,

Breaking News :

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

ကန်ရင်းကျေးရွာနှင့် PDF စခန်းတစ်ခုကို စစ်ကောင်စီတပ်မှ အင်အား ၂၀၀ခန့်ဖြင့် စီးနင်း

မိုးမောက်မြို့နယ် စစ်ကောင်စီ တပ်ကြပ်ကြီးတစ်ဦးအပါအဝင် ယောက်ဖဖြစ်သူကို အမည်မသိအဖွဲ့မှ ဖမ်းဆီးသွား

သတင်းပေးမူကြောင့် အရာတော် သစ်ကျင်းကြီးကျေးရွာ နေအိမ် ၅ လုံးကို စစ်ကောင်စီ မီးရှို့ဖျက်ဆီး

မြောက်ဖျားပိုင်း နောင်မွန်မြို့တွင် Covid-19 ပိုးကူးစက်မှု အလွန်များလာ

သတ်မှတ်ချိန်အတွင်း ဖြတ်မောင်းလာသည့် ဆီဘောက်ဆာကား မိုင်းဆွဲခံရ

ပန်ဆိုင်း ရဲစခန်းကို ကိုးကန့်တပ် တိုက်ခိုက်ပြီးနောက် မုံးကိုးဘက်လည်း တိုက်ပွဲ ဆက်လက်ဖြစ်ပွားခဲ့

ပန်ဆိုင်း (ကြူကုတ်) တိုက်ပွဲမှာ အရပ်သား ပြည်သူ ၃ ဦး သေဆုံး

ICRC မှ Covid-19 ကာကွယ်ရေးပစ္စည်းများကို KIO သို့ သွားရောက်ကူညီ

ကချင်လွတ်လပ်ရေးအဖွဲ့ KIO နယ်မြေရှိ ပြည်သူများအတွက် လိုအပ်သော Covid-19 ကာကွယ်ရေး အသုံးဆောင်ပစ္စည်းနှင့် ဆေးဝါးများကို ICRC – International Committee of the Red Cross မှ စက်တင်ဘာ ၂၈ ရက်နေ့ လာရောက်ပေးအပ်ခဲ့ကြောင်း လိုင်ဇာမြို့ KIO ကိုဗစ်ကာကွယ်ထိန်းချုပ်ရေးကော်မတီမှ သိရသည်။

ICRC မှ တိုက်ရိုက်သွားရောက်ပေးအပ်ခြင်းမဟုတ်ဘဲ ကချင် ငြိမ်းချမ်းရေးအကျိုးဆောင်အဖွဲ့ PCG မှတဆင့် မိုင်ဆပ်ပါ Quarantine Center တွင် သွားရောက်ပေးအပ်ခဲ့ခြင်းဖြစ်သည်ဟု သိရသည်။

“ICRC မှာ တာဝန်ကျတဲ့သူတွေကိုယ်တိုင် ဒီမှာလာပြီး ကိုဗစ်ကာကွယ်ရေးကော်မတီတွေနဲ့ တွေ့ဆုံပြီး ပြောချင်တယ် လာချင်တယ်။ တာပေမဲ့ သူတို့ကို ခွင့်မပြုတဲ့အတွက် သူ့တို့ကိုယ်စား ကျနော်တို့ PCG အနေနဲ့ ကြားကနေလာရင်တော့ ရတယ်ဆိုလို့ ကျနော်တို့ ICRC အားလုံးကိုယ်စား ကူညီလိုက်တဲ့ဆေးဝါးတွေကို လာအပ်တာဖြစ်တယ်။” ဟု PCG မှ ဦးလမိုင်ဂွမ်ဂျာက KIO ‘Alen Yang TV’ သတင်းတွင် ပြောဆိုထားသည်ကို တွေ့ရသည်။

ICRC – International Committee of the Red Cross အနေဖြင့် KIO အစိုးရထံ Covid-19 ကာကွယ်ရေးပစ္စည်း ပေးအပ်သည်မှာ ၁ နှစ်ကျော်အတွင်း ၃ ကြိမ်မြောက် ရှိပြီဟု သိရသည်။

လက်ရှိ လက်ခံရရှိသည့် ကိုဗစ်ကာကွယ်ရေး အသုံးအဆောင်နှင့် ဆေးဝါးများကို KIO အရှေ့ပိုင်းတိုင်းစစ်ဌာနချုပ် နှင့် ဗဟိုဌာနချုပ်တွင် ပို့ဆောင်အသုံးပြုနေကြောင်း KIO ကိုဗစ်ကာကွယ်ရေး ဗဟိုအတွင်းရေးမှူး ဗိုလ်မှူးကြီး ဟိန်းဝမ်က KNG ကို ပြောသည်။

“များသောအားဖြင့် PPE ၊ အရက်ပြန် ၊ နှခေါင်းစည်း Mask ၊ ပိုးသတ်ဆေး ၊ လက်သန့်ဆေး နှင့် အခြား ဆေးတွေကိုရတာဖြစ်တယ်။ ကျနော်တို့ ဒီမှာလဲ သုံးတယ်။ အရှေ့ပိုင်းတိုင်းစစ်ဌာနချုပ်ကိုလဲ ပို့ပေးတယ်။ ကျနော်တို့ ဌာနချုပ် မှာလဲ လိုသလောက်တော့ ရောက်တယ်။ ကျနော်တို့အနေနဲ့လည်း လိုအပ်တာတွေရှိရင် ICRC ကို ကူညီပေးပါဆိုပြီး အခုတလော ရောဂါအဖြစ်များလာလို့ ပြန်ပြီး ကူညီထောက်ပံ့တာဖြစ်တယ်။” ဟု ဆိုသည်။

ကချင်လွတ်လပ်ရေးအဖွဲ့ KIO နယ်မြေတွင် ပြီးခဲ့သည့် ဇူလိုင်လခန့်က ကူးစက်မှုအမြင့်ဆုံးရောက်ခဲ့သော်လည်း KIO က ပြန်လည်ထိန်းချုပ်လိုက်နိုင်ပြီးနောက် ယခုချိန် ကန့်သတ်ချက်များကို ဖြေလျှော့လိုက်ပြီ ဟု သိရသည်။

Read Previous

မိုးမောက်မြို့အနီး စစ်ကောင်စီတပ်ကို KIA ကြားဖြတ် တိုက်ခိုက်

Read Next

တိုက်ပွဲကြောင့် မုံးကိုးဘက်ကို စျေးလာဝယ်တဲ့ ဖောင်းဆိုင်ဒေသခံတွေ အပြန်လမ်းပိတ်

Leave a Reply

Your email address will not be published. Required fields are marked *