,

Breaking News :

အောင်ဟိန်းမင်း ဦးဆောင်သည့် PDF အဖွဲ့မှ ပိုက်ဆံလုယက်သည် ဆိုပြီး သတင်းအမှားဖြန့်

KIO နယ်မြေမှာဖွင့်လှစ်တဲ့ Kachin State Comprehensive University (KSCU)

မိုးညှင်း နှင့် မော်ဟန်ကြားတွင် စစ်ကောင်စီတပ်မှ ခရီးသွားယာဉ်များကို စစ်ဆေးနေ

ဗန်းမော်တွင် မီတာကြေးမဆောင်သည့် နေအိမ်များမှ မီတာဘောက်များ စစ်ကောင်စီအဖွဲ့ လိုက်လံဖြုတ်သိမ်းနေ

စစ်ကောင်စီတပ်၏ စက်လှေ ၄စီးပစ်ခံရပြီး မိုးစစ်ရွာမှ ကလေးငယ် ၅ဦးခန့် ထိခိုက် သေဆုံးမှုရှိ

ထီးချိုင့်နယ် ငွေကြေးကောက်ခံနေသည့် စစ်တပ်ဂိတ်တစ်ခု မိုင်းဆွဲတိုက်ခိုက်ခံရပြီး တပ်သား ၃ဦးခန့်သေဆုံးဟုဆို

မင်းကင်းနယ်ရှိ စစ်တပ်ဂိတ်စခန်းတစ်ခုတိုက်ခိုက်ခံရပြီး သေဆုံးမှုရှိ၊ လက်နက်ခဲယမ်းတစ်ချို့သိမ်းဆည်းရရှိ

နန့်ယား ပြည်သူ့စစ်ခေါင်းဆောင် သတ်ခံရပြီးနောက် နန့်ယားကျေးရွာတွင် စစ်ဆေးရေးပိုမိုတင်းကြပ်ထား

မြစ်ကြီးနားတွင် စစ်ကောင်စီအဖွဲ့ ကင်းပုန်းချ ဖမ်းဆီးမှုလုပ်ဆောင်နေ၊ တစ်ရက်အတွင်း လူငယ် ၂ဦး ဖမ်းဆီးခံရ

ငွေသာကျေးရွာ မီးရှို့ခဲ့သည့် စစ်ကောင်စီတပ်ကို ဒေသကာကွယ်ရေးတပ်များ တိုက်ခိုက်

စံပြ ပြည်သူ့စစ်တပ်စခန်း ဝင်ရောက်တိုက်ခိုက်မှုတွင် KIA ဘက် ၁ ဦးကျဆုံး၊ ၁ ဦးထိခိုက်ဟု ဆို

ပစ်ခတ်မှုအပြီး KIA မှ ပြန်လည်ဆုတ်ခွာသွားချိန် ပြည်သူ့စစ်အဖွဲ့က Dron ဖြင့်ရိုက်ထားသောရုပ်ပုံဖြစ်သည်

ရှဒူးဇွပ် ကျေးရွာအနီး စစ်ကောင်စီ လက်အောက်ခံ စံပြ ပြည်သူ့စစ်တပ်စခန်းကို ယနေ့ နံနက် ကချင်လွတ်လပ်ရေးတပ်မတော် KIA မှ ဝင်ရောက်တိုက်ခိုက်မှုတွင် စခန်းသိမ်းပိုက်နိုင်ခြင်းမရှိဘဲ KIA ဘက်မှ ၁ ဦးကျဆုံးကာ ၁ ဦးထိခိုက်ခဲ့သည်ဟု ဒေသခံများ ပြောဆိုနေကြသည်။

“ကျနော်တို့ ကြားရသလောက်က တစ်ယောက်ကျပြီး တစ်ယောက်က ထိခိုက်တယ်လို့ကြားတယ်။ ပြည်သူ့စစ် တပ်စခန်းသိမ်းနိုင်တဲ့အထိတော့ မဟုတ်ဘူး။ KIA ဘက်က ပစ်တဲ့ လက်နက်ကြီးတွေကြောင့် ပြည်သူ့စစ်တပ်စခန်းအတွင်းမှာ ထိခိုက်ပျက်စီးမှုများတယ်”ဟု စံပြ ဒေသခံတစ်ဦးက KNG ကို ပြောသည်။

KIA ဘက်က ကျဆုံးမှုနှင့် ပတ်သက်ပြီး သက်ဆိုင်ရာ KIA ဘက်သို့ ဆက်သွယ်မေးမြန်သော်လည်း လက်ရှိအချိန်အထိ ဆက်သွယ်၍ မရရှိသေးပါ။

