,

Breaking News :

တန့်ဆည်၊ ကျွန်းလှမြို့နယ်များတွင် စစ်ကောင်စီတပ်မှ စစ်ရဟတ်ယာဉ်များဖြင့် လာရောက်ပစ်ခတ်သော်လည်း လူထိခိုက်မှု မရှိ

ပန်ဆိုင်းဘက်မှာ စစ်ကောင်စီ နဲ့ ကိုးကန့် MNDAA တိုက်ပွဲ ဆက်လက်ဖြစ်ပွားနေ

မူဆယ် မိုင်းယု ၁၀၅ မိုင် ကုန်သွယ်ရေးဇုန်ရှေ့က ဆိုင်တန်းလျားမှာ မီးလောင်မှု ဖြစ်ပွား 

အင်ဂွမ်လကျေးရွာ ကျောင်းသား ၁၀၀ နီးပါးခန့်တွင် Covid-19 ကူးစက်ခံရသဖြင့် အကူညီလိုအပ်နေ

တစ်ရက်အတွင်း တနိုင်း-တရုန် လမ်းကြောင်းပေါ် နေရာ ၂ ခုမှာ စစ်ကောင်စီတပ်ကို KIA မိုင်းဆွဲတိုက်ခိုက်

မူဆယ်မြို့နယ်မှာ တရုတ်ဘက် နယ်နမိတ်ကျူးကျော် သံဆူးကြိုးခတ်လာမှုကို ဒေသခံများ ပြန်လည်ဖျက်ဆီး

နောင်မွန်မြို့  Covid-19 လူများအတွက် အောက်စီဂျင်အိုးများ ထပ်မံ လိုအပ်နေ

စစ်ကောင်စီနဲ့ ကိုးကန့် MNDAA တိုက်ပွဲကြောင့် ပန်ဆိုင်းမြို့ခံများ ကားနဲ့ နေအိမ်အချို့ ထိခိုက်ပျက်စီး

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

တနိုင်း-ရှင်ဗွေယန် လမ်းမပေါ်  စစ်ကောင်စီတပ်ကို KIA မိုင်းခွဲ တိုက်ခိုက်

နေရပ်ပြန်မည့် ဒဘတ်ကျေးရွာတွင် မိုင်းရှင်းလင်းပြီးစီးကြောင်း တပ်မတော် ထုတ်ပြန်

တပ်မတ​ော်သတင်းမှန်ပြန်ကြားရေးအဖွဲ့

ကချင် စစ်ရှောင်များနေရပ်ပြန်ရန်ရွေးချယ်ထားသော ဝိုင်းမော်မြို့နယ် ဒဘတ်ယန်ကျေးရွာတွင် မိုင်းရှင်းလင်းရေးလုပ်ငန်းများ ပြီးစီးကြောင်း တပ်မတော်သတင်းမှန်ပြန်ကြားရေးအဖွဲ့က ဒီဇင်ဘာ ၂၁ ရက်နေ့တွင် ထုတ်ပြန်ထားသည်။

သို့သော်လည်း ရွာဝန်းကျင်ကိုသာ ရှင်းလင်းထားပြီး စစ်ရှောင်များ၏တောင်ယာနှင့် လမ်း စသည်နေရာများတွင် ရှင်းလင်းခြင်းမရှိသေးကြောင်း သိရသည်။ ထိုနေရာများတွင် မသင်္ကာဖွယ်ရာများတွေ့ရှိပါက ကိုင်တွယ်ခြင်းမပြုဘဲ သက်ဆိုင်ရာကိုအကြောင်းကြားရန် ညွန်ကြားထားကြောင်း KBC ဖွံ့ဖြိုးရေးဌာနဘက်မှ သိရသည်။

တပ်မတော်၏ ထုတ်ပြန်ချက်ထဲတွင် ဒဘတ်ကျေးရွာအတွင်းရှိ လူနေအိမ် ၂၆၈ လုံး၊ ခရစ်ယာန်ဘုရားကျောင်း ၂ ကျောင်း၊ စာသင်ကျောင်း ၁ ကျောင်း၊ အုပ်ချုပ်ရေးမှူးရုံး ၁ ရုံး၊ ကျေးလက်ကျန်းမာရေး ဌာနခွဲ ၁ ခုနှင့် ကျေးရွာအဝင်အထွက်လမ်းများကို ရှင်းလင်းခဲ့ရာ တိုက်မိုင်းကိုယ်ထည် ၁၀ လုံး ဖော်ထုတ်ခဲ့သည်ဟု ဆိုသည်။

