,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ပူတာအို မြို့ နှင့် ရပ်ကွက်များတွင် တစ်လနီးပါး လျှပ်စစ်မီး ပြတ်တောက်မည်

ပူတာအို လျှပ်စစ်ဓာတ်အားပေး စက်ရုံ

ကချင်ပြည်နယ် ပူတာအိုမြို့နယ်အတွင်းရှိ ရပ်ကွက်ကျေးရွာများအားလုံးတွင် တစ်လနီးပါး လျှပ်စစ်မီး ပြတ်တောက်မည်ဖြစ်ကြောင်း ပူတာအိုမြို့နယ် EPC ရုံး မှ သိရသည်။

ပူတာအိုမြို့နယ်ကို လျှပ်စစ်ဓာတ်အားဖြန့်ဖြူးပေးနေသည့် အထက်နမ့်ထွမ်ရေအားလျှပ်စစ်စက်ရုံ လွန်ခဲ့သည့် ဇွန်လ ၂၇ ရက်နေ့ ည ၁၀ နာရီအချိန်ခန့်က မိုးကြိုးပစ်ခတ်ခဲ့ရာ ဓာတ်အားထုတ်ဖြန့်ဖြူးပေးသည့် စက်နှစ်လုံးအနက် တစ်လုံးထိခိုက်ပျက်စီးခဲ့သည်။

“အဓိကဓာတ်အားထုတ်ပေးတဲ့စက်ပေါ့ ကျန်နေတဲ့နောက်တစ်လုံးပါ ဟိုနေ့ကပျက်သွားတယ်။ ပျက်သွားတယ် ဆိုတာက လုံးဝ ပျက်သွားတာတော့မဟုတ်ဘူး ဓာတ်အားအနည်းငယ်ပဲထုတ်နိုင်တော့တယ်။ အများကြီးမထုတ်နိုင်တော့ဘူး။ အဲ့ကြောင့် အခုလောလောဆယ်ကတော့ အစိုးရဌာန ဆိုင်ရာရုံးတွေနဲ့ ဝန်ထမ်းလိုင်းခန်းတွေ လောက်ကိုပဲ မီးပေးနိုင်တော့တယ်။ ရပ်ကွက် ကျေးရွာတွေကို တော့မီးမပေးနိုင်သေးဘူး” ဟု ပူတာအို EPC မှ တာဝန်ရှိသူတစ်ဦးက KNG ကို ပြောသည်။

မိုးကြိုးပစ်ခတ်ကြောင့် ပျက်စီးသွားသည့် စက်ကိုပြန်လည်ပြုပြင်ရန်တရုတ်နိုင်ငံမှ ပညာရှင်ခေါ်ထားသောကြောင့် ပြုပြင်ကာလတစ်လနီးပါး ကြာမြင့်နိုင်သည့်အတွက် ပူတာအိုမြို့နယ်အတွင်းရှိပြည်သူများ တစ်လနီးပါး လျှပ်စစ်မီးရရှိနိုင်မည် မဟုတ် ကြောင်းသိရသည်။

ယင်းအခြေအနေကို သိရှိထားသည့် ဒေသခံပြည်သူအချို့သည် လျှပ်စစ်စွမ်းအင်အသုံးပြုနိုင်ရေး ဘတ်ထရီ ဆော်လာပြားများ ဝယ်ယူနေကြသော်လည်း လတ်တလောတွင် မူရာသီဥတုအခြေအနေကြောင့် အခက်အခဲ ဖြစ်နေကြောင်း ပူတာအိုမြို့ မြို့မရပ်ကွက်မှ အမျိုးသမီးတစ်ဦးက KNG ကို ပြောသည်။

“တချို့လူတွေတော့ ဆော်လာပြားတွေ ဝယ်ကြ ဘတ်ထရီတွေဝယ်ကြလုပ်နေပေမယ့် နေ့တိုင်းလိုလိုမိုးကရွာနေတာ အဲ့တော့ဝယ်လည်း လောလော ဆယ်ကတော့ ဒုန်ရင်းဒုန်ရင်းပါပဲ မီးကတော့လာကို မလာတော့တာ။ ဒီတစ်ပတ်လုံးကိုမလာဘူး ပြောရမှာပဲ” ဟု ဒေသခံ အမျိုးသမီးတစ်ဦးက ပြောသည်။

ပူတာအိုဒေသတွင် ယခင်က ကျပ် ၅၀၀ ပေးဝယ်ရသည့် ဖယောင်းတိုင်တစ်ထုပ် လက်ရှိ ကျပ် ၁၀၀၀‌ စျေးရှိပြီး ဆီမီးခွက်အသုံးပြုရန်လည်း ဓါတ်ဆီးစျေးမြင့်တက်နေသောကြောင့် တာဝန်ရှိသူများအလျှင်အမြန်ဆောင်ရွက် ပေးစေလိုကြောင်း ဒေသခံများက တောင်းဆိုနေကြသည်။

ပူတာအိုတစ်မြို့နယ်လုံးကို လျှပ်စစ်မီးဖြန့်ဖြူးပေးနေသည့် အထက်နမ့်ထွမ် ရေအားလျှပ်စစ်စက်ရုံသည် NLD အစိုးရလက်ထက် ၂၀၁၈ ခုနှစ်က ဆောက်လုပ်ပြီးစီးခဲ့ပြီး လက်ရှိမီးအသုံးပြုနေသူမှာ ပူတာအိုမြို့ပေါ်ရပ်ကွက် နှင့် ကျေးရွာပေါင်း ၅၄ ရွာမှ အိမ်ထောင်စု ၆၄၀၀ ကျော်က အသုံးပြုနေကြောင်း သိရသည်။

Read Previous

စစ်ကိုင်းမြို့နယ် စစ်ကောင်စီ နှင့်ပျူစောထီးစခန်းတိုက်ခိုက်ခံရပြီး ၉ ဦး သေဆုံး

Read Next

လယ်တောသွားလမ်းတွင် ပျောက်ဆုံးခဲ့သောသူကို ပြည်သူ့စစ် စစ်ကြောင်းတွင် တွေ့ရှိဟု ဒေသခံများပြော