,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ထီးချိုင့်နယ် ငွေကြေးကောက်ခံနေသည့် စစ်တပ်ဂိတ်တစ်ခု မိုင်းဆွဲတိုက်ခိုက်ခံရပြီး တပ်သား ၃ဦးခန့်သေဆုံးဟုဆို

ဗန်းမော် – ထီးချိုင့် လမ်းဆုံ မှတ်တိုင်

စစ်ကိုင်းတိုင်းဒေသကြီး ထီးချိုင့်မြို့နယ် မြတောင်ကျေးရွာအုပ်စု ကတ္တုကျေးရွာတွင် အများပြည်သူများထံမှ ငွေကြေးကောက်ခံနေသည့် စစ်ကောင်စီ ဂိတ်စခန်းတစ်ခုကို ယနေ့နံနက်ပိုင်း ၇နာရီဝန်းကျင် Special.9-HPDF တပ်ဖွဲ့က သွားရောက်မိုင်းခွဲတိုက်ခိုက်ခဲ့ပြီး စစ်ကောင်စီဘက် ၃ဦးသေဆုံးမှုရှိခဲ့ကြောင်းသိရသည်။

အဆိုပါ စစ်တပ်ဂိတ်စခန်းသည် ဗန်းမော်မန္တလေး အဝေးပြေးလမ်းမကြီးပေါ်တွင် တပ်ချထားသည့် ဂိတ်စခန်းတစ်ခုဖြစ်ပြီး ပဒေသာမိုင်း ၂လုံးဖြင့် သွားရောက် မိုင်းဆွဲတိုက်ခိုက်ခဲ့သည်ဟု Special.9-HPDF တပ်ဖွဲ့မှ တာဝန်ရှိသူတစ်ဦး KNG ကိုပြောသည်။

သူတို့က မြတောင်လမ်းဆုံဂိတ်မှာ ပုံမှန်စစ်ဆေးတာတွေလုပ်တယ်။ ပြည်သူတွေဆီးက ငွေညှစ်တောင်းတယ်။ အဲ့ကြောင့် ကျနော်တို့က သူတို့မရှိတဲ့အချိန် မိုင်းသွားထောင်တားတယ်။ ဒီမနက်က ဂိတ်စခန်းတဲပေါ်ကို စစ်သား ၃ယောက်တက်လာတယ်။ ထောင်ထားတဲ့မိုင်းကိုတွေ့သွားမှာကြောက်လို့ အဲ့ ၃ယောက်ကိုဘဲ ချိန်ချလိုက်တယ်ဟုပြောသည်။

ယနေ့နံနက်ပိုင်းအချိန် ဂိတ်စခန်းတိုက်ခိုက်ခံရသည့်အပြင် တပ်သား ၃ဦး သေဆုံးမှုဖြစ်ပွားခဲ့သောကြောင့် လက်ရှိ နံနက်ပိုင်း ၁၁နာရီဝန်းကျင်အထိ သွားလာသည့်ပြည်သူများကို ပုံမှန်ထက် စစ်ဆေးမှုတင်းကြပ်ထားသည်ဟု သိရသည်။

ယခုလို Special.9-HPDF တပ်ဖွဲ့ဘက်မှ စစ်ကောင်စီ ဂိတ်စခန်းကို သွားရောက်တိုက်ခိုက်ရခြင်းမှာ လမ်းသွား လမ်းလာ ငွေကြေးကောက်ခံခြင်း၊ စစ်ဆေးမှုများလုပ်ဆောင်နေသည့်အတွက် အများပြည်သူစိတ်အနှောက်အယှက်မဖြစ်စေရန် သွားရောက်တိုက်ခိုက်ခဲ့သည်ဟု သတင်းအရင်းအမြစ်ထံမှသိရသည်။

ပြီးခဲ့သော စက်တင်ဘာလ ၁ရက်နေ့တွင်လည်း မြတောင်ကျေးရွာဘက်မှဆင်းလာသည့် စစ်ကောင်စီယာဉ်တန်းကို မောင်းကုန်းအုပ်စု ဖုန်ကုန်းကြီးကျေးရွာအနီးတွင် ဒေသခံကာကွယ်ရေး တပ်ဖွဲ့များ မိုင်းဆွဲတိုက်ခိုက်ခဲ့သောကြောင့် စစ်ကောင်စီဘက်မှ ထိခိုက်သေဆုံးမှုရှိခဲ့ကြောင်း ဆက်လက်သိရသည်။

Read Previous

မင်းကင်းနယ်ရှိ စစ်တပ်ဂိတ်စခန်းတစ်ခုတိုက်ခိုက်ခံရပြီး သေဆုံးမှုရှိ၊ လက်နက်ခဲယမ်းတစ်ချို့သိမ်းဆည်းရရှိ

Read Next

စစ်ကောင်စီတပ်၏ စက်လှေ ၄စီးပစ်ခံရပြီး မိုးစစ်ရွာမှ ကလေးငယ် ၅ဦးခန့် ထိခိုက် သေဆုံးမှုရှိ