,

Breaking News :

အောင်ဟိန်းမင်း ဦးဆောင်သည့် PDF အဖွဲ့မှ ပိုက်ဆံလုယက်သည် ဆိုပြီး သတင်းအမှားဖြန့်

KIO နယ်မြေမှာဖွင့်လှစ်တဲ့ Kachin State Comprehensive University (KSCU)

မိုးညှင်း နှင့် မော်ဟန်ကြားတွင် စစ်ကောင်စီတပ်မှ ခရီးသွားယာဉ်များကို စစ်ဆေးနေ

ဗန်းမော်တွင် မီတာကြေးမဆောင်သည့် နေအိမ်များမှ မီတာဘောက်များ စစ်ကောင်စီအဖွဲ့ လိုက်လံဖြုတ်သိမ်းနေ

စစ်ကောင်စီတပ်၏ စက်လှေ ၄စီးပစ်ခံရပြီး မိုးစစ်ရွာမှ ကလေးငယ် ၅ဦးခန့် ထိခိုက် သေဆုံးမှုရှိ

ထီးချိုင့်နယ် ငွေကြေးကောက်ခံနေသည့် စစ်တပ်ဂိတ်တစ်ခု မိုင်းဆွဲတိုက်ခိုက်ခံရပြီး တပ်သား ၃ဦးခန့်သေဆုံးဟုဆို

မင်းကင်းနယ်ရှိ စစ်တပ်ဂိတ်စခန်းတစ်ခုတိုက်ခိုက်ခံရပြီး သေဆုံးမှုရှိ၊ လက်နက်ခဲယမ်းတစ်ချို့သိမ်းဆည်းရရှိ

နန့်ယား ပြည်သူ့စစ်ခေါင်းဆောင် သတ်ခံရပြီးနောက် နန့်ယားကျေးရွာတွင် စစ်ဆေးရေးပိုမိုတင်းကြပ်ထား

မြစ်ကြီးနားတွင် စစ်ကောင်စီအဖွဲ့ ကင်းပုန်းချ ဖမ်းဆီးမှုလုပ်ဆောင်နေ၊ တစ်ရက်အတွင်း လူငယ် ၂ဦး ဖမ်းဆီးခံရ

ငွေသာကျေးရွာ မီးရှို့ခဲ့သည့် စစ်ကောင်စီတပ်ကို ဒေသကာကွယ်ရေးတပ်များ တိုက်ခိုက်

လင်းစာကျက်ကျေးရွာမီးရှို့ဖျက်ဆီးခံရပြီး ပြည်သူ ၂ဦးလည်း မီးရှို့သတ်ဖြတ်ခံရ

ဆားလင်းကြီးမြို့ အဝင်ဆုင်းဘုတ် Photo – Crd

စစ်ကိုင်းဒေသကြီး ဆားလင်းကြီးမြို့နယ် လင်းစာကျက်ကျေးရွာတွင် စစ်ကောင်စီတပ်ဖွဲ့က ဇွန်လ ၁၂ရက်နေ့ ညနေပိုင်း ၆နာရီခန့်တွင် လူနေအိမ် ၇၀ ဝန်းကျင်အား မီးရှို့ဖျက်ဆီးခဲ့ပြီး ဒေသခံပြည်သူ ၂ဦးကိုလည်း မီးရှို့သတ်ဖြတ်သွားသည်ဟု Salingyi Special Task Force ရေနွေးခါး ထံမှသိရသည်။

“လင်းစာကျက်ရွာကို ဒီနေ့မနက်ကျနော်သွားတော့ အဲ့မှာ အိမ်ခြေ ၇၀လောက်က မီးထဲပါသွားတယ်။ ပြီးတော့ အလောင်းနှစ်လောင်းက အရိုးနဲ့အသည်း ဦးခေါင်းခွံလေးတွေလောက် ပဲကျန်နေတာတွေ့ခဲ့ရတယ်။ ပြီးရင် လမ်းမှာ သွေးကွက်တွေ၊ အဲ့နားမှာရှိတဲ့ အုတ်ခုံတွေပေါ်မှာ သွေးတွေ ရိုက်နှပ်ထားတဲ့ပုံစံမျိုး အဲ့လိုမျိုးတွေရှိတယ်”လို့ SSTFမှ ရေနွေးခါး က KNG သတင်းဌာနသို့ ယခုလိုပြောဆိုထားသည်။

