,

Breaking News :

ဖားကန့် အလွတ်တန်း သတင်းထောက်တစ်ဦးကို ပုဒ်မ ၅၀၅-က ဖြင့် တရားစွဲ

ပူတာအို စစ်အာဏာသိမ်းမှုဆန့်ကျင်သူ လူငယ်များကို ဝရမ်းထုတ်ထားသဖြင့် တိမ်းရှောင်နေရ

မိုင်းခွဲတိုက်ခိုက်ခံရသော အာဏာသိမ်းစစ်တပ်က ပြည်သူများကို ပြန်လည်ပစ်ခတ်

KIO ဌာနချုပ် နယ်မြေသို့ အာဏာသိမ်းစစ်တပ်က လက်နက်ကြီး ပစ်ခတ်

ကချင်ပြည်နယ် CDM လှုပ်ရှားမှုတွင် ပညာရေးဝန်ထမ်းအများစုပါဝင်ဟု KPICT ထုတ်ပြန်

CDM များကိုကူညီသော ပူတာအိုမှ သွားဆရာဝန်ကို အာဏာသိမ်းစစ်တပ်က ဖမ်းဆီး

“ပြည်သူက KIO ကို ပစ်ပယ် လိုက်လို့မရသလို၊ KIO ကလည်း ပြည်သူကို ပစ်ပယ်လို့ မရဘူး။” KIO ပြောရေးဆိုခွင့်ရှိသူဖြင့် မေးမြန်းခြင်း။

‘ယုဇန ကုမ္ပဏီ အလိုမရှိ’ ဆန္ဒဖော်ထုတ်သော ရွာသားတချို့ကို အာဏာသိမ်းစစ်တပ်က ရှာဖွေနေ

မိုးကောင်း နာရေးအိမ်တစ်ခုပစ်ခတ်ခံရပြီး ပြည်သူ ၁ ဦးထပ်မံ သေဆုံး

ဆိုင်ကယ်နှင့် ဖုန်း ဓါးပြတိုက်သွားသူများကို ကားဖြင့် လိုက်တိုက်ကာ ပစ္စည်းအချို့ ပြန်လည်ရရှိ

သတင်းအမှား ဖြန့်ဝေပြောဆိုသည့် ၃ဦးကို KSPP တရားစွဲထား

နောင်မွန်းမြို့

ပြီးခဲ့သောရွေးကောက်ပွဲကာလ ကချင်ပြည်နယ်အတွင်း အင်တာနက်လိုင်းမရရှိသေးသော ဒေသတချို့တွင် KSPP ပါတီနှင့်ပတ်သက်ပြီး သတင်းအမှားပုတ်ခတ်ပြောဆို ဖြန့်ဝေခဲ့သည့် လူပုဂ္ဂိုလ် ၃ ဦးကို ပါတီဘက်က တရားစွဲဆိုထားသည်ဟု စုံစမ်းသိရှိရသည်။

ပြည်နယ်အတွင်း ဝေးလံခေါင်ပါးပြီး အင်တာနက်လိုင်းမရရှိသေးသည့် ပူတာအို၊ နောင်မွန်းစသည့်မြို့နယ်များတွင် ကချင်ပြည်နယ် ပြည်သူ့ပါတီ KSPP ကို သတင်းအမှားဖြင့်ဖြန့်ဝေကာပုတ်ခတ်ပြောဆိုခဲ့သူ ၃ဦးကို နောင်မွန်းမြို့နယ်ရဲစခန်းတွင် နိုဝင်ဘာလ ၄ရက်နေ့ကတည်းကနေ အမှုဖွင့်တိုင်ကြားထားကြောင်း နောင်မွန်းမြို့နယ် KSPP ဥက္ကဌ ဦးဆန်နိုင်ဒီးရမ်ထံ က ပြောသည်။

