,

Breaking News :

ပင်လည်ဘူးမြို့နယ် ကျေးရွာပေါင်း ၁၀ ရွာခန့် ထွက်ပြေးတိမ်းရှောင်နေရ

စစ်ကောင်စီ လက်နက်ကြီးကြောင့် အသက် ၉ နှစ်အရွယ်ကလေးနှင့် မိခင် ထိခိုက်ဒဏ်ရာ ပြင်းထန်

လားရှိုး သိန္နီ လမ်းမပေါ်တိုက်ပွဲမှာ စစ်ကောင်စီဘက် ၃ ဦးသေဆုံး

စစ်ကောင်စီ ရိက္ခာသယ်ကား အစီ ၄၀ ကျော် မိုးကောင်းမှ တနိုင်းသို့ တက်သွား

မိုးမောက်မြို့  မိုင်းပေါက်ကွဲမူတွင် စစ်ကောင်စီမှ ၃ ဦး ဒဏ်ရာပြင်းထန်စွာရရှိ

အာဏာသိမ်း စစ်ခေါင်းဆောင် ပူတာအို ပြန်လာမည်ဟု သတင်းထွက်ပေါ်နေ

ကျေးရွာနဲ့ ဘုရားကျောင်းမကျန် စစ်ကောင်စီတပ် နေရာယူ

ပင်လည်ဘူးမြို့၊ ကောလင်းမြို့၊ ဝန်းသို မြို့နယ် (၃) ‌ခု အင်တာနက်လိုင်းများနှင့် ဖုန်းလိုင်းများ ထပ်မံဖြတ်တောက်ခံရ

စစ်ကောင်စီ မိုင်းကြောင့် မုံးကိုး ဖောင်းဆိုင်ဒေသခံတစ်ဦး နင်းမိ သေဆုံး

တနိုင်းသွားလမ်း လီဒိုလမ်းမပေါ် တွင် အာဏာသိမ်းနှင့် KIA တိုက်ပွဲ ပြင်းထန်နေ

ကချင်ပြည်နယ်တွင် Covid-19 လူနာ ၁၂ ဦးထပ်တိုး၊ မြစ်ကြီးနားမှ ၁ ဦးပါ

ဒီဇင်ဘာလ ၃ ရက်နေ့ ကချင်ပြည်နယ်တွင် Covid-19 ပိုးတွေ့လူနာအသစ် ၁၂ ဦးထပ်မံတွေ့ရှိကြောင်း ကချင်ပြည်နယ် Covid-19 အရေးပေါ်တုံ့ပြန်ရေးကော်မတီမှ သိရသည်။

အဆိုပါ ပိုးတွေ့လူနာအသစ် ၁၂ ဦးသည် မြစ်ကြီးနားမှ ၁ဦး၊ မိုးညှင်းမှ ၁ ဦးနှင့် ဖားကန့် လုံးခင်းမှ ၁၀ ဦးဖြစ်ကြောင်း ဒုညွှန်ကြားရေးမှူး ဦးတင့်နိုင် က ပြောသည်။

“လောလောဆယ်တော့ စာရင်းတော့မတင်သေးဘူးပေါ့လေ။ ဒီနေ့ ပိုးတွေ့တာ အားလုံးက ၁၂ ဆိုတာ အတည်ဖြစ်ပါတယ်။ ဖားကန့်ကတော့ ၁၀ယောက်စလုံး လုံးခင်းကဘဲ ပိုးတွေ့လူနာနဲ့ ထိစပ်မူရှိလို့ ကွာရန်တင်းထားတဲ့သူတွေ၊ မိုးညှင်းကတော့ ယာဉ်မောင်းတစ်ဦး၊ မြစ်ကြီးနားကတော့ ရန်ကုန်ကပြန်လာပြီး အသွားအလာကန့်သတ်ထားတဲ့ထဲက တွေ့တာဖြစ်တယ်။ ကျန်တာတွေကတော့ ထိစပ်တဲ့သူတွေကိုတော့ ဆက်ပြီးစုံစမ်းနေဆဲဖြစ်ပါတယ်။” ဟု ကချင်ပြည်နယ် Covid-19 ကာကွယ်ရေးနှင့် အရေးပေါ်တုံ့ပြန်ရေးကော်မတီမှ ဒုညွှန်ကြားရေးမှူး ဦးတင့်နိုင် က ပြောသည်။

