,

Breaking News :

ဆယ်ဇင်းဘက် ပြန်သည့် PDF ၄ ဦး ဟိုပင်တွင် ဖမ်းခံရပြီး လက်နက်ခဲယမ်းအချို့ ပါသွား

ဆိုင်းတောင် သပိတ်စစ်ကြောင်းတွင် ဖမ်းခံရသည့် ပြည်သူ ၈ ဦးကို ပုဒ်မအသီးသီးဖြင့် စစ်ကောင်စီက အမှုဖွင့်ထား

စစ်ရိက္ခာတင် သင်္ဘော ၆ စီး ကို ရဟတ်ယာဉ်၊ ဂျက်ဖိုက်တာများဖြင့် လုံခြုံရေး ယူပေး

ဆယ်ဇင် စစ်ရှောင်ထောင်ချီအတွက် စားနပ်ရိက္ခာနှင့် အသုံးအဆောင်ပစ္စည်းများ အရေးပေါ်လိုအပ်နေ

ကသာနယ်တွင် အရပ်သားပြည်သူ ၅၀ ဝန်းကျင်ကို စစ်ကောင်စီတပ် ဖမ်းဆီးထား၊ စစ်အင်အား ၄၀၀ ကျော် စစ်အင်အားတိုးချဲ့ထား

ဗန်းမောက်တွင် စစ်ကောင်စီတပ်လက်နက်ကြီး ပစ်ခတ်မှုကြောင့် ပြည်သူနှစ်ဦးသေဆုံး၊ သွားလာရေးကန့်သတ်ထား

စစ်ကောင်စီကို ဝင်ငွေ ရှာပေးသည့် အကောက်ခွန်ဂိတ်ကို KIA နှင့် PDF မီးရှို့ဖျက်ဆီး

ပူတာအိုတွင် အသက် ၁၈ နှစ်ပြည့်သူများ၏အမည်စာရင်း စတင်ကောက်ခံ

နမ့်စီးအောင် နှင့် ၂၁ မိုင်ပူးပေါင်းဂိတ်တို့တွင် ဂိတ်ဖြတ်ကြေးကို ၃ ဆ ထပ်တိုး ကောက်ခံနေ

တိုက်ခိုက်ခံရသော တပ်စခန်း အနီးရှိ နေအိမ်ကို မင်းဇင်သန့် ပြည်သူ့စစ်အဖွဲ့မှ အတင်းအဓမ္မ ရွှေ့ပြောင်းခိုင်း

ကျင်းထဲ ပြုတ်ကျ သေဆုံးသွားသည့် မိသားစုဝင် ၃ ဦး၏ ရုပ်အလောင်း ရှာဖွေရေး လုပ်ငန်းများ ရပ်နား

ဖားကန့် ကယ်ဆယ်ရေးအဖွဲ့

ဖားကန့်မြို့ ရှရော်ခ၊ မော်မောင်းလယန်အတက် လမ်းဆုံတွင် ကားဘီးပေါက်ကာ ကျင်းထဲပြုတ်ကျ သေဆုံးခဲ့သည့် မိသားစုဝင်သုံးဦး၏ ရုပ်အလောင်း ရှာမတွေ့တော့သည့်အတွက် ရှာဖွေရေးလုပ်ငန်းများ ရပ်နားလိုက်ပြီ ဖြစ်ကြောင်း ရှာဖွေရေးလုပ်နေသည့် လူမှုကူညီရေးအသင်းများမှ သိရသည်။

ဇွန်လ ၉ ရက်နေ့ နံနက် ၉ နာရီအချိန် မော်မောင်းလျှံအကျိူးတူ ကုမ္ပဏီမှ ဝန်ထမ်း မိသားစုတစ်စုသည် ဖားကန့်ဆေးရုံ ၎င်းတို့၏ လသားအရွယ်ကလေးငယ်ကို ကာကွယ်ဆေးထိုးပေးရန် ဆင်းလာစဉ် အေးမြသာယာအနီး ကားဘရိတ်ပေါက်၍ ကျောက်စိမ်းလုပ်ကွက်ဟောင်းတွင် ပြုတ်ကျခဲ့ရာ မိသားစုဝင်သုံးဦးစလုံး သေဆုံးခဲ့ခြင်း ဖြစ်သည်။

ရုပ်အလောင်းကို သုံးရက်ဆက်တိုက်ရှာဖွေသော်လည်း မတွေ့သောကြောင့် ရပ်နားလိုက်ပြီဖြစ်ကြောင်း ရှာဖွေရေးလုပ်ပေးနေသည့် ဖားကန့်အခြေစိုက် လူမှုကူညီရေးအသင်းတစ်ခုမှ တာဝန်ရှိသူတစ်ဦးက KNG သတင်းဌာနသို့ ပြောသည်။

“တခြားက ဘာမှပြန်မထူးဘူး အလောင်းတွေဘာတွေလည်းမရဘူး။ ဒီနေ့ထိတောင်မရဘူး။ အခုက ရှာတာလို့ ကြီးတော့ မရှာတော့ဘူး အလောင်းပေါ်လာမလားဆိုပြီး မနက်တစ်ခေါက်မိုးလင်းတစ်ခေါက် ညနေတစ်ခေါက် မနက် ခင်းတစ်ခေါက် အဲ့လိုလှေနဲ့ပတ်ပြီး စောင့်ကြည့်တာမျိုးပဲ လုပ်တော့တယ်“ ဟု ၎င်းက ပြောသည်။

ဇွန်လ ၁၂ ရက်နေ့ မတိုင်ခင်အထိ ဘတ်ဟိုးယာဉ်၊ ရေငုတ်ပစ္စည်းကိရိယာများဖြင့်သုံးရက်ခန့် အချိန်ပေးရှာဖွေခဲ့ ရာတွင် ယင်းမိသားစု စီးနင်လာသည့် ပါဂျဲရိုကား အမျိုးအစားကိုသာ ဇွန်လ ၁၁ ရက်နေ့က တွေ့ရှိထုတ်ယူနိုင်ခဲ့ပြီး ရုပ်အလောင်းမှာ ရှာမတွေ့နိုင်ခဲ့သည့်အတွက် ယခုကဲ့သို့ ရပ်နားလိုက်ခြင်းဖြစ်ကြောင်း သိရသည်။

ယင်းမိသားစု ကားပြုတ်ကျခဲ့သည့် ရေကန်မှာ ပေ ၄၀၀ ခန့်နက်သည့် ကျောက်စိမ်းလုပ်ကွက်ဟောင်းဖြစ်နေသည့်အတွက် ယခုကဲ့သို့ရုပ်အလောင်းပြန်တွေ့နိုင်ရန် ခက်ခဲနေခြင်းဖြစ်ကြောင်း သိရသည်။

အဆိုပါ မိသားစု စီးနင်လာသည့်ကားမှာပါဂျဲရိုကား အမျိုးအစားဖြစ်ကြောင်း သိရသည်။

Read Previous

ကလေး ၄ ဦးအပါအဝင် ဖမ်းဆီးခံရသည့် မက်လင်ဂျောင်‌ကျေးရွာမှ ပြည်သူ ၂၃ဦး ပြန်လွှတ်လာခြင်းမရှိသေး

Read Next

ဖားကန့်မြို့ပေါ် ရေဘေးသင့်နေသည့် ရပ်ကွက် ၄ခု အစားအသောက်ခက်ခဲနေ

Leave a Reply

Your email address will not be published.