,

Breaking News :

ပူတာအို စစ်အာဏာသိမ်းမှုဆန့်ကျင်သူ လူငယ်များကို ဝရမ်းထုတ်ထားသဖြင့် တိမ်းရှောင်နေရ

မိုင်းခွဲတိုက်ခိုက်ခံရသော အာဏာသိမ်းစစ်တပ်က ပြည်သူများကို ပြန်လည်ပစ်ခတ်

KIO ဌာနချုပ် နယ်မြေသို့ အာဏာသိမ်းစစ်တပ်က လက်နက်ကြီး ပစ်ခတ်

ကချင်ပြည်နယ် CDM လှုပ်ရှားမှုတွင် ပညာရေးဝန်ထမ်းအများစုပါဝင်ဟု KPICT ထုတ်ပြန်

CDM များကိုကူညီသော ပူတာအိုမှ သွားဆရာဝန်ကို အာဏာသိမ်းစစ်တပ်က ဖမ်းဆီး

“ပြည်သူက KIO ကို ပစ်ပယ် လိုက်လို့မရသလို၊ KIO ကလည်း ပြည်သူကို ပစ်ပယ်လို့ မရဘူး။” KIO ပြောရေးဆိုခွင့်ရှိသူဖြင့် မေးမြန်းခြင်း။

‘ယုဇန ကုမ္ပဏီ အလိုမရှိ’ ဆန္ဒဖော်ထုတ်သော ရွာသားတချို့ကို အာဏာသိမ်းစစ်တပ်က ရှာဖွေနေ

မိုးကောင်း နာရေးအိမ်တစ်ခုပစ်ခတ်ခံရပြီး ပြည်သူ ၁ ဦးထပ်မံ သေဆုံး

ဆိုင်ကယ်နှင့် ဖုန်း ဓါးပြတိုက်သွားသူများကို ကားဖြင့် လိုက်တိုက်ကာ ပစ္စည်းအချို့ ပြန်လည်ရရှိ

မိုးကောင်းမြို့  NLD ပါတီဝင် ၃ ဦး ဖမ်းဆီးခံရ

ကိုဗစ်အတည်ပြုလူနာများလာသော ဖားကန့်တွင် ကွာရန်တင်းစင်တာအတွက် အခက်အခဲရှိလာ

ဓါတ်ပုံ – ဦးတင့်စိုး (ဖားကန့် ပြည်သူ့လွှတ်တော်ကိုယ်စားလှယ်)

ကချင်ပြည်နယ် ဖားကန့်မြို့နယ် လုံးခင်းကျေးရွာတွင် ကိုဗစ်-၁၉ အတည်ပြုလူနာအဆမတန်တိုးလာသည့်အတွက် ကွာရန်တင်း စင်တာများတွင် နေရာအခက်ခဲရှိလာကြောင်း လုံးခင်းတိုက်နယ်ဆေးရုံအုပ်ကြီး ဒေါက်တာကျော်မျိုးထွန်းထံမှ သိရသည်။

“လောလောဆယ်တော့ အထက စာသင်ကျောင်းမှာတော့ နေရာကကုန်သလောက်နီးပါးကို များလာပြီ။ သူရဲ့ အနီးစပ်ဆုံး Contact တွေကိုထားရတယ်။ နေရာအခက်ခဲက တော်တော်ကိုခက်ခဲနေတယ်။ ဘယ်လိုလုပ်ရမလဲဆိုတာတော့ သက်ဆိုင်ရာ မြို့နယ်ကျန်းမာရေးဌာနနှင့် မြို့နယ်ထွေအုပ်က ဆုံးဖြတ်ပေးမှာပေါ့။” ဟု လုံးခင်းတိုက်နယ်ဆေးရုံအုပ် ဒေါက်တာကျော်မျိုးထွန်းက ပြောသည်။

ဒီဇင်ဘာ ၈ရက်နေ့ထိ လုံးခင်းကျေးရွာတွင် ပိုးတွေ့လူနာပေါင်း ၁၀၃ ဦးရှိလာနေပြီး ကချင်ပြည်နယ်တစ်ပြည်လုံးတွင် ပိုးတွေ့ရှိမူတွင် ဖားကန့်သည် အများဆုံးဖြစ်သည်။