ယနေ့ နံနက်ပစ်ခတ်မှုအပြီး ပြည်သူ့စစ်အဖွဲ့မှ ထုတ်ပြန်ထားသော Drone ဓါတ်ပုံတွင် KIA ဘက်မှ ဆုတ်ခွာသွားသည့် ရုပ်ပုံနှင့်အတူ သေဆုံးသူကို ထမ်းသွားသည့် ရုပ်ပုံများပါ ဖော်ပြထားသည်။

စံပြ ပြည်သူ့စစ်တပ်စခန်း အနီးရှိသော ဒေသခံများပြောဆိုချက်အရ ပြည်သူ့စစ်အဖွဲ့ဘက်မှလည်း ထိခိုက်မှုရှိနိုင်ကြောင်း ပြောဆိုသော်လည်း KNG မှ သီးခြားအတည်ပြုနိုင်ခြင်းမရှိသေးပါ။

ပြည်သူ့စစ်အဖွဲ့ ထုတ်ပြန်သော KIA စစ်ကြောင်း၏ ဓါတ်ပုံများ လူမှုစာမျက်နှာတွင် ထွက်ပေါ်လာပြီးနောက် KIA အနေဖြင့်လည်း ခေတ်မှီလက်နက်များကို မြင့်တင်သင့်ပြီဟု မြစ်ကြီးနား ရှိ စစ်ရေး နိုင်ငံရေးလေ့လာသုံးသပ်သူ တစ်ဦးက KNG ကို ပြောသည်။

‘မင်းဇင်သန့် ပြည်သူ့စစ်အဖွဲ့တွေက KIA စစ်ကြောင်းကို Drone နဲ့ ကြည့်ရှုနိုင်တယ်ဆိုရင် အစိုးရတစ်ရပ်လိုနေတဲ့ KIA ဘက်ကလည်း Drone ဘာကြောင့် မကိုင်နိုင်သေးတာလဲ။ အစိုးရဘဏ္ဍာငွေတွေ အောက်ခြေမှာ အလွဲသုံးစားမှုတွေ ဖြစ်နေလို့လား” ဟု ဆိုသည်။

စစ်တပ်အာဏာသိမ်းပြီးနောက် ရှဒူးဇွပ်ဒေသ မင်းဇင်သန့် ဦးဆောင်သော စံပြ ပြည်သူ့စစ်တပ်စခန်းကို KIA ဝင်ရောက်တိုက်ခိုက်မှု ၃ ကြိမ် ထက်မနည်းရှိခဲ့ပြီ ဖြစ်သည်။

၂၀၂၁ မေလ မင်းဇင်သန့်၏ နေအိမ်တွင် KIA တပ်မဟာ ၂ မှ လာရောက်တိုက်ခိုက်ချိန် KIA ဘက်မှ ၄ ဦး ကျဆုံးခဲ့သည်။ ထို့နောက် ပြီးခဲ့သည့် ဇူလိုင်လ ချောင်းဆုံ ရွှေမှော်အနီးရှိ ကနွယ်တူ KIA တပ်စခန်းကို ပြည်သူ့စစ်အဖွဲ့မှ သွားရောက်တိုက်ခိုက်ခဲ့စဉ် KIA ဘက်မှ ၂ ဦး ကျဆုံးပြီး ၂ ဦး ထိခိုက်ခဲ့သည်။

ဟူးကောင်းချိုင့်ဝှမ်းဒေသ လီဒိုလမ်းမပေါ် စံပြကျေးရွာအခြေစိုက် ဝါရာဇွပ်ပြည်သူ့စစ်ဟု ခေါ်သော မင်းဇင်သန့် ဦးဆောင်သည့် ပြည်သူ့စစ်အဖွဲ့သည် စံပြနှင့် ရှဒူးဇွပ်၊ ကိုင်းတော စသည့်နေရာများတွင် စစ်တပ်အခိုင်အမာ တည်ဆောက်ထားသည့်အပြင် ခေတ်မှီလက်နက်များဖြင့် နေ့စဉ် လေ့ကျင်မှုပြုလုပ်နေသောကြောင့် KIA မှ တိုက်ခိုက်ရန် ခက်ခဲလာသည်ဟု ဒေသခံများ သုံးသပ်မှုများ ရှိနေသည်။

 

မင်းဇင်သန့်၏ အကြောင်းကို အောက်ပါ ရုပ်သံတွင် ကြည့်ရှုနိုင်ပါသည်။
https://www.facebook.com/watch/?v=5458270457543948

Read Previous

စံပြ ပြည်သူ့စစ် စခန်းကို KIA သွားရောက်တိုက်ခိုက် ဖျက်ဆီး

Read Next

ဆယ်ဇင်းတွင် ပိတ်မိနေသည့် စစ်ရှောင် ပြည်သူအချို့ ပြန်လည်လွှတ်မြောက်လာ၊ အရေးပေါ် ကူညီမှုလိုအပ်နေ

Leave a Reply

Your email address will not be published.