,

Breaking News :

မြစ်ကြီးနားတွင် အမျိုသား ၂ ဦး အကြမ်းဖက် ဖမ်ဆီးခံရဟုဆို

မိုးကောင်းတွင် SNA ခေါင်းဆောင်အပါအဝင် အဖွဲ့ ၉ ဦးကို ဖမ်းဆီးရမိကြောင်း မိုးကောင်း PDF ထုတ်ပြန်

လုံးခင်း စစ်တပ်ဂိတ်တိုက်ခိုက်ခံရပြီး  စစ်ကောင်စီအထိနာ

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

အင်းတော်နယ်တွင် စစ်ကောင်စီထုတ် ဘီယာအဖာ ၂၀၀ တိတိကို KIA နှင့် PDF ဖျက်ဆီး

အင်းတော်နယ် စစ်ကောင်စီထုတ် ဘီယာ ၂၀၀ တိတိ KIA

စစ်ကိုင်းတိုင်းဒေသကြီး အင်းတော်မြို့နယ် အင်းတော်မြို့နှင့် ကျောင်းကုန်းကျေးရွာကြားတွင် မန္တလေးဘက်မှ တင်ဆောင်လာသည့် မြန်ဘီယာ၊ ဒဂုန်ဘီယာနှင့် Andaman ဘီယာအဖာ ၂၀၀ တိတိကို ကချင်လွတ်လပ်ရေးတပ်မတော် KIA နှင့် PDF တို့က ဖမ်းဆီး၍ ဖျက်ဆီးခဲ့ကြောင်း အင်းတော် PDF မှ သိရသည်။

ယမန်နေ့ နံနက် ၁၁ နာရီခန့်အချိန်တွင် မန္တလေးမှ အင်းတော်မြို့တွင်းသို့ ၆ဘီးယာဉ်တစ်စီးဖြင့် စစ်ကောင်စီထုတ် မြန်မာဘီယာများတင်ဆောင်လာသည့် ကားများကို KIA နှင့် ပြည်သူ့ကာကွယ်ရေးတပ်( PDF )ပူးပေါင်းတပ်တို့က အင်းတော်နှင့် ကျောင်းကုန်းကျေးရွာကြားတွင် စစ်ဆေးမိရာမှ မြန်မာဘီယာ အဖာ ၂၀၀ တိတိကို ဖမ်းဆီးဖျက်ဆီးနိုင်ခဲ့ကြောင်း အင်းတော် PDFမှ တာဝန်ရှိသူ တစ်ဦးက KNG သတင်းကိုပြောသည်။

“အင်းတော်နှင့် ကျောင်းကုန်းလမ်းပိုင်းမှာ ကျွန်တော်တို့က ကားတွေကိုစစ်နေတာ စစ်နေတဲ့ချိန်မှာ မန္တလေး ဘက်ကနေ အင်းတော်ကိုသယ်လာတာတဲ့ကားတစ်စီးမှာ မြန်မာဘီယာက ၁၈၀ ဖာ၊ ဘီယာ က ၁၂ ဖာနဲ့ ဒဂုန်ဘီယာက ၈ ဖာဗျ အဲ့တာကို ကေအိုင်အေနှင့် DPF တွေပေါင်းပြီး အဲ့သယ်လာတဲ့ကားနဲ့ပဲ တက်ကြိတ် ခိုင်းပြီးဖျက်ဆီးလိုက်တာပါ”ဟုပြောဆိုသည်။

အဆိုပါ ကားသမားကို နောက်နှောင် ယခုကဲ့သို့ ပြစ်မှုမျိုးမကျူးလွန်ရန် သတိပေး၍ ကားနဲ့လူကိုပြန်လွတ် ပေးခဲ့ပြီး ယခုကဲ့သို့ ဖမ်းဆီးဖျက်ဆီးမှုမျိုးမပြုလုပ်မှီကြိုတင်သတိပေးမျိုးများရှိခဲ့ကြောင်းလည်းသိရသည်။

“အရင်ကမိတဲ့ကားသမားတွေကိုလည်းခုလိုမျိုးသတိပေးပြီးတော့မှပဲပြန်လွတ်ပေးလိုက်တာရှိတယ် အခုလိုမျိုးမလုပ်ခင် အရင်ကလည်းစစ်တပ်ထုတ်ကုန်တွေမတင်ဖို့ သတိပေးတာတွေရှိတယ် အွန်လိုင်းပေါ်မှာကော နောက်ပြီးကားဆရာတွေကိုကော သတိပေးတာမျိုးတွေရှိတယ်” ဟု အင်းတော် PDF မှ တာဝန်ရှိသူတစ်ဦးကပြောသည်။

လတ်တလောတွင် အင်းတော် ကျောင်းကုန်းလမ်းပိုင်း၌ မြစ်ကြီးနား မန္တ​လေးဘက်မှ အတက်အဆင်းကားများ ကို ကေအိုင်အေ နှင့် PDFတို့က ပုံမှန်စစ်ဆေးမှုများပြုလုပ်နေပြီး ကုန်ကားများ မိုးကာအုပ်၍ မသွားရန်နှင့် ခရီးသည်တင်ကားများ၊ လူမှုကူညီရေးအသင်းကားများ၊ ဘာသာရေးနှင့် လူမှုအသင်းအဖွဲ့ကားများ မှန်ချ၍ မောင်နှင်းသွားလာကြရန်လည်း သတိပေးတာမြစ်တားသည်။

အင်းတော် PDF နှင့် ကေအိုင်အေအနေဖြင့် အင်းတော် ကျောင်းကုန်းလမ်းပိုင်းတွင် ယခုကဲ့သို့ မြန်မာ ဘီယာဖာများ ဖမ်းဆီးဖျက်ဆီးမှုမှာ ဒုတိယအကြိမ်ရှိပြီဖြစ်ကြောင်းလည်းသိရသည်။

Read Previous

မမုံ သပိတ်ခေါင်းဆောင်နှင့် ဟိုပင်လွှတ်တော်ကိုယ်စားလှယ် ၂၁ မိုင် ဂိတ်တွင် ဖမ်းခံရ

Read Next

စက်သုံးဆီ စျေးမြှင့်တက်မူကြောင့် ဆော့လော်သို့ ကုန်ပစ္စည်းတင်ပို့မှု ရပ်နားထား