင်လ ၁၈ ရက်၊နေ့လည် ၁၂ နာရီဝန်းကျင်လောက်မှာ ကုန်ပစ္စည်းအပြည့်တင်လာတဲ့ ၁၂ဘီးယာဉ်တစ်စီး တိမ်းမှောက်မှုဖြစ်ပွားခဲ့တယ်လို့ ဒေသခံတွေက ပြောပါတယ်။ အဲဒီ ၁၂ ဘီးယာဉ်ဟာ အရှိန်မထိမ်းနိုင်ဘဲ လမ်းဘေးရှိ ဈေးဆိုင်များနဲ့တံတိုင်းများ၊ဈေးဆိုင်ရှေ့ မှာရပ်ထားတဲ့ ဆိုင်ကယ်နှစ်စီးနှင့်အတူ လမ်းဘေးမီးတိုင်များကိုပါ တိုက်မိထားကြောင်း မျက်မြင်တွေ့ရှိသူတစ်ဦးက အခုလိုပြောပါတယ်။  “လူထိခိုက်မိတာတော့ မရှိဘူး၊ကားဒရိုင်ဘာကိုတော့ ရဲစခန်းကို ခေါ်သွားတယ်လို့…

    Read More »
Back to top button