,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ချောင်းဦးမြို့တွင် စစ်ကောင်စီ ယာဉ်တန်းမိုင်းဆွဲတိုက်ခိုက်ခံရကာ ၂၂ ဦးခန့် သေဆုံး

စစ်ကိုင်းတိုင်းဒေသ ချောင်းဦးမြို့နယ် ဒေသကာကွယ်ရေးတပ်ဖွဲ့များ

စစ်ကိုင်းတိုင်း မုံရွာမြို့နယ် အနောက်မြောက်တိုင်းစစ်ဌာနချုပ် မှ မြင်းမူဘက်သို့ ဦးတည်ထွက်ခွာလာသော စစ်ကောင်စီယာဥ်တန်းကို ချောင်းဦးမြို့ ငါးယှန်ကျေးရွာအရှေ့ဘက်အရောက်တွင် ဒေသကာကွယ်ရေးတပ်များ မိုင်း ၂ လုံးဖြင့် တိုက်ခိုက်ခဲ့ရာ စစ်ကောင်စီဘက် မှ ၂၂ ဦး သေဆုံးကာ အများအပြားဒဏ်ရာရရှိခဲ့သည်ဟု သိရသည်။

အဆိုပါ စစ်ဆင်ရေးကို ယမန်နေ့ မနက်ပိုင်း ၁၁ နာရီဝန်းကျင်တွင် Farmer Revolution Force (CHU) နှင့် မြောင်မြို့နယ်တော်လှန်ရေးတပ် (MRA-စစ်ကိုင်းခရိုင်တပ်ရင်း ၅) စသည့် ဒေသကာကွယ်ရေးတပ်များမှ ဆောင်ရွက်ခဲ့ခြင်းဖြစ်သည်ဟု FRF CHU မှ တာဝန်ရှိသူတစ်ဦးက ဆိုသည်။

“မုံရွာ နမခ ခွေးခြံကနေ ခွေးကားတွေက ၂၂စီး ထွက်လာတယ်။ ပြီးတော့ ချောင်းဦးမြို့ဘောလုံးကွင်းမှာ ခွေး အပြောင်းအလဲလုပ်ပြီး မြင်းမူဘက်ကို ၁၆ စီး ထွက်လာတာ အင်းအား ၅၀ လောက်ပါတဲ့ Jamper ကားကြီး ပထမဆုံးကားကို အပြင်းစား မိုင်း၂လုံးနဲ့ ဆွဲလိုက်တာ ၂၂ကောင်ကျတယ်။ ဒဏ်ရာလည်းအတော်များတယ်။ ဒီပွဲကတော့ ကင်းပုန်းတွေအများကြီး ကြားကနေ ခက်ခက်ခဲခဲလုပ်ခဲ့ရတဲ့ပွဲပါ” ဟု FRF CHU မှ တာဝန်ရှိသူတစ်ဦးက ဆိုသည်။

ထို့နောက် စစ်ကောင်စီဘက်မှ ၆၀ မမ လက်နက်ကြီးများဖြင့် ရမ်းသမ်းပစ်ခတ်ခဲ့သည်ဟု သိရသည်။

စစ်ကောင်စီ၏ ကျဆုံးမှုစာရင်း နှင့် ဒဏ်ရာရမူအခြေအနေကို ဘေးပတ်ဝန်းကျင် ပြည်သူများထံမှ အတည်ပြုနိုင်ခဲ့သည်ဟု FRF CHU မှ တာဝန်ရှိသူတစ်ဦးက ဆိုသည်။

“သူတို့ဘက်က အကျအဆုံးကို ဘေးနားက မျက်မြင်ပြည်သူတွေ သတင်းပေးပို့ချက်အရသိခဲ့ရတယ်။ ပြီးတော့ ကားက မိုင်းဆွဲခံရပြီး တော်တော်လှမ်းလှမ်းမှာ ရပ်ပြီးအလောင်းတွေဘာတွေကောက်သယ်သွားတယ်။ ကားက တော်တော် ပျက်စီးသွားပေမဲ့ မောင်းလို့ရတဲ့အနေအထားလောက်ရှိသေးတယ်” ဟု FRF CHU မှ တာဝန်ရှိသူတစ်ဦး က ဆိုသည်။

စစ်ကောင်စီ ယာဉ်တန်းမိုင်းဆွဲခံရသည့် လမ်းသည် မုံရွာ-မန္တလေး အမြန်လမ်းမကြီးပေါ်တွင်ဖြစ်ပြီး စစ်ကောင်စီဘက် စစ်အင်းအားဖြည့်တင်းရန် အဓိက အသုံးပြုနေသော လမ်းကြောင်းတစ်ခုဖြစ်သည်ဟု သိရသည်။

Read Previous

ရှဒူးဇွပ် ပြည်သူ့စစ်အဖွဲ့ ဒေသခံများထံမှ အတင်းအကြပ်ငွေကြေးကောက်ခံ

Read Next

ဆယ်ဇင်းတွင် စစ်ကောင်စီ ဖမ်းထားသည့် ပြည်သူ ၅ ဦးအနက် လူငယ်နှစ်ဦး ပြန်မလွတ်သေး