,

Breaking News :

စစ်ကောင်စီ၏ မြင်း ၉ကောင် သယ်ဆောင်လာသော ၁၂ ဘီးကားကို KIA မီးရှို့ ဖျက်ဆီး

ပြည်သူ့စစ်စခန်း KIA ပြန်တိုက်ခိုက်ပါက လူနေအိမ်များကို ငဲ့ညှာမည်မဟုတ်ကြောင်း မင်းဇင်သန့် ပြော

ဆယ်ဇင်းကျေးရွာ နေအိမ် ၄၀၀ ကျော်ကို KIA နှင့် PDF တို့ မီးရှို့ဖျက်ဆီးလိုက်သည်ဆိုသာ သတင်းအမှား

နောင်းမီတွင် KIA မိုင်းဆွဲတိုက်ခိုက်မှုကြောင့် စစ်ကောင်စီတပ်သား ၂ဦးထိခိုက်ဒဏ်ရာရရှိ

ကသာ ဒေသခံ ၃၀ ကျော်ကို စစ်ကြောင်းထိုးနေသည့် စစ်ကောင်စီတပ်က ဖမ်းခေါ်သွား

ဆယ်ဇင်းတွင် စစ်ကောင်စီ လက်နက်ကြီးပစ်ခတ်မှုကြောင့် ရွှေမှော်ကျေးရွာ ၂၀ မှ ပြည်သူများ ထွက်ပြေး တိမ်ရှောင်နေရ

ကသာနယ်အထက်ပိုင်းတွင် စစ်ကောင်စီတပ် ဂျက်လေယာဉ် ၂စီးဖြင့် ဗုံးကျဲတိုက်ခိုက်

ပေကုန်း ဇရပ်တွင်တပ်စွဲထားသော စစ်ကောင်စီတပ်ကို KIA နှင့် PDF ပူးပေါင်းတပ် သွားရောက်တိုက်ခိုက်

ပူတာအိုတွင် ကုန်စိမ်းနှင့် အသားစျေးနှုန်းများ အဆမတန် မြင့်တက်

ဆယ်ဇင်း KIA တပ်ကိုထပ်မံ တိုက်ခိုက်ရန် စစ်ကောင်စီ ရဟတ်ယာဉ်ဖြင့် အင်အား ပို့ဆောင်၊ ဒေသခံတစ်ချို့ ပိတ်ဆို့ခံထားရဆဲ

မြစ်ကြီးနားအဝင် ၂၁ မိုင်ဂိတ်တွင် ပြည်သူ ၂ ဦးထံမှ ငွေကျပ် ၄၈ သိန်းကို ရဲနှင့် စစ်သားများ လုယူထား ဟု ဆို

မြစ်ကြီးနားမြို့အဝင် ၂၁မိုင်ဂိတ်အဝင်

မြစ်ကြီးနားမြို့အဝင် မရမ်းကျေးရွာအထက် ၂၁ မိုင်စုပေါင်းဂိတ်တွင် ခရီးသွားပြည်သူ အမျိုးသား ၂ ဦး၏ ငွေကျပ် ၄၈ သိန်းကို ရဲနှင့် စစ်သားများက ခြိမ်းခြောက် လုယူခဲ့သည်ဟု ကာယကံရှင်အမျိုးသား ၂ဦးပြောသည်။

ဇွန်လ ၁၀ ရက်နေ့ ညနေပိုင်း ၄ နာရီဝန်းကျင်တွင် မြစ်ကြီးနားဘက်မှ အိမ်ခြံဝင်းကြည့်ပြီး ပြန်လာသော ဟိုပင်ဒေသခံ အမျိုးသား ၂ဦးကို ဂိတ်တွင် စစ်ဆေးမှုများပြုလုပ်ရာတွင် ငွေ သိန်း ၅၀ တွေ့ရှိသဖြင့် ‘ခိုးယူလာခြင်းဖြစ်တယ်’ ဟု စွပ်စွဲပြောဆိုကာ ရဲနှင့် စစ်သားများက သိမ်းယူလိုက်သည်ဟု ခံရသူ အမျိုးသားတစ်ဦးက KNG သတင်းဌာနကို ယခုလို ပြောဆိုသည်။

