,

Breaking News :

မြစ်ကြီးနားတွင် အမျိုသား ၂ ဦး အကြမ်းဖက် ဖမ်ဆီးခံရဟုဆို

မိုးကောင်းတွင် SNA ခေါင်းဆောင်အပါအဝင် အဖွဲ့ ၉ ဦးကို ဖမ်းဆီးရမိကြောင်း မိုးကောင်း PDF ထုတ်ပြန်

လုံးခင်း စစ်တပ်ဂိတ်တိုက်ခိုက်ခံရပြီး  စစ်ကောင်စီအထိနာ

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကြောင်းထိုးပြီး ပြန်လာသည့် စစ်ကောင်စီတပ်သားအချို့ ဒရုန်းဖြင့် တိုက်ခိုက်ခံရ

မြင်းမူးမြို့ အဝင်ဆိုင်းဘုတ်

စစ်ကိုင်းတိုင်း မြင်းမူမြို့နယ် မူးမန္တလေးကျေးရွာကို စစ်ကြောင်းထိုးပြီး ကန်ဖျားကျေးရွာဘက်သို့ စစ်ကြောင်းပြန်လှည့်ဆုတ်ခွာစဉ် Zero ပြောက်ကျားတပ်ဖွဲ့နှင့် Zeo Power တော်လှန်ရေးအင်အားစုတို့မှ ဝေဟင် ဒရုန်းဖြင့် တိုက်ခိုက်ခဲ့ရာ စစ်ကောင်စီဘက်က ၇ဦးသေဆုံးကာ ၁၈ ဦးခန့် ဒဏ်ရာရရှိခဲ့သည်ဟု သိရသည်။

စစ်ကောင်စီတပ်သည် နံနက်ပိုင်း ၉နာရီဝန်းကျင် မူးမန္တလေးကျေးရွာ မြေပြင်ကို လက်နက်ကြီးပစ်ခတ်ကာ ဝင်ရောက်မီးရှို့ဖျက်စီးခဲ့ပြီး မွန်းလွှဲပိုင်းတွင် မြင်းမူမြို့ဘက်သို့ ပြန်လှည်ဆုတ်ခွာစဉ် တိုက်ခိုက်ခဲ့သည်ဟု Zero ပြောက်ကျားတပ်ဖွဲ့မှ တာဝန်ရှိသူတစ်ဦးက KNG ကို ဆိုသည်။

“မနေ့ကမနက်ပိုင်းက ရဟတ်ယာဉ် နဲ့လာပစ်တယ် လူတစ်ချို့ချသွားတယ် သူတို့က မူးမန္တလေးရွာကိုမီးရှို့ပြီး ညနေပိုင်းကျတော့ ကန်ဖျားဘက်ကကနေ ၂၉ ကောင်ပါတဲ့စစ်ကြောင်းက မြင်းမူဘက်ကနေပြန်ဆုတ်တဲ့အချိန် ကြိုစောင့်ပြီးတိုက်ခိုက်ခဲ့တာဟုတ်တယ်။ အဲ့နေရာမှာတင် ၇ ကောင်သေတယ်။ ၁၈ကောင်လောက်က ဒဏ်ရာရတယ်”ဟုပြောဆိုသည်။

တိုက်ခိုက်ခံရသော စစ်ကောင်စီတပ်သည် ဒဏ်ရာရရှိသူများနှင့် သေဆုံးသူများကို လူနာတင်ကားဖြင့် မုံရွာဘက်သို့ သယ်ဆောင်သွားသည်ဟု မြေပြင်တွင် ကြည့်ရှု့နေသောအဖွဲ့က ပြောဆိုသည်ဟု သူကဆက်ဆိုသည်။

လက်ရှိတွင် မူးမန္တလေးကျေးရွာမှ ဒေသခံပြည်သူများကို စစ်ကောင်စီတပ်မှ ဓားစာခံအဖြစ် ဖမ်းဆီးထားသည်ဟု စစ်ကိုင်းမြို့နယ် သတင်းမှန်ပြန်ကြားရေး ဖေ့ဘုတ် စာမျက်နှာတွင် ဖော်ပြထားသော်လည်း KNG သတင်းဌာနမှ သီးခြားအတည်ပြုနိုင်းခြင်းမရှိသေးပါ။

အဆိုပါ စစ်ကောင်စီတပ်များကို ယမန်နေ့ နံနက်ပိုင်း ၉နာရီဝန်းကျင်ခန့်တွင် ရဟတ်ယာဉ်တစ်စီးဖြင့် စစ်အင်အား ၃၀ခန့် မူးမန္တလေးကျေးရွာသို့ လာချထားသည့် စစ်ကောင်စီအဖွဲ့ဖြစ်ပါသည်။

ထို့နောက် မူးမန္တလေး ကျေးရွာ၏ မြောက်ပိုင်းဘက်တွင် လူနေအိမ်များ မီးရှို့ခံရမှုဆက်ရှိနေပြီး လက်ရှိအချိန်အထိ ရွာထဲတွင် စစ်ကောင်စီတပ်များရှိနေသေးသည့်အတွက်ကြောင့် နယ်မြေခံတပ်များ ဝင်ရောက်ကြည့်ရှု့ရန် ခက်ခဲနေသေးကြောင်း Zero ပြောက်ကျားတပ်ဖွဲ့မှ ဆက်လက်သိရသည်။

Read Previous

ကွတ်ခိုင် နမ်ဖလွန်အနီး စစ်ကောင်စီ နှင့် KIA တိုက်ပွဲ ဖြစ်ပွား

Read Next

KTV အတွင်း ပျော်ပါးသောက်စားနေသည့် စစ်ကောင်စီတပ်သား ၂ဦးပစ်ခတ်ခံရ