ကချင်စစ်ရှောင်များ နေရပ်ပြန်ရန် ကျေးရွာ ၁၇ ရွာအနက် ဦးစားပေးရွေးချယ်ထားသော ဒဘတ်ယန်ကျေးရွာတွင် ဒီဇင်ဘာ ၁၃ ရက်မှ ၁၆ ရက်အထိ မြန်မာ့တပ်မတော်က မိုင်းရှင်းလင်းရေးလုပ်ငန်းဆောင်ရွက်ပြီးစီးခဲ့ပြီး ဝိုင်းမော်မြို့နယ် အထွေထွေအုပ်ချုပ်ရေးမှူးရုံးမှ ဒုတိယဦးစီးမှုး ဦးနိုင်ဝင်း ထံအပ်နှံပေးခဲ့ကြောင်း ၎င်းထုတ်ပြန်ချက်အရ သိရသည်။

ဒဘတ်ကျေးရွာနေရပ်ပြန်ရေးအတွက် လူဦးရေ စီစစ်ခြင်းများကို လွန်ခဲ့သည့် လအနည်းငယ်မှစတင်လုပ်ဆောင်ခဲ့ကာ လက်ရှိတွင် ကျေးရွာအတွင်း နေအိမ်များ ရှင်လင်းနေပြီဖြစ်သည်။

စစ်ရှောင် ၁၀ နှစ်ခန့်ကြာပြီးနောက် ပထမအကြိမ် ကျေးရွာ၏ ကျေးဇူးတော်ချီးမွမ်းခြင်းနှင့် ခရစ်စ္စမတ်ပွဲတော်ကို ဒီဇင်ဘာလ ၁၉ ရက်နေ့တွင်ပြုလုပ်ခဲ့ကြသည်။

“ကိုယ့်ကျေးရွာတွင်ပြန်လာနိုင်မယ်ဆိုတော့ ပျော်တာပေါ့။ ဒါပေမဲ့ လုံခြုံရေးအတွက်တော့ ဘယ်သူမဆို စိုးရိမ်ရတာပေါ့။ ဘယ်တော့ဘယ်ချိန်ဘယ်လိုပြန်ဖြစ်လာမယ်ဆိုတာ ဘယ်သူမှ မသိထားဘူး။ ကြောက်စိတ်နှင့် စိုးရိမ်မှုတွေတော့ရှိနေဆဲပေါ့။” ဟု အသက် ၇၀ ခန့်အရွယ်ရှိ ဒေါ်မရန်နန်ဘောက် က ပြောပြသည်။

ဒဘတ်ယန်ကျေးရွာတွင် ပြန်လည်နေထိုင်ရန်အတွက် စာရင်းပေးထားသော အိမ်ထောင်စု ၃၀၃ စုရှိကာ KHCC နှင့် အစိုးရ တို့က ဦးစီးဆောင်ရွက်နေကြောင်း သိရသည်။

ကချင်လူသားချင်းစာနာထောက်ထားမှုအဖွဲ့ KHCC က ဂျပန် နိပွန်ဖောင်ဒေးရှင်း၏ ကူညီထောက်ပံ့မှုဖြင့် ဒဘတ်ယန် အိမ်ထောင်စု ၂၀၀ ကျော်ကို တစ်အိမ်ထောင်လျှင် သိန်း ၃၀-၄၀ ကြား ကုန်ကျကာ ဆောက်လုပ်ပေးမည်ဖြစ်သည်ဟု KHCC ဘက်မှ သိရသည်။

အစိုးရ ဦးဆောင်သော ဒဘတ်ယန်အိမ်ထောင်စု ၃၀ ကျော်အတွက် နေရပ်ပြန်ရေးအစီစဉ်ကို တရုတ်နိုင်ငံက ကူညီသော ငွေကြေးကို အသုံးပြုမည်ဖြစ်ပြီး ဒဘတ်ယန် တစ်အိမ်ထောင်လျှင် မည်မျှ သုံးစွဲမည်ကို မသိရသေးပေ။

ကချင်ပြည်နယ်တွင် တပ်မတော်နှင့် KIO တို့ကြား အပစ်အခတ်ရပ်စဲရေး သဘောတူစာချုပ်ရေးထိုးနိုင်ခြင်းမရှိသေးသောကြောင့် စစ်ရှောင်များအနေဖြင့်လည်း လုံခြုံစိတ်ချမှုများမရှိရသေးကြောင်းပြောဆိုနေကြသည်။

 

Read Previous

နေရပ်မပြန်တော့သည့် ရှဒူးဇွပ် စစ်ရှောင်များ ယုဇနသိမ်းဆည်းမြေနေရာတွင် အခြေချရန်ဆုံးဖြတ်

Read Next

ရွေးကောက်ပွဲရလဒ်ကို ကျေနပ်မှု မရှိကြောင်း မိုးကောင်းတွင် ဆန္ဒဖော်ထုတ်

Leave a Reply

Your email address will not be published. Required fields are marked *