,

Breaking News :

ကပ်ဘေးနှစ်ခုကို အံတုရင်း ကြပ်တည်းလာသော လူနေမူဘဝ

မုံရွေးနှင့် ကြေးမုံရွာရှိ ဒေသခံများ ဖမ်းဆီးရိုက်နက်ခံရပြီး နေအိမ်တစ်ချို့ ဖမ်းရှို့ဖျက်ဆီးခံရ

ကသာတွင် စစ်ကောင်စီစစ်ကြောင်း ကို ပြည်သူ့ကာကွယ်ရေးတပ်မှ မိုင်းဆွဲ တိုက်ခိုက်

တနိုင်း ပယင်းမှော်ဘက်သို့ ဆင်များအသုံးပြုကာ ကုန်ပစ္စည်းတင်ပို့နေမှုကြောင့် လမ်းပျက်စီးနေ

နမ္မတူမြို့နယ်တွင် တိုက်ပွဲဆက်လက်ဖြစ်ပွားနေပြီး စစ်ရှောင်များ နေရပ်မပြန်နိုင်သေး

ဖားကန့်တွင် ည ၈ နာရီနောက်ပိုင်း အပြင်ထွက်သူများကို ပစ်ခတ်ရန် ညွန်ကြားချက်ရရှိထားဟုဆို

ကန့်ဘလူ၊ ဇော်ချောင်းကျေးရွာကို စစ်ကောင်စီက ဝင်ရောက်မီးရှို့သဖြင့် ပြည်သူ ၅ ထောင်ကျော် ထွက်ပြေးနေရ

ပင်လည်ဘူးတိုက်ပွဲတွင် စစ်ကောင်စီဘက်မှ ၃ ဦးကျဆုံးကာ ဒေသခံကာကွယ်ရေးတပ်ဘက်က ၅ဦးဒဏ်ရာရရှိခဲ့

ကင်းလှည့်သော စစ်ကောင်စီတပ်မှ လူငယ်တစ်ဦးကို အကြောင်းမဲ့ ပစ်သတ်

သတင်းထောက် နောင်ရိုး အပါအဝင် နိုင်ငံရေးလှုပ်ရှားသူ ၁၂ ဦး လွတ်မြောက်လာ

ဖားကန့် ဆန်ခါအကျဉ်းထောင်ကို KIA နှင့် PDF အဖွဲ့ လက်နက်ကြီးပစ်ခတ်

ရှေ့တန်းတစ်နေရာ KIA တပ်သားများ

ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု ဆန်ခါကျေးရွာတွင်ရှိသော ဖားကန့်အကျဉ်းထောင်ကို ယနေ့နံနက်ပိုင်း ၅နာရီဝန်းကျင်တွင် ကချင်လွတ်လပ်ရေးတပ်မတော် KIA နှင့် ပြည်သူ့ကာကွယ်ရေးတပ်ဖွဲ့ PDF တို့ပူးပေါင်းကာ လက်နက်ကြီးများဖြင့်ပစ်ခတ်ခဲ့ကြောင်းသိရသည်။

စစ်ကောင်စီတပ်ရှိသည့် ဆန်ခါအကျဉ်းထောင်ဘက်သို့ KIA နှင့် PDF တို့က လက်နက်ကြီးများဖြင့် အကြိမ် ၂၀ ထက်မနည်း ပစ်ခတ်ခဲ့သောကြောင့် ဆန်ခါအကျဉ်းထောင်ဘက်တွင် ထိခိုက်မှုများရှိနိုင်သည်ဟု ဖားကန့်ဒေသခံတစ်ဦးက KNG သတင်းဌာနကို ယခုလိုပြောဆိုထားသည်။

“သူတို့က အဝေးကနေ ထောင်ဘက်ကို လှမ်းထုတာ။ လက်နက်ကြီးက ၂၀ ကြိမ်လောက်ရှိတယ်။ ပြီးရင် လက်နက်ငယ်သံတွေလည်း ကြားရတယ်။ အခုက အဲ့လက်နက်ကြီးတွေက ထောင်ထဲကျပြီး ပေါက်ကွဲတာလား။ အပြင်ဘက်ကို ကျတာလား။ အသေးစိတ်မသိရသေးဘူး။ တကယ်လို့ ထောင်ထဲကို ကျရင်တော့ ထိခိုက်မှုရှိနိုင်တယ်”ဟု ပြောဆိုသည်။