အရပ်ဘက်အဖွဲ့အစည်းများ၏ စစ်တမ်းအရ ဖားကန့်မြို့နယ်တွင် လက်လုပ်လက်စား၊ ရွှေ့ပြောင်းအလုပ်သမားများ ၄သိန်းခန့်ရှိကာ လူဦးရေထူထပ်သောနေရာတစ်ခုလည်း ဖြစ်သည်။

ထို့ကြောင့် လူဦးရေ ထူထပ်သောဖားကန့်မြို့နယ်တွင် ကိုဗစ်-၁၉ ကာကွယ်ကုသရေးလုပ်ငန်းများတွင်လည်း အခက်အခဲရှိနေကြောင်း ဒေါက်တာကျော်မျိုးထွန်းက ဆက်ပြောသည်။

“ပိုးတွေ့တဲ့ လူနာများတယ်ဆိုတာ ဒီမှာကလူဦးရေများတယ် အိမ်ခန်းဌားတွေများတယ်။ လက်လုပ်လက်စားတွေများတယ်။ ရွှေ့ပြောင်းအလုပ်များတော့ ဒီမှာတော့ တစ်ယောက်တွေ့ပြီဆိုရင် တွေ့တဲ့နူန်းကတော့ များလာတယ်။ ဒါက ထိန်းချုပ်ရခက်တယ်။ ကိုယ်ပိုင်အိမ်ပိုင်ဆိုရင် Home Q သဘောမျိုးထိန်းချုပ်ဖို့ လွယ်ပေမယ့် အိုးပိုင်အိမ်ပိုုင်မရှိတဲ့သူတွေကတော့ ထိန်းချုပ်ရခက်တယ်ပေါ့လေ။ ခုလောလောဆယ်တော့ နေအိမ်ကွာရန်တင်း Home stay နဲ့ ပါဆယ်လေ့ာဒ်ဒေါင်း တစ်ချို့ပိုးတွေ့တဲ့ရပ်ကွက်ဆိုရင် လမ်းတွေပိတ်လိုက်တယ်။ ဒီလိုဘဲ တစ်စိတ်တစ်ဒေသနဲ့ လုပ်ဆောင်နေပါတယ်။” ဟု ဒေါက်တာကျော်မျိုးထွန်းက ပြောသည်။

လက်ရှိတွင် အနံ့ပျောက်သည့်သူများအား အ.မ.က မူလတန်းကျောင်းတွင်ထားပြီး အတည်ပြုလူနာနှင့်ထိစပ်သူများသည် လုံးခင်း အ.ထ.က စာသင်ကျောင်းတွင် ထားရှိကြောင်း သိရသည်။

ဒီဇင်ဘာလ ၈ရက်နေ့ ကချင်ပြည်နယ်ကျန်းမာရေးဦးစီးဌာန၏ ထုတ်ပြန်ချက်အရ ဖားကန့်မြို့နယ်တွင် လုံးခင်း ၄ဦးပါဝင်ပြီး၊ ဆိပ်မူ ၆ဦး၊ ဆိုင်းတောင် ၂ ဦး စုစုပေါင်း ၁၂ဦးဖြစ်ကြောင်း ထုတ်ပြန်ချက်အရ သိရသည်။

ဒီဇင်ဘာလ ၇ရက်နေ့ထိ ကချင်ပြည်နယ်တစ်ပြည်နယ်လုံးတွင် ပိုးတွေ့လူနာစုစုပေါင်း ၃၁၂ဦးရှိပြီဖြစ်ပြီး ဆေးရုံဆင်းပြီးသူ ၁၉၆ ဦးရှိကြောင်း ထုတ်ပြန်ချက်အရ သိရသည်။

Read Previous

ကချင်မြောက်ဖျားပိုင်း နောင်မွန်းဒေသတွင် အင်တာနက်လိုင်းပေးရန် ဒေသခံ လူငယ်များတောင်းဆို

Read Next

ကိုယ်စားလှယ်လောင်း ရွေးကောက်ပွဲအသုံးစာရင်းတင်သွင်းမှု မိုးညှင်းခရိုင်တွင် ၉၀ ရာခိုင်နှုန်းပြီးစီး

Leave a Reply

Your email address will not be published. Required fields are marked *