,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

မုံးကိုး ဖောင်းဆိုင်မှာ အသက် ၇၂ နှစ်အရွယ် သက်ကြီး ၁ ဦး မိုင်းနင်းမိ ဒဏ်ရာ ရ

ရှမ်းပြည်နယ်မြောက်ပိုင်း မုံးကိုးမြို့နယ်ခွဲ ဖောင်းဆိုင်ရွာက အသက် ၇၂ နှစ်အရွယ် သက်ကြီးရွယ်အို ၁ ဦး ဆေးရွက်ရှာရင်း အောက်တိုဘာလ ၁ ရက်နေ့က မိုင်းနင်းမိကာ ခြေထောက်နှစ်ဖက်လုံး ထိခိုက် ဒဏ်ရာရသွားတယ်လို့ ဒေသခံတွေဆီက သိရပါတယ်။

“ခြေထောက်က နှစ်ဘက်လုံး ဖြစ်သွားတာပါ။ ၁ ရက်နေ့ ဖြစ်မယ် ဖောင်းဆိုင်ရွာမှာ။ ၇၂ နှစ် ရှိပြီ အသက်။ ဦးကျိန်ထောင်လွမ်းဒေါင်ဝ် ပါ။ ခုတော့ အဲဒီကနေ မုံးကိုးဘက် ဆေးရုံသွားတယ်။ မုံးကိုးကနေ အသင်းတော်ကားနဲ့ လိုက်ပို့တယ်။ မုံးကိုး စစ်ဗျူဟာကနေ စာရေးပေးပြီး ကွတ်ခိုင်၊ ကွတ်ခိုင်ကနေ အခု လားရှိုး ဆေးကုသမှုခံယူနေတယ်။ အရိုးမှာတော့ မထိဘူး။ လားရှိုးစစ်ဆေးရုံမှာ။” လို့ ဒေသခံ တစ်ဦးကပြောပါတယ်။

ရွာအပြင်မှာ စစ်ကောင်စီဘက်ကတော့ မိုင်းထောင်ထားတာကြောင့် ဒေသခံတွေကို ရွာထဲမှာပဲနေဖို့ ကန့်သတ်တားမြစ် ထားပေမယ့် အပူကျဆေးရွက်ခူးဖို့ ရွာအပြင်ခေတ္တထွက်စဉ်မှာပဲ မိုင်းနင်းမိ ဒဏ်ရာ ရရှိသွားတယ်လို့ သိရပါတယ်။

ကောင်းမွန်စွာ ခွဲစိတ်နိုင်ပြီးနောက် လက်ရှိမှာတော့ လားရှိုး အမှတ် ၉ ကုတင် ၁၀၀ ဆေးရုံမှာ ကုသမှု ဆက်လက်ခံယူနေကြောင်း သိရပါတယ်။

စစ်ရေးပြင်းထန်နေတဲ့ကာလဖြစ်တာကြောင့် ဖြတ်သန်းသွားလာဖို့ ခက်ခဲပေမယ့် ဖောင်းဆိုင် ရွာလူကြီးများနဲ့ တပ်မ ၉၉ ကလည်း ၎င်းတို့ မိုင်းကြောင့် ထိခိုက်တာဖြစ်တဲ့အတွက် စစ်ဆေးရုံမှာ ကုသခွင့်ရဖို့ ပြောဆိုပေးကြောင်း မိသားစုဝင်တစ်ဦးကလည်း ပြောပါတယ်။

စစ်ကောင်စီနဲ့ ကိုးကန့် MNDAA တို့အကြား စစ်ရေးတင်းမာနေမှုကြောင့် စစ်ကောင်စီဘက်က ဖောင်းဆိုင်ဘက်က ရွာနီးနား တဝိုက်မှာ မိုင်းထောင်ထားတာဖြစ်ပြီး ရွာခံတွေကို သွားလာဖို့နေရာ ကန့်သတ်ထားတာ ရှမ်းမြောက် နေရာအနှံမှာ ရှိနေပါတယ်။

ပြီးခဲ့တဲ့ စက်တင်ဘာလ ကုန်ပိုင်းကလည်း ဖောင်းဆိုင်ဒေသမှာ မိုင်းနင်းမိပြီး အသက် ၄၀ နှစ်ခန့်ရှိကြတဲ့ တရုတ် အမျိုးသား ၁ ဦးနဲ့ အသက် ၃၅ ခန့်ရှိ တအာင်းပလောင် အမျိုးသား ၁ ဦး သေဆုံးခဲ့တာလည်း ဖြစ်ပါတယ်။

Bum Shep

Read Previous

အထောက်အထားမဲ့ နိုင်ငံခြားလုပ်သားများကို လုပ်အားခရှင်းပြီး နေရပ်ပြန်ပို့ဖို့ တရုတ်အစိုးရ ထုတ်ပြန်

Read Next

တနိုင်း လီဒိုလမ်းမပေါ် တိုက်ပွဲ ဆက်လက်ဖြစ်ပွားနေ