“သူတို့က ရွေးကောက်ပွဲ ဝင်ရောက်ယှဉ်ပြိုင်တဲ့ ကိုယ်စားလှယ်လောင်းတွေကို ပုဂ္ဂိုလ်ရေးအရတိုက်ခိုက်ပေးတယ်။ နောက်ပြီး ဘာသာရေးနဲ့ လူမျိုးရေးကို ခေါင်းစဉ်တပ်ပြီး ပုတ်ခတ်ပေးတယ်။ KSPP ကို KIA က ပိုက်ဆံပေးပြီး ကျောထောက်နောက်ခံထောက်ပံ့ပေးထားကြောင်း ပြောဆိုခဲ့တယ်။ KSPP ပါတီကလည်း နိုင်ငံတော်က ခွင့်ပြုထားတဲ့ တရားဝင် မှတ်ပုံတင်ရ ပါတီမဟုတ်ဘူးလို့ ပုတ်ခတ်ပြောဆို ဖြန့်ဝေခဲ့တယ်။ ဒါကြောင့် တရားစွဲထားသည်”ဟု ပြောဆိုသည်။

ဦးဆန်နိုင်ဒီးရမ်သည် နောင်မွန်မြို့နယ်၏ KSPP ပါတီဥက္ကဌတစ်ဦးဖြစ်သလို ပါတီအောင်နိုင်ရေးအတွက ဦးဆောင်ခဲ့သူဖြစ်ကာ ယခုသတင်းအမှားဖြန့်ဝေပြောဆိုသူ ၃ ဦးကိုလည်း သူကိုယ်တိုင် တရားလိုပြုလုပ်ကာ ရွေးကောက်ပွဲ ဥပဒေဖြင့် အမှုဖွင့်တိုင်ကြားထားသူဖြစ်သည်။

တရားစွဲခံနေရသူ ၃ ဦးမှာ မြန်မာနိုင်ငံကချင်လူမျိုးရိုးရာယဉ်ကျေးမှုဗဟိုကော်မတီအသင်း (WHG) ဥက္ကဌ(ငြိမ်း) ဦးထုံဖူးဒဂုဏ်အပါအဝင် ဦးဆားရ်ဝမ်ဖုန်နှင့် ဦးပီတာတို့ ဖြစ်သည်။

ထိုသူ ၃ ဦးကို ‘လူမျိုးရေးကိုဖြစ်စေ၊ ဘာသာရေးကိုဖြစ်စေ အကြောင်းပြ၍ ဆန္ဒမဲမပေးဘဲနေရပြောဆိုလှုံဆော်ခြင်း’ ရွေးကောက်ပွဲ ဥပဒေပုဒ်မ ၅၈(ဂ)ဖြင့် အရေးယူပေးရန်တိုင်တန်းထားသော်လည်း တရားခွင်တွင် မရောက်သေသည့် အမှုဖြစ်သည့်အတွက် မည်သည့် ပုဒ်မမြောက်ကြောင်း အသေးစိတ်မသိရသေးကြောင်း ဦးဆန်နိုင်ဒီးရမ် က ပြောသည်။

နိုဝင်ဘာလ ၂၅ရက်နေ့ နောင်မွန်းမြို့နယ်ရဲစခန်းတွင် တရားလိုအပါအဝင် သက်သေ ၅ဦးကို စတင်စစ်ဆေးခဲ့သည်ဟု သိရသည်။

ပူတာအိုခရိုင်သည် အင်တာနက် ဆက်သွယ်ရေးလိုင်းရရှိမှုနှုန်း နည်းပါးသော ဒေသဖြစ်သောကြောင့် ရွေးကောက်ပွဲ ကာလ သတင်းအမှားအများစုမှာ လူမှုစာမျှက်နာပေါ်ထက် မြေပြင်တွင် ပိုမိုပြန့်နှံခဲ့ကြောင်း KSPP ကိုယ်စားလှယ်လောင်းများက ပြောဆိုနေကြသည်။

Read Previous

KIO ဒု ဥက္ကဌ (ငြိမ်း) မှ အစိုးရ လွှတ်တော်ကိုယ်စားလှယ်ဖြစ်လာသူ KSPP ပါတီ ဥက္ကဌ ဒေါက်တာမနမ်တူးဂျာ

Read Next

တရားဝင် စာတင်ပြလာခြင်းမရှိသဖြင့် ဂါးရာယန်ဒေသခံအတွက် နေအိမ်ဆောက်ပေးရန်အစီစဉ်မရှိသေး

Leave a Reply

Your email address will not be published. Required fields are marked *