“ကျနော်တို့ ၂ယောက်က မြစ်ကြီးနားကို အိမ်ယာမြေသွားကြည့်တာ မရတော့ ငွေက မသုံးဘဲပြန်ယူလာတယ်။ အဲ့ဂိတ်မှာ စစ်ဆေးပြီး ပိုက်ဆံ သိန်း ၅၀ မှာ ၄၈ သိန်း သိမ်းယူပေးလိုက်တယ်။ ကျနော်တို့ ၂ယောက်ကို ခိုးလာတယ် ဆိုပြီး စွပ်စွဲပြောဆိုတယ်။ ပြီးရင် ၂ယောက်စလုံးကို လက်ထိပ်ခတ်ပြီး ကန်တယ် ရိုက်တယ်။ ပါတဲ့ဖုန်း ၂လုံးစလုံးလည်း သိမ်းပေးလိုက်တယ်” ဟု ပြောဆိုသည်။

ထိုဂိတ်တွင် တာဝန်ကျနေသည့် ရဲနှင့်စစ်သား ၁၀ ဦးခန့်က အမျိုးသား ၂ဦးကို နာရီဝက်ခန့်အကြာ ရိုက်နက် စစ်ဆေးမှုများ ပြုလုပ်ပြီး အဆိုပါဖြစ်စဉ်ကို ရဲစခန်းများနှင့် အခြားလူမှုကွန်ယက်စာမျက်နှာပေါ်တွင် တိုင်ကြားခြင်းမပြုရန် ထပ်မံသတိပေး ခြိမ်းခြောက်ပြောဆိုခဲ့သည်ဟု သူက ဆက်ဆိုထားသည်။

“ဒီအကြောင်းကို ရဲစခန်းတွေမှာလိုက်မတိုင်နဲ့တဲ့။ လိုင်းပေါ်မှာလည်း မတင်နဲ့တဲ့။ လုပ်ရဲရင်လုပ်ကြည့်တဲ့။ နောက်တစ်ခေါက်လာရင် နင်တို့အသေဘဲ ဆိုပြီး ခြိမ်းခြောက်တယ်။ အစတုန်းက ဖုန်းလည်း သိမ်းထားတယ်။ နောက် နာရီဝက်လောက်ဆို ပြန်လွှတ်ပေးတယ်။ အဲ့မှာ ဖုန်း ၂လုံးဘဲပြန်ပေးခဲ့တယ်။ ဒါတောင် ဆင်း(မ်)ကပ် သိမ်းယူပေးလိုက်တယ်။ ကျနော်တို့က သူတို့ပြောသလို သူခိုးတွေလည်း မဟုတ်တဲ့အတွက် အများပြည်သူတွေသိအောင် ပြောပြချင်ပါတယ်” ဟု ပြောဆိုသည်။

ရိုက်နက်ခြိမ်းခြောက်ပြီး ငွေသိမ်းခံလိုက်ရသော အမျိုးသား ၂ဦးသည် အသက် ၂၈ နှစ်ဝန်းကျင်အရွယ်ရှိသူများဖြစ်ကြပြီး ဟိုပင်မြို့မှ မြစ်ကြီးဘက်သို့ ဇွန်လ ၉ ရက်နေ့ ထွက်ခွာလာခဲ့ပြီး ၁၀ ရက်နေ့အပြန်တွင် ယခုလိုကြုံတွေ့ခဲ့ရခြင်း ဖြစ်သည်။

စစ်တပ်အာဏာသိမ်းပြီးနောက် အဆိုပါ ၂၁ မိုင်ဂိတ်တွင် ဖြတ်သန်းသွားလာသော ပြည်သူများကို စစ်ဆေးခြင်းနှင့် ခြိမ်းခြောက်မှုများကို ပုံမှန်ပြုလုပ်လေ့ရှိသည်ဟု သိရသည်။

Read Previous

ခင်ဦး ကံသစ်ကျေးရွာကို စစ်ကောင်စီတပ် မီးရှို့သဖြင့် ကျေးရွာ ခုနှစ် ရွာမှ ဒေသခံများ ထွက်ပြေးနေရ

Read Next

ဆားလင်းကြီးတွင် ပြည်သူ ၇ ဦး ဖမ်းဆီးခံရ

Leave a Reply

Your email address will not be published.