,

Breaking News :

မြောင်တွင် စစ်ကောင်စီ နှင့် ပျူစောထီးအဖွဲ့များတိုက်ခိုက်ခံရပြီး ၂ဦး သေဆုံး

အင်းတော်တွင် ကလေးအပါအဝင် အရပ်သား ၁၀ ဦး စစ်ကောင်စီ က လူသားဒိုင်းအဖြစ် ဖမ်းဆီးခေါ်ဆောင်

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ဗန်းမော်တွင် ရဲသား ၂ ဦးပစ်ခံရပြီးနောက် ပြည်သူ ၆ ဦးဖမ်းဆီးခံရ

မူဆယ်မြို့တွင် ၁ ရက်အတွင်း ပိုင်ရှင်မဲ့အလောင်း ၂ လောင်းတွေ့ရှိ

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

စစ်အာဏာသိမ်းပြီး ပိတ်ထားသော တာမခန်ဆေးရုံကို ဒေသခံများ ကြပ်မတ်ကာ အခမဲ့ဆေးရုံအဖြစ် ပြန်ဖွင့်

စစ်အာဏာသိမ်းမှုကြောင့် ၆ လကျော်ကြာ ပိတ်ထားသော ဖားကန့်မြို့ တာမခန်ကျေးရွာဆေးရုံကို Covid-19 ကာကွယ်တားဆီးရေးအတွက် ဒေသခံပြည်သူများ ဦးစီးမှုဖြင့် ကိုယ်ထူကိုယ်ထ အခမဲ့ဆေးခန်းအဖြစ် ပြန်လည်ဖွင့်လှစ်လိုက်ကြောင်း သိရသည်။

ဒေသခံများကိုယ်တိုင် ကြပ်မတ်ဖွင့်လှစ်ထားခြင်းဖြစ်ပြီး ကိုဗစ် လူနာများကို ကုသနိုင်ရေး ဆောင်ရွက်နေသည်မှာ ၄ ရက် ရှိပြီဟု တာဝန်ရှိသူတစ်ဦးက KNG သတင်းဌာနကို ပြောဆိုခဲ့သည်။

“ဒီအချိန်မှာက ဆေးရုံဆေးခန်းတို့သွားဖို့ အရမ်းခက်ခဲတယ်။ ဖားကန့် ဆေးရုံးကြီးလည်း မနိုင်တော့ဘူး။ သွားရင်လည်း လက်မခံတော့ဘူး။ ပြီးရင် ကုသဖို့ ပို့လိုက်တဲ့သူတွေလည်း ဆုံးသွားတာများတယ်။ ပြည်သူတွေအားလုံးက ပြည်သူပိုင်ဆေးရုံဖွင့်ဖို့ သဘောတူလိုက်ကြတယ်။ အားလုံးဝိုင်းဝန်းကူညီပြီး လုပ်ထားတဲ့သဘောပါ”ဟု ပြောဆိုသည်။

ကိုဗစ်ရောဂါ ကူးစက်ခံထားရသူများနှင့် ကျေးရွာအတွင်း နာမကျန်းဖြစ်သူများ မည်သူမဆိုကို အခမဲ့ကုသွားရန် စီစဥ်ထားသည်ဟု သူကဆက်ဆိုသည်။

“အခုက ရပ်ကွက်အတွင်း ကိုဗစ်ကူးစက်ခံရတဲ့သူတွေက တစ်ရက်ထက် တစ်ရက်ပိုပိုများလာတယ်လို့ ပြောလို့ရတယ်ပေါ့။ ပြည်သူတွေပိုက်ဆံမရှိရင်လည်း မပူရတော့ဘူး။ အားလုံးအခမဲ့ကုသခွင့်ရအောင် ဆောင်ရွက်နေတယ်။ အဓိကတော့ ကိုယ့်လူကို ရအောင်ကယ်တဲ့သဘောပါ”ဟု ပြောဆိုသည်။

ဆေးရုံတွင် ကုသဆရာဝန် ၂ဦးနှင့် သူနာပြုဆရာမ ၅ဦးခန့် ဌားရမ်းထားပြီး လက်ရှိတွင် ဆရာဝန် ၁ ဦးနှင့် သူနာပြု ၄ဦးက ကုသပေးနေကြောင်းသိရသည်။

ဒေသခံပြည်သူများအနေနှင့် ကိုယ်ထူကိုယ်ထ ဆေးရုံဖွင့်နိုင်ဖို့ရန်အတွက် အလှူကောက်ခံခဲ့ရာ ရရှိလာသော သိန်း ၈၀၀ ခန့်ဖြင့် စတင်လုပ်ဆောင်လာခြင်းဖြစ်သည်ဟု ဆိုသည်။

ကိုယ်ထူကိုယ်ထ ဆေးရုံကို ယခင် တာမခန်ကျေးရွာအတွင်းရှိ ဆေးရုံးနေရာတွင်သာ ကုသပေးနေကြောင်းသိရသည်။

တာမခန်ဆေးရုံသည် စစ်ကောင်စီ အာဏာသိမ်းပြီးနောက် ကျန်းမာရေးဝန်ထမ်းများ CDM ပြုလုပ်သွားသဖြင့် သော့ခတ်ပိတ်ထားခဲ့ရသော ဆေးရုံဖြစ်သည်။

လက်ရှိတာမခန်ကျေးရွာတွင် ကိုဗစ်ကူးစက်ခံရသည့် အတည်ပြုလူနာ ၇၀ ကျော်အထိရှိနေပြီး သေဆုံးသူ ၃ ဦးရှိကြောင်း သိရသည်။

Read Previous

မိုင်းနား KBC စစ်ရှောင်စခန်းမှ အမျိုးသမီး ၂ ဦးတွင် Covid-19 ပိုးတွေ့

Read Next

Lockdown ချထားသည့် မိုင်းနား KBC စစ်ရှောင်စခန်းတွင် အစားအသောက်ထောက်ပံ့မှုလိုအပ်နေ

Leave a Reply

Your email address will not be published.