,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ကသာတွင် မီတာကြေးမဆောင်ကြသည့် ရပ်ကွက်တွင် မီးကြိုးများစတင်ဖြတ်တောက်နေ

မီတာဘောက် – ပုံဟောင်းအသုံးပြုထားသည်

ကသာမြို့တွင် တစ်နှစ်ကျော်အတွက် ပေးဆောင်ရမည့် မီတာကြေးများကို လိုက်လံကောက်ခံနေပြီး မီတာကြေးမဆောင်ကြသည့် နေအိမ်များကို ကသာ EPC အဖွဲ့မှ မီးကြိုးဖြတ်တောက်မှုများ လုပ်ဆောင်ပေးနေကြောင်း ဒေသခံများပြောသည်။

မီတာကြေးကောက်ခံရာတွင် ပြီးခဲ့သည့် ၂၀၂၁ ခုနှစ် ကိုဗစ်ကာလအတွက်ပါ ပေးဆောင်ကြရန် အောက်တိုဘာ လဆန်းပိုင်းအတွင်းမှ မီတာစာရွက်များဖြန့်ဝေကြေညာခဲ့ပြီးနောက် ယနေ့နံနက်ပိုင်းမှစကာ မီတာကြေးမဆောင်သည့် ရပ်ကွက်အတွင်း မီးဖြတ်တောက်မှုများ လုပ်ဆောင်နေသည်ဟု ကသာဒေခံတစ်ဦး KNG ကိုပြောသည်။

သူတို့က မီတာစာရွက်တွေ အရင်နှစ်ကနေ ဒီနှစ်အောက်တိုဘာလအထိ မီတာကြေးတွေ ဆောင်ရမယ်ဆိုပြီး မီတာစာရွက်တွေ ဝေထားတယ်။ အခုက မီတာကြေးမဆောင်တဲ့ ရပ်ကွက်တွေကို Transformer ကနေဖြတ်ပေးလိုက်တာတွေလုပ်နေတယ်။ တစ်ချို့ရပ်ကွက်တွေဆို မီးမရတော့ဘူးဟုပြောဆိုသည်။

လျှပ်စစ်မီးကြိုးများလိုက်လံဖြတ်တောက်ခဲ့ရာတွင် သေနတ်ကိုင်ဆောင်ထားသည့် လျှပ်စစ်ဝန်ထမ်း ၄ ဦးအပါအဝင် စစ်သားများနှင့် ရဲများ စုစုပေါင်း ၁၀ ဦးထက်မနည်းတွေ့ရသည်ဟုသိရသည်။

တစ်နှစ်ကျော်အတွက် မီတာစာရွက်တွင် တစ်သိန်းကျော်မှ ၁၀ သိန်းဝန်းကျင်အထိ ပေးဆောင်ရမည်ဖြစ်ပြီး ရပ်ကွက်တစ်ချို့တွင် မီးကြိုးဖြတ်တောက်ပေးလိုက်သည့်နောက်ပိုင်း မီတာကြေးလာသွင်းသူများရှိသလို မဆောင်သေးသည့် ပြည်သူများလည်းရှိနေကြောင်း ဒေသခံများပြောဆိုချက်မှသိရသည်။

ကသာမြို့နယ် လျှပ်စစ်ရုံးဝင်းအတွင်းမှာလည်း သဲအိတ်ဘန်ကာများတပ်ချထားကာ စစ်ကောင်စီတပ်များအပါ လျှပ်စစ်ဝန်ထမ်းများ သေနတ်ကိုင်ဆောင်ထားပြီး နေ့စဉ်ပုံမှန်တွေ့ရကြောင်း သိရသည်။

သေနတ်ကိုင်ထားတဲ့ လျှပ်စစ်ရုံးဝန်ထမ်းတွေပဲ ကျနော်တို့ရဲ့ Transformer ကနေ မီးကြိုးလာဖြတ်သွားတယ်။ အခုရပ်ကွက်ထဲ မီးမလာတော့ဘူးဟုနောက်ထပ် သတင်းအရင်းအမြစ်တစ်ဦးက ပြောဆိုသည်။

လက်ရှိ ကသာမြို့ပေါ်ရပ်ကွက်အတွင်း ရပ်ကွက် ၁၊ ရပ်ကွက် ၂ ၊ ရပ်ကွက် ၈ ၊ မီတာ ၂၀၀ အားကာတိုက်တန်းနှင့် မြို့ပြင် ကျေးရွာများဖြစ်ကြသည့် ရေဘုတ်၊ ဝဲကြီး၊ ကြာအင်းကုန်း၊ ပန္နဲချောင်နှင့် ပန်းသေ စသည့် ရပ်ကွက် ၅ နေရာတွင် မီးဖြတ်တောက်ခံထားရကြောင်း သိရသည်။

Read Previous

တနိုင်း လမုန်ကျေးရွာတွင် ပြည်သူ့စစ်ဖြစ် ရပ်တည်နိုင်ရေး ဦးရွှေမင်းအဖွဲ့များ ကြိုးပမ်းနေ

Read Next

ဖားကန့်သို့ ဆန်တင်ပို့နိုင်ရေး စစ်ကောင်စီနှင့် ညှိနှိုင်း‌သော်လည်း တားမြစ်ခံထားရဆဲ