,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

ဘွမ်ရာယန်စစ်ရှောင်စခန်းတွင် ကလေးများစာသင်ကြားနိုင်ရန် အကူညီအများအပြားလိုအပ်နေ

အင်ဂျန့်ယန်မြို့နယ် ဘွမ်ရာယန်ကျေးရွာတွင် စစ်ရှောင်နေသော ကလေးများ စာသင်ကြားရာတွင် ထိုင်ခုံ ၊ စာရေးခုံနှင့် နေရာမလုံလောက်သောကြောင့် အခက်အခဲကြုံနေရသည်ဟု စခန်းတာဝန်ခံများထံ မှ သိရသည်။

ယခုအပတ် ဇွန်လ ၁၄ ရက်မှစတင်ပြီး ဆရာ၊ ဆရာမအနည်းငယ်နှင့် စခန်းတွင်စာသင်ကြားနေပြီဖြစ်သော်လည်း  ကလေးပညာရေးအတွက် ကူညီထောက်ပံ့မှု မျိုးစုံ လိုအပ်နေသေးကြောင်း အမည်မဖော်လိုသူ တာဝန်ရှိသူတစ်ဦးက ပြောသည်။

“မေ ၂၅ ရက်ကနေ နာမည်အကုန်ထည့်ထား ကောက်ထားပြီးပေမဲ့ စာသင်ဆောင်အမြန်မဆောက်နိုင်လို့ ဇွန် ၁၄ မှ စပြီးဖွင့် နိုင်တယ်။ စာသင်ဆောင်ကို မိုးကာနှင့် မိုးထားပေမယ့် မလောက်ဘူး။ အဲ့ထဲမှာ ကလေးတွေအတွက် ထိုင်ခုံမလောက်တော့ တစ်ချို့ကျ ကြမ်းပြင်မှာ ကိုယ့်ဖိနပ်ခံပြီး ထိုင် တစ်ချို့ကျတော့ ၆ ယောက်ပဲဆံ့တဲ့ခုံမှာ ၈ ယောက်လောက် ပူးကပ်ထိုင်ပြီး သင်နေရတယ်။” ဘွမ်ရာယန်စစ်ရှောင်စခန်းတွင် ပညာရေး တာဝန်ထမ်းဆောင်နေသူ တစ်ဦးက ပြောသည်။

ဘွမ်ရာယန်စစ်ရှောင်စခန်းသည် မြို့ဖြင့်ဝေးသောနေရာဒေသဖြစ်သောကြောင့် စာသင်ကျောင်းဆောင်နှင့် စားပွဲခုံများကို ဝါးဖြင့် ပြုလုပ်ရန်ကြိုးစားသော်လည်း သစ်၊ ဝါး ရှားပါးမှုကြောင့် ချက်ချင်း အပြီးဆောက်လုပ်နိုင်ရန် ခက်ခဲနေကြောင်း သိရသည်။

လက်ရှိတွင် ဘွမ်ရာယန်စစ်ရှောင်ကလေးများအတွက် ၆ တန်းအထိ ဖွင့်လှစ်ထားတာသော်လည်း ၄ တန်း အထိသာ ထိုင်ခုံရှိသောကြောင့် ကျန်သည့်အတန်းများမှာ မြေကြီးပေါ် ထိုင်ကာ သင်နေရသည်ဟု ဆိုသည်။

ထို့အပြင် စခန်းသို့ စေတနာ့ဝန်ထမ်းဖြင့် လာရောက်သင်ကြားပေးနေသော ဆရာ၊ ဆရာမများအတွက်လည်း အစားအသောက်ကူညီမှုနှင့် နေစရာအဆောင်များ လိုအပ်နေသေးကြောင်း သိရသည်။

ဘွမ်ရာယန်ကျေးရွာသည် ရာသီဥတုကြမ်းတမ်းပြီး သောက်ရေမသန့်ရှင်းမှုကြောင့် သက်ကြီးရွယ်အိုနှင့် ကလေးငယ်များတွင် ဖျားနာမှုရှိနေကြောင်း သိရသည်။

“မိုးရာသီဆိုတော့ မြေ အကုန်နီ သူတို့အတွက်ဖိနပ် ဖနပ်တောင် ဒီမြေကြီးနီနီနဲ့အဆင်ပြေနိုင်တဲ့ မိုးစီးဖိနပ်မျိုးပေါ့။ ပြီးရင် မိုးကာ ထီးတွေကအစ အကုန်လိုအပ်နေသေးတယ်။” ဟု ၎င်းက ဆက်လက်ပြောသည်။

ကျောင်းသားစုစုပေါင်း  ၁၆၈ ဦး နှင့် သင်ကြားပေးသော ဆရာ၊ ဆရာမ စုစုပေါင်း ၁၁ ယောက် ရှိကြောင်း သိရသည်။

ဘွမ်ရာယန်စစ်ရှောင်များသည် စစ်တပ်အာဏာသိမ်းပြီးနောက် အင်ဂျန့်မြို့နယ်တွင် ကချင်လွတ်လပ်ရေးတပ်မတော် KIA နှင့် အာဏာသိမ်းစစ်တပ်တို့ကြား တိုက်ပွဲပြင်းထန်လာသဖြင့် ထွက်ပြေးခဲ့ရသူများဖြစ်သည်။

Read Previous

ရွှေကူတွင် PDF မသင်္ကာသူများကို အိမ်ထောင်စုစာရင်းနှင့်တကွ လိုက်လံဖမ်းဆီးနေ

Read Next

ဖားကန့်တွင် အာဏာသိမ်းစစ်တပ်ကို KIA မိုင်းဆွဲ တိုက်ခိုက်