,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

ရွာလုံးကျွတ်မီးလောင်သွားသော ပန်နမ်းဒင် ထာလာထုရွာသားများ အရေးအပေါ် အကူအညီလိုအပ်နေ

မီးလောင်သွားသော ကျေးရွာ

ပူတာအိုခရိုင် နောင်မွန်မြို့နယ် ပန်နမ်းဒင်မြို့မှ ခြေကျင်ဖြင့် ၆ ရက်ခန့်သွားရသော ခါကာဘိုရာဇီ တောင်ခြေရှိ ထာလာထု ရွာလုံးကျွတ် မီးလောင်သွားသောကြောင့် အရေးပေါ်အကူအညီများ လိုအပ်နေကြောင်း သိရသည်။

ပြီးခဲ့သည့် မတ်လ ၄ ရက်ည မီးလောင်မှု ဖြစ်ပွားခဲ့ခြင်းဖြစ်ပြီး လက်ရှိတွင် ဒေသခံ ရွာသူ/သားများအတွက် အစားအသောက် အရေးပေါ် အကူအညီလိုအပ်နေကြောင်း ပူတာအိုဒေသ လူမှုရေးကူညီပေးနေသူတစ်ဦးထံမှ သိရသည်။

“အခုအဲ့ဘက်မှာက ဖုန်းလိုင်းလဲမရှိဘူး။ အဆက်အသွယ်လည်းခက်နေတယ်။ တစ်ရွာလုံးမီးလောင်သွားတော့ ရွာသားတွေ ဘာပစ္စည်းတစ်ခုမှ မယူလိုက်ရဘူး။ အားလုံးဆုံးရှုံးသွားတယ်ဆိုတာတော့သိတယ်။ သူတို့ဘယ်လိုပဲ ဖြေရှင်း နေနေကြ တယ်ဆိုတာ အတိအကျမသိဘူး။ အရမ်းခက်ခဲတဲ့ရွာဖြစ်တယ်။ စပါးကျီကအစ အားလုံးပါသွားတယ်လို့ပြောတယ်။ အိုးခွက်က အစ မီးထဲအားလုံးပါသွားတော့ အခက်အခဲတွေ အများကြီးရှိတယ်ပေါ့နော်။” ဟု လူမှုကူညီရေးလုပ်ဆောင်နေသူ ဆရာ ဆန်လုရမ်ဆိုင်း ကပြောသည်။

၎င်းထာလာထုရွာတွင် အိမ်ခြေ ၁၁ အိမ်ရှိပြီး လူဦးရေ ၇၀ ကျော်နှင့် မသန်စွမ်းသူ ၃ ဦးရှိကြောင်း သိရသည်။

အဆိုပါကျေးရွာသည် ဖုန်းလိုင်း၊ အင်တာနက်လိုင်းမရှိသလို လမ်းခရီးခက်ခဲပြီး ဆက်သွယ်ဖို့ခက်ခဲတဲ့ နေရာဖြစ်သည်။

မီးလောင်မှုဖြစ်စဉ်တွင် ပိုင်ဆိုင်မှုအားလုံးပါသွားခြင်းကြောင့် အရေးပေါ် အခြေခံ ပစ္စည်းများနှင့် အစားအသောက် ကူညီထောက်ပံ့မှု လိုအပ်နေကြောင်း သိရသည်။

“အိမ်ပြန်ဆောက်ဖို့ ပြန်လည်တည်ထောင်နိုင်ဖို့ အရမ်းခက်မယ်ထင်တယ်။ မလွယ်ကူဘူး။ ဝေးလန်ခေါင်ပါးတဲ့ နေရာဖြစ်တယ်။ အဓိက လောလောဆယ် အရေးပေါ်က ဆန်၊ ဆီ ၊ ဆား တို့ ပြီးရင် အိုးခွက်ပန်းကန်တို့ ၊ အမိုးအကာ တဲဆောက်ဖို့ အရေးပေါ်လိုအပ်ပါမယ်။ လှူဒါန်းချင်တဲ့ ပြည်သူအားလုံးကို ဖိတ်ခေါ်လိုပါတယ်။ ကျနော့မှတစ်ဆင့် ကူညီလှူဒါန်းလို့ရပါတယ်။ ဘယ်လိုပဲ ဖြစ်ဖြစ် သူတို့အများကြီး အခက်အခဲကြုံနေရတာကြောင့် အရေးပေါ် ကူညီနိုင်သလောက် ကူညီရမှာပဲဖြစ်တယ်။” ဟု လူမှုကူညီရေးလုပ်ဆောင်နေသူ ဆရာ ဆန်လုရမ်ဆိုင်း ကပြောသည်။

ထာလာထု ရွာအတွက် ကူညီလိုသူများအနေဖြင့်  Kpay – 09793182202 ( San Lu Ramseng ) သို့ ပေးပို့နိုင်ကြောင်း သူက ဆက်လက်ပြောဆိုခဲ့သည်။

ဆန်လုရမ်ဆိုင်းသည် ပူတာအိုခရိုင်တွင်း လူမှုကူညီရေးလုပ်ငန်းများ လုပ်ဆောင်နေသူဖြစ်ပြီး ပြီးခဲ့သည့် ၁ နှစ်ခန့်မှစတင်ကာ ပူတာအိုမြောက်ပိုင်း ကျေးရွာချင်းဆက် တံတားများကို ဦးဆောင်ဆောက်လုပ်နေသူဖြစ်ပါသည်။

Read Previous

စစ်ကောင်စီတပ် ယာဉ်တန်းကို မိုးကောင်းတွင် KIAနှင့် PDF မိုင်းဆွဲတိုက်ခိုက်

Read Next

လက်ပံတောကျေးရွာတွင် စစ်ရှောင်ပြည်သူ ၁၁ ဦးကို စစ်ကောင်စီသတ်ဖြတ်သွား