,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

မိုးမောက်မြို့အနီး စစ်ကောင်စီတပ်ကို KIA ကြားဖြတ် တိုက်ခိုက်

မိုးမောက်မြို့နယ် လုံဂျာကျေးရွာအုပ်စု ကျောက်စခန်းကျေးရွာဘက်တွင် စစ်အင်အားတိုးချဲ့လာသော စစ်ကောင်စီတပ်ဖွဲ့ကို ကချင်လွတ်လပ်ရေးတပ်မတော် KIA က ယနေ့နံနက် ၁၀နာရီဝန်းကျင်ခန့်က တိုက်ခိုက်ခဲ့ကြောင်း သိရသည်။

မိုးမောက် အခြေစိုက် နယ်မြေခံတပ်ရင်း ခမရ ၄၃၇ တပ်ရင်းမှ စစ်အင်အား ၁၀၀ ကျော်ခန့်က ခြေကျင်ဖြင့် KIA ရှိသည့် လုံဂျာအုပ်စုဘက်သို့ ဝင်ရောက်လာသောကြောင့် KIA တပ်မဟာ ၃ တပ်ဖွဲ့က တိုက်ခိုက်ခဲ့ခြင်း ဖြစ်သည်ဟု လုံဂျာဒေသခံတစ်ဦးက KNG သတင်းဌာနကို ပြောဆိုခဲ့သည်။

“တိုက်ပွဲဖြစ်တဲ့နေရာက လုံဂျာတောင်ခြေမှာ ဖြစ်တာဟုတ်တယ်။ ပုံမှန်ဖြစ်နေရာ ပုံစံပါဘဲ။ စစ်ကောင်စီတပ်က စစ်ရေးလှုပ်ရှားသွားလာလို့ KIA နဲ့ တွေ့ပြီး KIA က ကြားဖြတ်တိုက်ခိုက်တယ်။ တိုက်ပွဲဖြစ်တာက ခဏဘဲ မကြာဘူး။ ထိခိုက်မှုက မကြားမိဘူး” ဟု ပြောဆိုသည်။

တိုက်ပွဲဖြစ်ပွားခဲ့သည့်နေရာမှာ မိုးမောက်မြို့နှင့် ၂ မိုင်ခန့်ဝေးသည့်နေရာတွင် ဖြစ်ပြီး ၂ ဖက်တပ် ပစ်ခတ်မှုတွင် အာဏာသိမ်းစစ်တပ်က ထိခိုက်မှုရှိနိုင်ကြောင်း သူကဆက်ဆိုသည်။

KIA ကကြားဖြတ်တိုက်ခိုက်သည့် ထိုနေရာတွင် အပြန်အလှန် လက်နက်ကြီး လက်နက်ငယ်များဖြင့် ပစ်ခတ်ခဲ့ပြီးနောက် ၁၁ နာရီဝန်းကျင်အထိ အာဏာသိမ်းစစ်တပ်အဖွဲ့က KIA ရှိသည့်ဘက်ကို လက်နက်ကြီးများ ရမ်းသမ်းပစ်ခတ်ခဲ့ကြောင်း သိရသည်။

လုံဂျာကျေးရွာဘက်တွင် တိုက်ပွဲဖြစ်ပွားမှုနှင့်ပတ်သက်ပြီး “အဲ့ဘက်တိုက်ပွဲဖြစ်တာသေချာပါတယ်။ လက်နက်ကြီး အသံတွေ အကျယ်ကြီးကြားရတယ်။ မနက် ၁၁ နာရီနောက်ပိုင်းမှ အသံတွေပြန်ငြိမ်သွားတယ်။ အခုချိန်အထိပါဘဲ”ဟု မိုးမောက်မြို့ ဒေသခံတစ်ဦး ထံမှသိရသည်။

ကချင်ပြည်နယ်တွင် မိုးမောက်မြို့နယ်တွင် စစ်ကောင်စီနှင့် ကချင်လွတ်လပ်ရေးတပ်မတော် KIA တို့ကြား လတ်တလော ပြင်းထန်သော တိုက်ပွဲများမရှိသော်လည်း စစ်ကောင်စီဘက်က စစ်ကြောင်းသွားလာမှုများ ပုံမှန်ရှိနေသည်ဟု သိရသည်။

ပြီးခဲ့သည့် စက်တင်ဘာလ ၂၇ ရက်နေ့ကလည်း မိုးမောက်မြို့တွင်း ဗုံးပေါက်ကွဲခဲ့ရာ စစ်ကြောင်းသွားလာနေသော စစ်ကောင်စီ တပ်သား ၃ ဦး ထိခိုက်ဒဏ်ရာ ရရှိခဲ့သည်။

Read Previous

မုံးကိုး မြို့နယ်ခွဲမှာ စစ်ကောင်စီနဲ့ ကိုးကန့် MNDAA တိုက်ပွဲ ထပ်မံဖြစ်ပွား

Read Next

ICRC မှ Covid-19 ကာကွယ်ရေးပစ္စည်းများကို KIO သို့ သွားရောက်ကူညီ