ယခုလို KIA နှင့် PDF အဖွဲ့တို့ဘက်မှ ပစ်ခတ်မှုသည် ဇွန် လ ၁၉ ရက်နေ့ကျရောက်သော ဒေါ်အောင်ဆန်းစုကြည်၏ ၇၇နှစ်ပြည့် မွေးနေ့ကို မှော်ပုံကျေးရွာအတွင်း လူစုဝေး၍ ကျင်းပနေစဉ် အကျဉ်းထောင်ဘက်မှ လက်နက်ကြီး နှစ်လုံးပစ်ခတ်ခဲ့သည့်အတွက် ထိုနေရာတွင် ပြည်သူ ၃ဦးထိခိုက်ဒဏ်ရာရရှိခဲ့သောကြောင့် ထိုဖြစ်စဉ်အပေါ် တန်ပြန်ပစ်ခတ်ခြင်းဖြစ်သည်ဟု ဒေသခံများကပြောဆိုထားသည်။

“မနက်ငါးနာရီလောက်ကတည်းကနေ နားလိုက်ပစ်လိုက်ပေါ့။ ဆန်ခါအကျဥ်းထောင်ကိုပစ်တာဟုတ်တယ်။ ဟိုနေ့က ဖြစ်သွားတဲ့ ကိစ္စကို မကျေနပ်လို့ လက်တုံ့ပြန်တဲ့အနေနဲ့ ဖြစ်နိုင်တယ်။ အခုတော့ KIA နဲ့ PDF ဘက်က ပစ်ခတ်မှုပြန်ငြိမ်သွားပြီ။” ဟု မမုံကျေးရွာနေအမျိုးသားတစ်ဦးကပြောသည်။

လက်ရှိတွင် ပစ်ခတ်ဖြစ်ပွားခဲ့သည့်နောက်ပိုင်း  ဆန်ခါအကျဉ်းထောင် သွားလာသည့် အဝင်အထွက်ကို ပိတ်ထားသဖြင့် ထိခိုက်မှုအခြေအနေကို ရယူရန် ခက်ခဲနေပြီး KNG သတင်းဌာနမှ ဆက်လက်စုံစမ်းနေဆဲဖြစ်ပါသည်။

အဆိုပါ ဇွန်လ ၁၉ ရက်နေ့တွင် ဆန်ခါအကျဉ်းထောင်ဘက်မှ လက်နက်ကြီး ပစ်ခတ်ခဲ့သောကြောင့်  ထိခိုက်ဒဏ်ရာရရှိခဲ့သော ပြည်သူ ၃ဦးအနက် ဒဏ်ရာပိုပြင်းထန်သူ မှော်ပုံကျေးရွာမှ ၅၄ နှစ်အရွယ်ရှိ ဒေါ်ခင်မျိုးဝင်းခေါ်သူသည် ဇွန်လ ၂၀ရက်နေ့ မြစ်ကြီးနားဆေးရုံသို့ပို့ဆောင်စဉ် လမ်းတွင်သေဆုံးသွားခဲ့ပြီး ကျန် ၂ဦးသည် လက်ရှိတွင် ဆေးကုသခံယူနေရကြောင်း သိရသည်။

Read Previous

ဒေါ်အောင်ဆန်းစုကြည်၏ မွေးနေ့ပွဲကျင်းပနေချိန် လက်နက်ကြီးထိမှန်ခဲ့သည့် ပြည်သူသုံးဦးအနက် တစ်ဦးသေဆုံး

Read Next

မိုးကြိုးပြင်ရွာ မီးရှို့ဖျက်ဆီးခံရပြီး ပြည်သူ ၂၀ ဦးခန့် ဖမ်းဆီးခံထားရ

Leave a Reply

Your email address will not be published.