စစ်ကောင်စီလက်ချက်ဖြင့် သတ်ဖြတ်ခံထားရသည့် ဒေသခံပြည်သူ ၂ဦးသည် မည်သူမည်ဝါဖြစ်ကြောင်းကို အသေးစိတ်မသိရဘဲ ထိုကျေးရွာမှ လူသားဒိုင်းအဖြစ် ဖမ်းဆီးခေါ်ဆောင်သွားသည့် ဒေသခံပြည်သူ ၂၀ ဦးခန့်လည်း ပျောက်ဆုံးနေသေးကြောင်း သိရပါသည်။

အဆိုပါ စစ်ကောင်စီ စစ်ကြောင်းသည် ဇွန်လ ၁၁ရက်နေ့ကတည်းက ဆားလင်းကြီးမြို့ပေါ်ကနေ စတင်‌ရောက်ရှိလာခြင်းဖြစ်ပြီး လင်းစာကျက်ကျေးရွာသို့ အသွားလမ်းတွင် ငွေသာကျေးရွာအတွင်းရှိ လူနေအိမ် ၄ခုကို ထပ်မံမီးရှို့ဖျက်ဆီးခဲ့ကြောင်းနှင့် လူသားဒိုင်းအဖြစ်အသုံးပြန်ရန် ပြည်သူတစ်ချို့ကိုလည်း ဖမ်းဆီးမူများရှိခဲ့ကြောင်းလည်း သိရသည်။

“သူတို့က ဒီလို ငွေသာရွာကိုဝင်သွားပြီးတော့ အိမ်ခြေ ၄အိမ်ကို မီးရှို့သွားတယ်။ မီးရှို့ပြီးတော့ သူတို့ကတစ်ခါ ဘုတ်စုရွာဘက်ရောက်သွားတယ်။ အဲ့မှာလည်း ဒေသခံတစ်ချို့ဖမ်းဆီးခံရတယ်လို့ကြားတယ်။ ငွေသာရွာမှာက ၇ယောက်ကိုပြန်ဖမ်းပြီးပြန်လွှတ်ပေးတယ်။ အဲ့ကနေ လင်းစာကျက်ရွာကိုသွားတာ”လို့ ဆက်လက်ပြောဆိုသည်။

အဆိုပါ စစ်အင်အား ၁၀၀ ဝန်းကျင်ပါရှိသော စစ်ကောင်စီတပ်ဖွဲ့ စစ်ကြောင်းသည် ယနေ့နေ့နံနက်ပိုင်းမှ လင်းစာကျက်ရွာမှထွက်ခွာသွားပြီဖြစ်ကြောင်း သိရသည်။

လင်းစာကျက်ကျေးရွာကို ယခင်ကစစ်ကြောင်းထိုးတာမျိုးတွေရှိပေမဲ့ အခုလိုနေအိမ်မီးရှို့တာတွေဖမ်းဆီးသတ်ဖြတ်မူကျူးလွန်တာပထမဆုံးအကြိမ်ဖြစ်သည်ဟုလည်း ဒေသခံများပြောဆိုချက်မှသိရသည်။

လက်ရှိ လူနေအိမ်များ မီးရှို့ဖျက်ဆီးခံရသော လင်းစာကျက်ကျေးရွာသည် ဆားလင်းကြီးမြို့နှင့် ၄ မိုင်ခန့်အကွာတွင် တည်ရှိနေခြင်းဖြစ်ပြီး ငွေသာနှင့် ဘုတ်စုကျေးရွာ ၂ခုနှင့် တစ်ကြောင်းတည်းတွင် တည်ရှိပါသည်။

Data For Myanmar ၏ ထုတ်ပြန်ချက်အရ မြန်မာနိုင်ငံတွင် စစ်တပ်မှအာဏာသိမ်းပြီးနောက် ၂၀၂၁ ခုနှစ် ဖေဖော်ဝါရီလမှ စတင်ကာ ၂၀၂‌၂ ခုနှစ် မေလအထိ တစ်နိုင်ငံလုံးမီးရှို့ခံရသည့် နေအိမ်ပေါင်း ၁၈၈၈၆ အိမ်ရှိရာ စစ်ကိုင်းတိုင်းတွင် ၇‌‌၁‌‌၄‌‌၆ အိမ်ပါဝင်သည်။

Read Previous

ထီးချိုင့်နယ် အလယ်တောဘက်သို့ စစ်ကြောင်းထိုးလာသည့် စစ်ကောင်စီတပ်ဖွဲ့ မိုင်းခွဲတိုက်ခိုက်ခံရ

Read Next

ကြို့ကန်ရွာကိုစစ်ကောင်စီတပ် ဒုတယအကြိမ်ထပ်မံ မီးရှို့ဖျက်ဆီး၊ ရွာလုံးကျွတ် ထွက်ပြေးတိမ်းရှောင်နေရ

Leave a Reply

Your email address will not be published.