ကချင်ပြည်နယ် ပိုးတွေ့လူနာ ပိုမိုများလာသည့်အတွက် ပြည်သူများအနေဖြင့် မလိုအပ်ပါက အပြင်မထွက်ရန်နှင့် ကျန်းမာရေးညွှန်ကြားချက်အတိုင်း လိုက်နာရန်လိုအပ်ကြောင်း ၎င်းကပြောသည်။

တစ်ပတ်အတွင်း ပိုးတွေ့လူနာ ၅၀ ဦးထိရှိလာပြီး အများဆုံးတွေ့ရှိသည့်မြို့နယ်သည် ဖားကန့်လုံးခင်းမှ ၄၄ ဦးထိ ရှိလာပြီဖြစ်သည်။

လက်ရှိကချင်ပြည်နယ် ပိုးတွေ့ရှိမူစာရင်းအရ ဆေးရုံဆင်းပြီးသူ ၁၆၅ ဦးရှိပြီး ဆေးကုသမူခံယူလျက်ရှိသည့်လူနာ ၆၈ဦးရှိသည်။ အဆိုပါ ၆၈ ဦးသည် ယနေ့ထပ်တိုး လူနာစာရင်းပါဝင်ခြင်းမရှိသေးပေ။

ကချင်ပြည်နယ်တွင် ဓါတ်ခွဲအတည်ပြုလူနာပေါင်း ပိုးတွေ့ရှိသူဦးရေ ၂၆၇ ဦး၊ ဓါတ်ခွဲအဖြေစောင့်ဆိုင်းဦးရေ ၄၉၅ ဦးရှိကြောင်း ကချင်ပြည်နယ်ကျန်းမာရေးဦးစီးဌာန၏ ဒီဇင်ဘာလ ၂ရက်နေ့ ထုတ်ပြန်ချက်အရ သိရသည်။

ကချင်ပြည်နယ်တွင် ပိုးတွေ့လူနာပေါင်း ၂၆၇ ဦးရှိသည့်အနက် ဖားကန့်မြို့နယ်တွင် ၁၅၃ ဦး၊ မြစ်ကြီးနား ၃၁ ဦး၊ မိုးကောင်း ၂၇ ဦး၊ ရွှေကူ ၂၂ ဦး၊ မိုးမောက် ၆ဦး၊ ဝိုင်းမော် ၃ဦး၊ တနိုင်း ၁ဦးရှိကြောင်း ကျန်းမာရေးဦးစီးဌာနမှ ထုတ်ပြန်ထားသည်။

တစ်နိုင်ငံလုံးအတိုင်းအတာ ဒီဇင်ဘာလ ၂ရက်နေ့ထိ ဓါတ်ခွဲနမူနာပေါင်း (၁,၂၀၂,၄၁၅)ရှိခဲ့ပြီး၊ အတည်ပြုလူနာပေါင်း (၉၃,၆၀၀)ဦးရှိကာ၊ ဆေးရုံဆင်းခွင့်ရရှိသူ(၇၂,၆၀၁)၊ သေဆုံးလူနာ (၁,၉၉၈) ရှိကြောင်း ကျန်းမာရေးဝန်ကြီးဌာနမှ ထုတ်ပြန်ထားသည်။

Read Previous

“ပေးထားတဲ့ကတိကဝတ်အတိုင်း အကြီးကြီးမလုပ်နိုင်ရင်တောင်မှ သူတို့တောင်းထားတဲ့ အတိုင်းတာပြည့်မီအောင်တော့ ဆောင်ရွက်သွားမယ်”

Read Next

ပူတာအို ခရိုင် အသေးစားလုပ်ကွက်ကိစ္စ KNC ပါတီက နိုင်ငံတော်သမ္မတရုံးသို့ အိတ်ဖွင့်ပေးစာ ပို့

Leave a Reply

Your email address will not be published. Required fields are marked *