,

Breaking News :

မြစ်ကြီးနားတွင် အမျိုသား ၂ ဦး အကြမ်းဖက် ဖမ်ဆီးခံရဟုဆို

မိုးကောင်းတွင် SNA ခေါင်းဆောင်အပါအဝင် အဖွဲ့ ၉ ဦးကို ဖမ်းဆီးရမိကြောင်း မိုးကောင်း PDF ထုတ်ပြန်

လုံးခင်း စစ်တပ်ဂိတ်တိုက်ခိုက်ခံရပြီး  စစ်ကောင်စီအထိနာ

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကောင်စီတပ် မိုးတားလေး ကျေးရွာအနီး တိုက်ခိုက်ခံရ၍ ၄ ဦးသေဆုံး

ပုံဟောင်းအသုံးပြုထားသည်

ကသာမြို့နယ် ဧရာဝတီမြစ်ကြောင်းတွင် စစ်ကောင်စီ သင်္ဘောကို လုံခြုံရေးပေးရန် ခြေလျှင်ဆင်းလာသည့် စစ်ကြောင်းကို မိုးတားလေးကျေးရွာအနီးတွင် KIA နှင့် PDF ပူးပေါင်းတပ်တို့မှ ယနေ့ တိုက်ခိုက်ခဲ့ရာ စစ်တပ် ဘက်မှ ၄ ဦး ထက်မနည်း သေဆုံးခဲ့ကြောင်း သိရသည်။

ယနေ့ သြဂုတ် ၉ ရက်နေ့ နံနက် ၈ နာရီခွဲခန့်တွင် ဆင်ကုန်ကျေးရွာမှ ထွက်ခွာလာသည့် အင်အား ၈၀ ပါသည့် စစ်ကောင်စီ ခြေလျှင်စစ်ကြောင်းသည် ယမန်နေ့က မန္တလေးမှတက်လာသည့် စစ်သင်္ဘော ၆ စီးကို လုံခြုံရေးပေးရန် ဆင်းလာစဥ် မိုးတားလေးကျေးရွာအနီးတွင် တိုက်ခိုက်ခံရပြီး ထိခိုက်သေဆုံးမှု များခဲ့ကြောင်း ကသာမြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက KNG ကိုပြောသည်။

“သူတို့က ဆင်ကုန်ကနေ မိုးတားဘက်ကို ထွက်လာတာ အဲ့ထွက်လာတဲ့ဟာကို ဒီဖက်က EAOs၊ ပြည်သူ့ကာကွယ် ရေးတပ်ဖွဲ့နဲ့ပြည်သူ့ကာကွယ်ရေးအဖွဲ့တွေ ပူးပေါင်းပြီးတော့ ဒီဘက်ကနေ စောင့်နေလိုက်တာ။ အဲ့တာကို မိုးတာကိုဝင်ခါနီးမှာ တိုက်ပွဲ ဖြစ်တာပဲ”ဟု ကသာမြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။

မိနစ် ၄၀ ကျော်ကြာ အပြန်အလှန်ပစ်ခတ်ခဲ့ကြပြီးနောက် စစ်ကောင်စီဘက်မှ ၄ ယောက်ခန့်ကျဆုံးပြီး ၃ ယောက် ဒဏ်ရာ ရခဲ့သည်ဟု သူက ဆက်လက်ပြောဆိုသည်။

အဆိုပါ တိုက်ခိုက်ခံရသည့် စစ်ကြောင်းသည် သြဂုတ်လ ၈ ရက်နေ့ နံနက် ၆ နာရီအချိန်ခန့်က မန္တလေး ဂေါဝိန်ဆိပ်ကမ်းမှ ဗန်းမော်ဘက်သို့ စစ်အင်အားနဲ့ စားနပ်ရိက္ခာများအပြည့်တင်လာသည့် သင်္ဘော ၆ စီးကို လုံခြုံရေးပေးရန် ဆင်းလာစဥ် တိုက်ခိုက်ခံရခြင်းဖြစ်ပြီး ယင်းတိုက်ခိုက်ခံရမှုအပြီး မိုးတာဘက်သို့ဆက်လက်ချီတက်သွားကြောင်း သိရသည်။

“ကာကွယ်ရေးတပ်တွေဘက်ကတော့ ထိခိုက်တာမရှိပါဘူး။ အဲ့မန္တလေးဘက်က တက်လာတဲ့စစ်သဘောတွေလည်း ဒီမနက် ငါးနာရီလောက်မှာတော့ ကျောက်မြောင်းမြို့နယ်ထဲကိုရောက်နေပြီလို့သိရတယ်။ ဗန်းမော်ဘက်ကို ဆက်တက်နေတယ်”ဟု ကသာမြို့နယ် ပြည်သူ့ကာကွယ်ရေးတပ်မှ တပ်ဖွဲ့ဝင်တစ်ဦးက ပြောသည်။

စစ်ကောင်စီတပ်သည် ယခုနှစ်ဆန်းပိုင်း မတိုင်မှီက ကချင်ပြည်နယ်အတွင်းသို့ စစ်အင်အားနှင့် စားနပ်ရိက္ခာများ တင်ပို့ရာတွင် ဧရာဝတီ မြစ်ကြောင်းကို အသုံးပြု၍ တင်ပို့လျက်ရှိပြီး ယခုနှစ်အတွင်း မကြာခဏတိုက်ခိုက်ခံရပြီးနောက် ရေကြောင်းအသုံးပြုမှု လျော့နည်းလာကြောင်း သိရသည်။

Read Previous

ဆယ်ဇင်းတွင် စစ်ကောင်စီတပ် နှင့် ရှမ်းနီတပ် ထိခိုက်သေဆုံးမှု များပြား၊ KIA ဘက်မှ ကား ၂ စီးအပြည့် လက်နက်များ သိမ်းယူနိုင်ခဲ့

Read Next

နန့်မွန်း ချောင်းရေကြီးမှုကြောင့် လယ်ယာမြေဧက ၂၀ နီးပါး ပျက်စီး၊ ရွှေအလွန်အကျွံ တူးဖော်မှုကြောင့်ဟု ဒေသခံများ ပြောဆို