,

Breaking News :

အောင်ဟိန်းမင်း ဦးဆောင်သည့် PDF အဖွဲ့မှ ပိုက်ဆံလုယက်သည် ဆိုပြီး သတင်းအမှားဖြန့်

KIO နယ်မြေမှာဖွင့်လှစ်တဲ့ Kachin State Comprehensive University (KSCU)

မိုးညှင်း နှင့် မော်ဟန်ကြားတွင် စစ်ကောင်စီတပ်မှ ခရီးသွားယာဉ်များကို စစ်ဆေးနေ

ဗန်းမော်တွင် မီတာကြေးမဆောင်သည့် နေအိမ်များမှ မီတာဘောက်များ စစ်ကောင်စီအဖွဲ့ လိုက်လံဖြုတ်သိမ်းနေ

စစ်ကောင်စီတပ်၏ စက်လှေ ၄စီးပစ်ခံရပြီး မိုးစစ်ရွာမှ ကလေးငယ် ၅ဦးခန့် ထိခိုက် သေဆုံးမှုရှိ

ထီးချိုင့်နယ် ငွေကြေးကောက်ခံနေသည့် စစ်တပ်ဂိတ်တစ်ခု မိုင်းဆွဲတိုက်ခိုက်ခံရပြီး တပ်သား ၃ဦးခန့်သေဆုံးဟုဆို

မင်းကင်းနယ်ရှိ စစ်တပ်ဂိတ်စခန်းတစ်ခုတိုက်ခိုက်ခံရပြီး သေဆုံးမှုရှိ၊ လက်နက်ခဲယမ်းတစ်ချို့သိမ်းဆည်းရရှိ

နန့်ယား ပြည်သူ့စစ်ခေါင်းဆောင် သတ်ခံရပြီးနောက် နန့်ယားကျေးရွာတွင် စစ်ဆေးရေးပိုမိုတင်းကြပ်ထား

မြစ်ကြီးနားတွင် စစ်ကောင်စီအဖွဲ့ ကင်းပုန်းချ ဖမ်းဆီးမှုလုပ်ဆောင်နေ၊ တစ်ရက်အတွင်း လူငယ် ၂ဦး ဖမ်းဆီးခံရ

ငွေသာကျေးရွာ မီးရှို့ခဲ့သည့် စစ်ကောင်စီတပ်ကို ဒေသကာကွယ်ရေးတပ်များ တိုက်ခိုက်

ဆယ်ဇင်းတွင် စစ်ကောင်စီ ဖမ်းထားသည့် ပြည်သူ ၅ ဦးအနက် လူငယ်နှစ်ဦး ပြန်မလွတ်သေး

ဖားကန့်မြို့အဝင်ဆိုင်းဘုတ်

ကချင်ပြည်နယ် ဖားကန့်မြို့နယ် ဆယ်ဇင်းကျေးရွာတွင် ဇူလိုင်လ ၂၃ ရက်နေ့ အဖမ်းခံလိုက်ရသည့် အရပ်သား ၅ ဦး အနက် ၃ ဦး ပြန်လွတ်လာသော်လည်း အသက် ၂၀ ကျော်အရွယ် လူငယ် နှစ်ဦး ပြန်မလွတ်သေးကြောင်း ဒေသခံများထံ မှ သိရသည်။

စစ်ကောင်စီသည် ဇူလိုင် ၂၃ ရက်နေ့က ဆယ်ဇင်းကျေးရွာကို တစ်အိမ်ဝင်တစ် အိမ်ထွက် စစ်ဆေးမှုများပြုလုပ်ပြီးနောက် အမျိုးသားငါးဦးကို ဖမ်းဆီးခေါ်ဆောင်သွားခဲ့ရာ သုံးဦးကို ယမန်နေ့က ပြန်လွတ်ပေးခဲ့ပြီး ကျန်လူငယ် နှစ်ဦးကို ဖမ်းဆီးထိန်းသိမ်းထားဆဲဖြစ်သည်ဟု ဒေသခံတစ်ဦး KNG ကို ပြောသည်။

“အဖမ်းခံရတာ ငါးယောက်ဟုတ်တယ်ဗျ သူက စစ်ဆေးရေးလုပ်နေတဲ့ချိန်မှာ ဖုန်း ထဲက ဒေတာအချက်အလက်တွေ မိသွားတာ ငါးယောက်ဖမ်းသွားတယ်။ ဟိုဘက်ဒီ ဘက်လမ်းပိတ်ပြီး တစ်အိမ်ဝင်တစ်အိမ် ထွက်စစ်ပြီးဖမ်းသွားတာ”ဟု ဒေသခံအမျိုးသားတစ်ဦးက ပြောသည်။

ဖမ်းဆီးထိန်းသိမ်းခံရဆဲ လူငယ်နှစ်ဦးသည် ကိုတက်တိုး အသက် ၂၅ နှစ်၊ ကိုပါဝါ အသက် ၂၂ဝန်းကျင်တို့ဖြစ်သည်။

၎င်းတို့၏ လက်ကိုင်ဖုန်းတွင် စစ်ကောင်စီ စစ်ကြောင်းထိုးမှုနှင့်ပတ်သက်သော အချင်းချင်းသတင်းဖလှယ်သည့် စာတိုများတွေ့ရှိခြင်း နှင့် လက်ကိုင်ဖုန်းတွင် အသိ PDF တစ်ဦး၏ ဝတ်စုံ ဝတ်ထားသည့် ဓာတ်ပုံတွေ့ရှိခြင်းကြောင့် PDF နှင့် ဆက်စပ်သည်ဟု စွပ်စွဲထိန်းသိမ်းထားကြောင်း သိရသည်။

ဖားကန့် ဆယ်ဇင်းကျေးရွာတွင် ဇွန်လ ၃၀ ရက်နေ့က စစ်ကောင်စီတပ် နှင့် KIA တို့ကြား တိုက်ပွဲ ပြင်းထန်ခဲ့ရာ စစ်ကောင်စီတပ်ဘက်မှ အကျအဆုံးများခဲ့သည်။

ဖားကန့်မြို့နယ် မက်လင်ချောင်ကျေးရွာတွင် ဇွန်လ ၁၁ ရက်နေ့က အရပ်သားပြည်သူ ၂၃ ဖမ်းဆီးခဲ့ရာ ၁၁ ဦးသာ ပြန်လွတ်လာခဲ့သည်။ ထို့အပြင် ဇူလိုင် ၁၃ ရက်နေ့ကလည်း ဆိုင်းတောင်သပိတ်စစ်ကြောင်းမှပြန်လာသည့် အမျိုးသမီး ၇ ဦးနှင့် အမျိုးသားတစ်ဦး စုစုပေါင်း ၈ ဦး အဖမ်းခံခဲ့ရာ ယနေ့ထိ ပြန်မလွတ်သေးကြောင်း သိရသည်။

Read Previous

ချောင်းဦးမြို့တွင် စစ်ကောင်စီ ယာဉ်တန်းမိုင်းဆွဲတိုက်ခိုက်ခံရကာ ၂၂ ဦးခန့် သေဆုံး

Read Next

ထီးချိုင့်ဘက်မှထွက်လာသည့် စစ်ကောင်စီစစ်ကြောင်း တိုက်ခိုက်ခံရပြီး ထိခိုက်သေဆုံးမှုရှိဟုဆို

Leave a Reply

Your email address will not be published.