,

Breaking News :

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

ငွေစက္ကူ

ငွေစက္ကူ အတု အစစ်

ကချင်ပြည်နယ် ဖားကန်မြို့နယ်တွင် ယခုရက်ပိုင်း ၁၀၀၀၀ ကျပ်တန် ငွေစက္ကူအတု သုံးစွဲမှု ပိုမိုများလာသည်ဟု ဒေသခံများထံမှ စုံစမ်းသိရှိရသည်။

ဖားကန့်မြို့ပေါ် လုံခင်းကျေးရွာ၊ ဆန်းကြွယ်ကျေးရွာများရှိ ကုန်စုံဆိုင်များ၊ ကွမ်းယာဆိုင်များနှင့် ကျောက်အရောင်းအဝယ်ပြုလုပ်သည့် စျေးကွက်များအထိပါ ၁၀၀၀၀ ကျပ်တန် ငွေစက္ကူ အတုများကို အသုံးပြုလာနေကြောင်း လုံးခင်းကျေးရွာမှ အမျိုးသမီးတစ်ဦးက KNG ကို ပြောသည်။

ဒီနောက်ပိုင်းအသုံးပြုလာနေတာကို သတိထားမိလာကြတာ ဟိုနေ့ကလည်း ကျောက်ပွဲတစ်ပွဲတည့်တော့ အဲ့မှာ တစ်သိန်းတန်အုပ်မှာ ညှပ်ပြီးပါပါလာတယ်။ တစ်သိန်းလောက်ဆို တစ်ရွက်လောက်ပါပါလာတယ်။ ဒီတိုင်းဆိုမသိဘူးအဲ့နေ့က သူ့လက်ကရေစိုနေတာ ရေစိုတဲ့လက်နဲ့ပိုက်ဆံကိုင်တော့ရေထိတဲ့နေရာက မျှင်ရည်ကပယ်နေတာ အဲ့တာနဲ့သိလိုက်တာ အချင်းချင်းဆိုတော့ဘာမှမဖြစ်ဘူးသူလည်းဘယ်ကပါလာတာလည်းမသိဘူးတဲ့ဟုပြောဆိုသည်။

ဖားကန့်ဒေသတွင် ငွေစက္ကူအတုအသုံးပြုလာမှုမှာ ယခုလအတွင်းပိုမိုများလာသည်ဟု ဒေသခံများပြောဆိုနေကြသည်။

ဘယ်ကဘယ်ကလူတွေလည်းမသိဘူး လာဝယ်ကြတာ တစ်ဆိုင်ထဲမှာအများကြီးတော့မဝယ်ဘူး။ ဟို ဟိုဆိုင်မှာနည်းနည်း၊ ဒီဆိုင်မှာနည်းနည်းဝယ်တာသူတို့ပြန်ထွက်ပြီးမှစစ်ကြည့်တော့အတုဖြစ်နေတာ။ အဲ့လူကနောက်ထပ်လည်းလာမဝယ်တော့ဘူး ဟိုနေ့ကလည်း ဆန်းကြွယ်ကုန်စုံဆိုင်က ကလေးမတစ်ယောက်က လာအပ်တယ်ငွေအတုဆိုပြီးသုံးရွက်လာအပ်တယ်။ စုံစမ်းဖို့ဖမ်းပေးဖို့ပေါ့။ အခုထိတော့လက်သည် ဘယ်သူလည်းဘယ်ကလည်းမသိရဘူးဟု ဆန်းကြွယ်ကျေးရွာနေ အမျိုးသားတစ်ဦးက ပြောသည်။

အဆိုပါငွေစက္ကူအတုသည် ငွေကြိုးမပါခြင်း၊ မျှင်ရည်စွန်းထင်နေခြင်း၊ ငွေစက္ကူရွက်သေးနေခြင်းတို့ကြောင့် ငွေစက္ကူ အစစ်နဲ့ကွာဟနေကြောင်း ဒေသခံများကဆိုသည်။

ငွေစက္ကူအတုဖြန့်နေသူများကို ဖမ်းမိနိုင်ရေးအတွက် ဖားကန့် မြို့ပေါ်၊ ရပ်ကွက်၊ကျေးရွာအလိုက် စောင့်ကြည့်ရန် ရပ်ကျေးတာဝန်ရှိသူများက စီစဥ်ဆောင်ရွက်နေကြောင်း သိရသည်။

ကချင်ပြည်နယ်တွင် ပြီးခဲ့သည့်သြဂုတ်လတွင် ပူတာအိုမြို့မူလာရှီးဒီ ကျေးရွာရှိကုန်စုံဆိုင်တစ်ဆိုင်တွင် အမျိုးသားတစ်ဦးက ၁၀၀၀၀ တန် ငွေစက္ကူအတုအများအပြားဖြင့် စျေးလာဝယ်စဥ်ရပ်ကွက်နေ ပြည်သူများကဖမ်းဆီးခဲ့သည့်အပြင် မြစ်ကြီးမြို့ရှိ ငွေလွှဲဆိုင်တွင်လည်း ၁၀၀၀၀ ကျပ်တန်အတုဖြင့် ငွေလာလွှဲသူရှိခဲ့သည်။

Read Previous

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

Read Next

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